屯公M線客源分析

rowena.Lam 發表於 2018-8-10 23:13
57M做大循環, 仲慘過當年251M, 全程50幾60公里, 脫班脫到飛起係必然的事, 同埋要用幾多架車先夠維持12分 ...

大循環係怕兩樣野：中段同時有去程同回程客，減慢車程，同埋經塞車路段。
如果 57M 真係做大循環，有兩個方案：
一係行一小段荃灣路落西站，經楊屋道、葵福路返葵芳站，再經葵涌道去大窩口，跟 32M 上德士古道，最後象鼻山路直去。
另一方案係好似 88X 咁分時段，另一循環係象鼻山路、國瑞路、葵涌道、新都會廣場、葵福路、楊屋道，再行沙咀道跟 930X 返青山公路。
兩者有好有唔好。方案一好處在於可以善用荃灣西站巴總入口，去程楊屋道、葵福路有合理服務，而且回程葵涌道可以 n 飛，又唔使停眾安街等上客。
方案二做下繁目的在於楊屋道客唔使兜大圈（下繁用方案一應該無人搭），葵福路亦快咗，不過葵涌道食正工業區客，因為方向唔同咗，所以應該會倒俾 58M 67M 上屯轉。不過行完楊屋道之後點上公路都要諗諗，暫時無好方案。
最後如果條線經楊屋道嘅話仲可以入青衣，但唔會做到葵福路客，除非楊屋道、葵福路、青衣南，返汀九橋做大循環，直接放棄葵涌道客源。
講返塞車位問題：屯公其實一定要經，反正回程唔做生意私牌回車都係行屯公，塞唔塞我覺得唔係重點。另外屯公繁時逆向亦係小機會塞。
至於其他塞車位，可以係葵福路，但本身條線都經。另一個係入荃錦交匯處，果度都有少少風險。最後仲有一小段荃灣路塞車位，個人覺得如果唔介意塞燈，可以荃景圍天橋、大涌道福來邨、祈德尊新邨咁行入西站，包圍柴灣角工業區。

rowena.Lam 發表於 2018-8-11 12:20
你開架巴士入葵福路,係方便左D工廠佬,但人地小巴肯定反對,人地做緊獨市,你走去搶地盤 ...

而家信興/嘉里有廠車去葵芳/荃灣西，87K 都依然排長龍，根本食唔哂咁多客

如果有條直線去屯門/屯轉，班次合理的話都應該可以吸走西鐵客

rowena.Lam 發表於 2018-8-11 10:37
就算只去荃灣,平均上座率都過半,拉埋入工業區只會增多,不會減少,絕對無問題
...

同意，感覺上E綫都係做工業區

Kookaichun 發表於 2018-8-11 00:54
收到風，傳明年BRPP有機會重組屯門M線（未確定）

屯門 M 線做重組，其實都無乜邊幾條需要郁
57M 66M 呢組就由西鐵通車講到而家都未重組得掂
59A 59M 259E 呢組就已經成功煮死咗 59A，而家係差 259E 仲未死得哂
67M 除咗拉去欣田外都應該無乜特別大改動

唯一令人驚喜嘅重組
我諗只有為欣田而爆嘅全新路線
同將大蝕錢線 60M 郁手 ...

_剛仔 發表於 2018-8-11 02:25
57M 同 66M應該要2合1啦﹐但總站一定要去到荔北！始終66M屯門同荃灣都太少站﹐或者拉66M去荃西有冇得諗 ...

拉去葵涌係咪唔洗加價先?

冇左八蚊平車出荃灣，區議會應該唔會妥協。

kingprowm 發表於 2018-8-11 10:29
成日都話要 68A 放返葵涌做乜 !!!
成日話青衣應該搵其他線做, 咁邊條線適合呀 ??? 唔好同我講 57M !!!
...

如果屯門有自己線出青衣，咁68A一係可以縮到荃灣，一係放返葵涌，但荃鐵似乎冇位放

屯門直去青衣線如果要吸到客，理想既梗係搵條經市中心既線去做，順便吸埋三聖轉140M班客

57M得個山景邨邊，大部分人都要轉車，搵佢不如屯轉開好過。而58M本身多客，:又唔會郁佢

反正60M又唔係好好客（相對上），不妨可以考慮下拉去青衣

香港黃毛小子 發表於 2018-8-11 20:44
拉去葵涌係咪唔洗加價先?

冇左八蚊平車出荃灣，區議會應該唔會妥協。

其實搞荃灣三站前門落車拍咭回水，或在愉景新城和荃灣站設拍咭機回水都得，視乎九巴有冇大決心搞