290 290x 早繁車程記錄 (#42新加40轉296A回程)

poondriver 發表於 2018-8-24 11:31
下繁新清點會唔塞 290B 個段時間就係開始塞車個段時間
不過最塞唔係新清 最塞係龍翔道

見過幾次 290B 要 18:40 先到荃西

其實有資源嘅話，可以認真考慮290X改返飛寶達，經秀茂坪道順利邨道，不停站直去龍翔道

另外開一條全日跟214行碧雲道、安秀道，彩虹之後直飛荃葵

咁就大家開心
不過有資源先算啦._.

290X真係好X快
感謝九巴、讚嘆九巴！

無咩事我翻去坐MTR先，趕住出荃灣

poondriver 發表於 2018-8-24 14:02
開繁時咪得 爆大少少個時間 開6～9 17～20
拎290 同214堆加班車去做 相信資源唔駛用得多

咁仲有碧雲道嘅，依家本身碧雲道冇地鐵，都冇荃灣線，plan緊嘅油荃都有機會兜碧雲道，咁就唔爭在執一執啦

其實成件事都幾好笑，明明290X唔洗入寶琳坑口，又經嗰個傳說中又唔係好多人上車又唔駛塞燈嘅安達臣，結果同290比根本唔差得幾遠。

早幾日都試過一次諗住追290，點知追唔切，結果由巴士站死死地氣送完車尾上返去坐地鐵，結果將軍澳站出返嚟先見到同一架290喺個燈口，準備轉彎入將軍澳站。

如果咁睇嘅話，除咗係尚德同埋調景嶺之外，基本上打後嘅坐290X完全冇任何時間優勢。咁既然條路線都係為安達臣而設，其實不如縮短去寶達，慳番幾架車仲好啦

Charon1999 發表於 2018-8-24 15:34
其實成件事都幾好笑，明明290X唔洗入寶琳坑口，又經嗰個傳說中又唔係好多人上車又唔駛塞燈嘅安達臣，結果同 ...

其實如果睇返樓主記錄，290X尚德去荃灣大概65分鐘，290將廣去荃灣大概70分鐘，換言之290尚德去荃灣大概73分鐘

290X係就係快左8分鐘，但只限尚德，調景嶺都只會快三五分鐘，將廣直程冇快過

又咁講，將軍澳都有野行，290X入埋將軍澳可以攞到少少流水客

少少咁囉

10598C 發表於 2018-8-24 16:50
其實如果睇返樓主記錄，290X尚德去荃灣大概65分鐘，290將廣去荃灣大概70分鐘，換言之290尚德去荃灣大概73 ...

問題就係將軍澳出彩虹、黃大仙坐290其實唔係想像中咁惡頂。

我唔係話要爭取入咩將軍澳隧道又或者點樣，但其實留番一條290喺度唔好亂咁搞佢，對將軍澳南嘅居民嚟講已經好好。都係嗰句我最擔心係290X全日之後，本來已經十個茶煲七個蓋嘅290系會任由290脫班而比290X出齊車......

因為都好坦白咁講，以現時嘅路面狀況，就算行將軍澳隧道+觀塘道都好，唔塞車嘅情況之下先至有機會快過地鐵，問題係沿路上有幾大幾率係唔塞車大家心中有數。
反正無論再點改都好，將軍澳南始終都係坐地鐵快過坐290系
咁嘅話只要保留一個唔好太差嘅選擇，做好啲班次，應該至少仲會有批捧場客，好過亂Q咁嚟之後乜客都倒走曬