九巴招標採購歐六雙層巴士 (兩軸及三軸)

Snoopy@FB8617 發表於 2018-8-26 17:51
黑心小小咁講
我覺得老九絕對有可能會唔理上唔到既分段客

巴士公司自然不屑做呢啲短途客啦
但我見到佢哋忍受103不穩班次之餘，仲要有機會上唔到車，QE客仲要無plan B走，我覺得好慘啫
呢條線話好多客又唔係，但用E400時有頂閘，以前用AV/9頭，而家城巴用95頭就好少會留後，係不爭事實，載客量就係啱啱好差呢半隻窗
剛巧小弟以前返科大係搭91、91M，亦係同樣經常感受到11.3對加四車嘅分別，嚟架龍仔係連我啲同學都睇得出九巴用細車

你哋搭開大線，架架12米又無咁疏，呢個分別係無咁深體會嘅
九巴要係一架11米都唔買，用兩軸頂硬上，咁唯有乘客都頂硬上
但樓上版友都列舉咗，如果要買11.3米，係夾到五六條路線適用，本身亦唔係咩奇怪異獸車型，買幾十部並唔會有咩不可解決嘅問題

KC7813_ATS64 發表於 2018-8-26 21:23
所以請問你有無留意我講緊係拆綫分開班流水客同直通客？元朗-上村莆雙向循環綫再做埋聯合班次講緊個間隔 ...

64K下繁都開唔足車，當然比實際班次疏，而欠人收車問題係唔會因應拆線而得到解決。
錦上路一帶係有唔少居民前往大埔或經大埔再轉車去其他地方，一班車如果要廿幾人落車係上村再轉車出大埔，相信都唔符合拆線既本意。除左真係慳左短車之外，恕難認同利用拆線方式解決現時64K面對既班次，客量同車程問題。

053h4 發表於 2018-8-26 21:37
話明係流水，即係有落有上
錦田可以坐西鐵去港島，唔好以為元朗錦田無往林村。
咁樣搞巴士班客真係多得你 ...

我住林村, 學校要返學日子, 未夠七點出大埔到鍾屋村都已經會頂閘,
有段時間我會坐去錦上路轉鐵出尖沙咀, 因為實在太多人等車,
等到65k或64k太和特車又會太遲,
如果拆綫又夾唔啱時間轉車, 真係唔知要用多幾多時間.
自從65k加班同64k太和特車出現, 朝早去元朗班次其實已經疏咗.

HV7025 發表於 2018-8-26 22:13
巴士公司自然不屑做呢啲短途客啦
但我見到佢哋忍受103不穩班次之餘，仲要有機會上唔到車，QE客仲要無plan ...

其實我幾想知 103 而家做緊啲乜客？

佢全程真係兜得相當誇張，尤其是蒲飛路經堅道、花園道落山，之後行電車路到銅鑼灣先過海（北行直情去到天后） ，去到九龍又喺何文田、九龍塘行大運（？），先至到樂富竹園。

以前我有朋友返港大、住竹園，都唔想搭 103。聽佢講兜個幾甚至兩個鐘係正常。

如果九巴無意解決「因路面問題用短車但載唔哂」問題，係咪應該考慮將條線交俾城巴獨營？

238X 發表於 2018-8-26 23:31
其實我幾想知 103 而家做緊啲乜客？

佢全程真係兜得相當誇張，尤其是蒲飛路經堅道、花園道落山，之後行電 ...

我大部分時間坐103係九龍方向，可以講講
極少半山客坐佢過海，繁時一個鐘都未必入到隧道
非繁落到金鐘多數只有個位數字客量，部分更加係喺銅鑼灣落車
灣仔上車亦要面對上車後3、40分鐘仍然喺灣北等過海嘅苦況，因此客量不多
但銅鑼灣幾個站可以上唔少客，一來可以執102、106隧道客，二來對何文田、樂富、竹園客吸引，何文田維景酒店遠離鐵路，銅鑼灣搭鐵去樂富竹園亦唔快，103有車時間並不太差，夜後甚至快過地鐵
而九龍段亦有不少獨市分段位，QE、愛民、維景酒店三站大部分時間有人等車，QE有時更加會有超過20人
以前用11米豪為主，甚少企滿
但cut班用E400後，情況明顯變差
有段時間城巴都大手用E400，夜後都可以頂閘
幸好近期多番用95xx

至於港島方向，留待其他版友分析，但早繁目測到隧道口多數未坐滿

HV7025 發表於 2018-8-26 23:45
我大部分時間坐103係九龍方向，可以講講
極少半山客坐佢過海，繁時一個鐘都未必入到隧道
非繁落到金鐘多 ...

其實佢103係咪要一開二，其中部分路段西隧？

舉例說，新線蒲飛路開出完，花園道落山經金鐘後，響海傍出干諾道或者龍和道一帶、IFC行西隧，再經深水埗、白田、石硤尾浸會去樂富；
相反嘅，咪出西之後行到去金鐘轉上半山，再依舊有路線行走。

103呢，縮線啦，金鐘（仲有邊度可以擺總站？），去到九龍依舊有路線行走。

純粹亂UP。。。

HV7025 發表於 2018-8-26 23:45
我大部分時間坐103係九龍方向，可以講講
極少半山客坐佢過海，繁時一個鐘都未必入到隧道
非繁落到金鐘多 ...

其實 103 港島方向行車時間未至於太差，但九龍方向真係好難頂

如果灣仔真係唔多客，不如熙信大廈後跟 2 仔轉出入境處，
然後直飛銅鑼灣，告士打道 U-turn 停景隆街，
再上鵝頸橋，U-turn 停堅拿道西入隧道，放棄天后

起碼唔駛成條電車路慢慢食燈慢慢碌，半山會比而家明顯快。
景隆街上車只係停多個站，但本身已經係兩個避 U 形橋入紅隧行法既其中之一。
但同時堅拿道西尾站，食正灣仔東部唔近地鐵既位，有機會食糊

另一個 hidden agenda 係做埋半山往灣北銅鑼灣半直通

如果可以改道省時，兩巴或者可以小執時段，繁忙時間安排不變
而非繁定點做 20 分一班，應該都會有幫助

S3BL100 發表於 2018-8-27 00:43
其實 103 港島方向行車時間未至於太差，但九龍方向真係好難頂

如果灣仔真係唔多客，不如熙信大廈後跟 2  ...

多年前常坐103，菲林明道同灣仔消防局係兩個大站，要諗清楚值唔值得飛。