608首航客量報告

ricky 發表於 2018-8-27 11:06
608慢過106A？應該唔會卦。

106A行紅隧時間穩定，608九月開學後東隧一定塞到pk

053h4 發表於 2018-8-27 12:40
紅隧九龍入口由朝早塞到夜晚

穩唔穩定既問題

053h4 發表於 2018-8-27 12:40
紅隧九龍入口由朝早塞到夜晚

106A通常唔駛陪塞過海隧道巴士站十幾分鐘

今朝返筲箕灣工作，就試下由偉恆昌新村行去盲人輔導會坐0745 班次。
為咗唔好錯過班車，0733 我就出門口，見到一班106，0742就行到去巴士站等候。等候608期間見到另一部106A(應該是0725班次) 。0749上車去到西灣河就0839，行返去太安樓買一個大家樂再轉82去到筲箕灣就已經0852。

暑假期間亦都試過大約時間坐106 同埋 21/11K > 118 嘅時間
106大約60分鐘就會去到南安里，而21/11K>118 大約 39-42分鐘到阿公岩道。
而呢一個計算，住在土瓜灣道九龍城碼頭，甚至翔龍灣打後嘅居民，其實直接坐返106/106A 可能比起預時間去坐608 更為化算。(既然106A同608 由木廠街起計其實差唔多時間去到健康村)

如果以呢個車程計算，回程去到中華煤氣應該亦會同106P (RPP健康村上橋建議) 時間相若。如果係咁嘅話，其實再入去土瓜灣道意義就係北角之-西灣河比106快，然而106A(去程) / 106P (建議回程) 同608時間相差不遠，甚至608更慢。固然大家覺得紅隧塞車，但係其實東隧同九龍灣觀塘繞道慢線落橋再之後入去九龍灣一樣有塞車，所以下午繁忙時間(有106P嘅話)反而未必班班車都需要返到去土瓜灣，係啟德都可以清客加快回車。

我反而咁諗
如果早上班次嘅608 推入去黃大仙開 (假設0715 - 0755做特別班次) (掃返晒黃大仙去到木廠街嘅站)
然後將106A 改由翔龍灣/九龍城碼頭起載。

或者608不變，106A直接去到九龍城行宋皇臺道，留返多啲位置比紅磡嘅人上車(106A 間唔中行40xx就可以街市頂閘)
咁608 可以加班嘅機會又會大咗，106A 又可以有多少少空間比紅磡嘅乘客。

坦白說608如果計埋步行同埋等車，對於下路嚟講，過港島係不太吸引。

不過大家爭論回程嘅話，如果係直行土瓜灣道，同埋入炮仗街，我又覺得行土瓜灣道其實又未必係慢。講早上時間，土瓜灣道西行唔算特別塞車，上返去馬頭圍道北行亦都順暢，塞車基本上都未去到工聯會，就算過到去天光道，咁入炮仗街一樣塞車。晚上時間更加順暢。
反而點解話入內街無咁好呢，下午開始九龍城碼頭會有好多旅遊巴接載遊客，九龍城碼頭開嘅巴士，唔一定次次都可以過到第一次嘅燈位。再者馬頭角道亦都長期中線行車，左轉炮仗街左邊亦都長期有違泊。入九龍城碼頭掉頭離開到，直行土瓜灣道可能已經去到落山道。但係直行土瓜灣道就可以做到更加多客。

我哋嘗試用更科學嘅方式去比較一下
ETA (85A) 由翔龍灣去到九龍城碼頭總站係2分鐘
ETA (85A) 由九龍城碼頭總站去到欣榮花園(即係啱啱過咗炮仗街) 係4分鐘，
Google Map 炮仗街去到農圃道3分鐘
Total = 7分鐘

ETA (21) 由翔龍灣去到銀漢街係6分鐘
ETA (85) 由銀漢街去到農圃道係6分鐘
Total = 12 分鐘

相差5分鐘嘅時間
但係可以做到608>796X/E23 都可以係銀漢街同站轉乘，同埋將覆蓋範圍延伸去到維他奶。對比去程有4班106A，回程只有2班106P (早上班次西灣河上公路同608冇乜大衝突)以及北行過九龍106要塞入景隆街同埋紅隧下繁北行嘅巴士站倒塞，其實對於西灣河-北角客,608 會係一個唔錯嘅選擇。

我反而咁諗
下午繁忙時間（新創建時段，即大約1745-1900）
如果608行埋下路
咁港島東往九龍東可以徹底啲咁分流
106 可以盡量踢去北角開始做生意，小西灣開始嘅可以好有限，反正長期脫班
106P 可以照模範邨上公路，然後係新柳街穿上上路返黃大仙 (紅磡，上路，黃大仙)
608就做(小西灣-西灣河可以用BBI) (西灣河-北角)-->啟德去到土瓜灣

純粹用居民角度去諗，未係好詳細咁分析

最估唔到宋皇臺道飛站
可能俾差不多時間出現既106A搶客

參考自 cong 發表於 2018-8-27 08:47
608冇想像中咁快，今朝坐0745開既6200@106A，到木廠街見到前面6443@608，去到太古坊見返同一班車

另去到鯉魚門道開始跟住613尾
可能影響左東隧上客量


==
搭過一兩次106A，去到紅磡街市已經難以登車
紅隧口排隊等待指示後直接外線落客+入隧道

jocosben 發表於 2018-8-27 12:37
106A行紅隧時間穩定，608九月開學後東隧一定塞到pk

106A車程快唔快，其中一個關鍵係呢班車停唔停紅隧口上客。好多時因為106A在紅磡前已經企滿，新城巴的紅隧口工作人員都叫106A司機唔使停巴士站上客，咁樣就慳咗大約五至十分鐘時間。