巴迷分佈

純八掛討論，所以選擇喺 B22 post。相信大家喺 B2 討論完之後都會大約知唔同版友住邊區。不過除咗居住區域外，仲有好多野可以用作分類：
1. 幾乎次次追新車或者就退嘅車，都係見 12-18 歲嘅男仔多（我以高度同外表定義），第二多嘅係三四十歲男士（通常攞相機），唔知仲有無其他年齡層（例如我）嘅巴迷？另外大家有無見過巴迷係女仔？
2. 收入：我發覺好多細路都有高階攝影器材。自問用電話影相，到底佢地用咩錢買器材？問屋企人攞？對於其他人，如果收入係自己賺返來，其實係咪真會捨得咁貴買巴模、攝影器材、紀念品等等？我相信唔少巴迷為咗用盡轉乘優惠，可以等好耐或者轉來轉去，小則 67X 轉 59M，中則 88K 轉 87B，大則 701 轉 796C 轉 20 轉 796X。
3. 保鐵：有唔少巴迷即使鐵係最佳選擇，都唔肯搭鐵，例如荃灣站去金鐘站，係都要行返出沙咀道等 930。又例如屯門去元朗，寧願死等 68A 都唔搭輕鐵。
唔知大家係邊類呢？

3.係保巴not保鐵，我自己如果要去港島只坐930X，冇就地底見

我覺得我自己係3，就算搭鐵唔駛點行，搭巴士要行成半個鐘，我都偏向保巴

2過多幾個月我可能有，3我成日做，我住葵涌

我10歲

其實tm4922版友，你幾歲冇人想知，更加冇人想知你住邊
不過既然你係小五生，都係好好讀書，學下啲師兄點出 post，唔糸你好快被人停版

P. S我已經好好人，再見到一段文字分幾個post就舉報你

384047x 發表於 2018-10-15 20:53
其實tm4922版友，你幾歲冇人想知，更加冇人想知你住邊
不過既然你係小五生，都係好好讀書，學下啲師兄點出  ...

我已舉報

我係3嗰類，堅尼地城去灣仔有得保鐵我都堅持坐流水，或者啱時間坐到5X。

我係 1