有冇人幫襯過呢間野買巴模?

我尋日見到佢呢架AUTOMODEL 1/76冇LOGO但其他detail位好似又一模一樣, 就問佢係唔係正版既
但轉個頭已經比佢del左comment同block埋我!

有冇人幫襯過?

https://www.facebook.com/Network ... ?type=3&theater

九巴隻金色無標準既color code，間公司又無幫佢隻金色註冊，何來侵權？

如果無記錯，樓主你個留言係「正貨？點解無九巴logo既」但人地明明已經講明係「金色巴士」，同埋睇張圖都知啦，所以我覺得人地覺得你黎搞事係正常

樓主，你又幾得意喎？之前P&T出MCW Metrobus、Daimler DMS模型又唔問，偏偏宜家走上嚟問？
照你講法，全世界冇授權模型都唔應該出、改裝巴士模型店都唔可做、水貼師傅要永遠休息、咁全港老巴迷廿幾、三十年前到宜家買左的非官方巴士模型都要繳交出嚟？

九巴自己都應該會出 等下先都得 買佢官方出既實冇錯啦

係賣老鼠貨就唔會出哂 post 光明正大咁賣啦
話說人地有話過呢部係九巴嗎？

樓主既分析能力太差了！

冇嘢吓嘛？Network Shuttle 都未聽過？之前完全冇留意巴模市場？

lokkylee 發表於 2018-9-12 14:44
如果無記錯，樓主你個留言係「正貨？點解無九巴logo既」但人地明明已經講明係「金色巴士」，同埋睇張圖都知 ...

其實另一商號成日都有人上去搞事，專登講粗口又或者專登留言讚上面個字號，
但人地都無 Del comment ，樓主條問題咁都要 del comment 兼 block 埋又真係小器，唔係玩開既人唔知你踩咩界唔出奇。

其實如果係咁理所當然既話，
大可大方回句「這是 AUxxMODEL 生產的正貨金色巴士，不是九巴」，但呢個「事實」唔係好奇怪嗎？因為佢擺明係九巴，只係無授權而無 logo，咁唔怪得要 block。

雖然九巴呢隻色無專利，
但非官方車同官方車一向各有各做就好地地，你出官方唔出既車人地就隻眼開隻眼閉，但之前架藍蛋已經連九巴仔都敢印，依家又玩野踩場，
難保九巴會註冊晒車身色彩，全部細廠一拍兩散。