[12-9-2018] 290又收車 & ETA出現鬼班次？

[12-9-2018 16:19 / 290 往彩明總站]
是日下午4:19，睇九巴ETA 290往彩明方向 @ 寶達邨站，見到寫住「8分鐘、49分鐘」，再望翻時間表寫住「05:30-17:50：20分鐘一班」。

第一個問題：
8分鐘果班車之後係49分鐘後，換言之相隔41分鐘，兩班車之中理論上要有至少一班車，係收車？定係咩原因？
相隔40分鐘一班已經唔係第一次見，之前Facebook等等ge地方已經早有討論 - 經常有乘客見到ETA之中290要等近40分鐘先有車，而我自己親身亦唔係第一次見呢個情況

第二個問題：
根據ETA，8分鐘後會有一班290扺達。但係超過約18分鐘後仍未見車(之後我走咗)，而ETA個時間係過咗8分鐘之後消失咗果班車，換成「41分鐘」。
究竟係ETA非常唔準確，定係根本果班車係鬼班次？

-------------------------------------------------------------------------------------------------------
備註：
1. 如果你覺得呢篇文章係內容農場，或者覺得無討論價值，歡迎左上角返回離開，無謂嘥大家時間
2. 類似情況已經唔係第一次發生，而唔應該因為係「常態」而「正常化」呢個問題
3. 經已聯絡運輸署反映相關情況，但事態之今，我認為有必要喺B2版同版友討論吓

Eta唔準 呢幾日都係 我以為(喺eta)走左既車 佢竟然現實有  而且有一日塞車 佢都係出番唔塞車既數據

lsc04d11 發表於 2018-9-13 06:17
Eta唔準 呢幾日都係 我以為(喺eta)走左既車 佢竟然現實有  而且有一日塞車 佢都係出番唔塞車既數據 ...

根本成日有啲班次係ETA無顯示但係有果班車，有時顯示59分鐘後先有車，等咗10分鐘左右竟然有車埋站。
我懷疑係站長一時唔記得入定係臨時抽調無入電腦。
ETA嘅出現養成拎住個ETA做判官嘅風氣

清水灣道往順利邨方向，近牛池灣街市快線有交通意外，龍尾：龍翔道。 (HKT 16:36)from rthk 唔知關唔關事