華通、粵港文錦渡快線運作討論

1. 南行肯定唔係，兩間公司各做各的。
2. 正常唔等，就算華通上水線都唔會疏得過15分鐘。
3. 你話呢？皇崗線都唔可以咁樣搭啦！

浸大小晴 發表於 2018-10-4 13:24
你意思係未話 華通自己已經係開15分鐘之內一班, 而粵港亦可能係15分鐘一班, 兩家做聯合班次, 過關客邊架 ...

兩間公司根本就係各有各做...
你睇文錦渡總站有兩個售票位就知啦！

華通一般15分鐘一班，粵港就15-20分鐘一班。
華通有機會可以一次過開兩班，其中一班停上水再出九龍...
粵港就獨自派車，有時候會有榮利車支援。
你拎對家車票根本就上唔到車，點會係聯合班次呢？

浸大小晴 發表於 2018-10-5 13:29
咁喺文錦渡點知邊架開先? given 2家公司既車都喺度

無得知，睇你彩數。

不過華通一向都係密過粵港的，
所以你真無頭緒就揀華通吧！

浸大小晴 發表於 2018-10-7 10:26
1. 咁出旺角的班次半小時一班, 係未固定公司出車? P.S. 坐過華通, 要兜入上水 (連開2架車,1架只去上水)  ...

1. 粵港文錦渡快線只去上水廣場，無做其他的地方（班車除外）。
華通九龍線南行一向都要入上水落客先再出九龍，
就算以前經停荃灣都係一樣。
所以會出每半小時兩班車一齊落上水嘅景象（北行唔知，未搭過。）；
不過據聞只往上水嘅班次係會停鳳溪落客，
但九龍線就直往上水廣場落客，
所以還是有分別的。


2. 一向使用文錦渡出入境嘅旅客都唔多，所以華通經常用這個做賣點。
原因？以前文錦渡附近都無地鐵，又唔算近火車站，加上之前根本無啲乜鬼文錦渡快線，
所以少人用係好正常。
至於快唔快，視乎你去邊吧！
單用羅湖口岸同文錦渡口岸嚟比，過關可能會快，
但計埋車程，羅湖+港鐵未必會輸。

浸大小晴 發表於 2018-10-7 12:30
1. 鳳溪有得落, 但無得上, 如果有得電話預約, 上車比錢就好啦 咁就唔洗走去上水廣場先有得坐, 跨境生 ...

文錦渡線其實真係無乜大作用，內地嗰邊嘅交通配套其實同香港依邊一樣都係配套不足。
地鐵站最近都要行起碼5-8分鐘，去羅湖公交站就近啲，
但搭去羅湖都要10分鐘左右，回程又要等車，
等得嚟我不如行返羅湖算數了。

香港依邊更加唔駛講，去到上水要轉車，華通九龍線得返一小時一班，
粵港元朗線更加係佛系班次。
我行羅湖雖然港鐵係貴，但去十八區都可以，而且幾分鐘一班車，
遊客都識揀啦！