高鐵太多短途車，係咪同分賬有關？

首先我指既短途車係指深北同福田．

係內地討論區見到下圖：

第一：D車開去深北，MTR利潤仲比去福田既少，但去深北營運成本卻比福田多；同樣地，自己車開去廣州行多3/4倍既路，3/4倍既時間，但利潤卻連去福田既２倍都無
第二：無論長途車去幾遠，都係分得112蚊，對於MTR黎講，有冇長途車都無分別

會唔會係咁，攪到高鐵最有利，3-4小時車程既路線，佢地跟本無意欲去開，或者係，開同唔開，佢地跟本唔在意??

長途車由中鐵派車兼承擔營運開支，港鐵純粹齋袋位位$112/$71嘅票價收入，仲好賺過短途車要自己落水派車同承擔開支，港鐵實想中鐵批多啲長途車落嚟香港，問題係香港有冇咁多客，中鐵派車落嚟但香港唔夠客cover 新增成本就更加唔會再加派列車，尤其係國內本身都供不應求嘅旺季，係都俾自己賺返先，所以問題係高鐵短途車收費偏高，越近越貴，深圳北有直通巴競爭先平少少，福田係獨市位就更加劏得就劏

ryandroid 發表於 2018-10-6 22:56
長途車由中鐵派車兼承擔營運開支，港鐵純粹齋袋位位$112/$71嘅票價收入，仲好賺過短途車要自己落水派車同承 ...

MTR唔想自己車行長途, 想中鐵多D車落香港, 但中鐵又唔想自己車落香港, 令到本身已經供不應求既廣深區段更爆, 最後攪到依家最多班次變成競爭力最低, 食水最深既短線車(深北同福田)

HU6455 發表於 2018-10-6 23:16
MTR唔想自己車行長途, 想中鐵多D車落香港, 但中鐵又唔想自己車落香港, 令到本身已經供不應求既廣深區段更 ...

港鐵唔行長途係情有可原嘅
因為長途收入一大部分歸中鐵所有
但成條綫嘅營運支出就自己食哂就做唔嚟
所以港鐵最多只會開到去廣州南
以依家嘅收費結構
香港去廣州南嘅內地車票分帳已經超過港鐵
港鐵又唔甘心自己出錢開車開咁遠但收得嗰最多每位$112其他上繳中鐵
咪主力福田同深圳北囉
廣洲南以外嘅長途只係靠中鐵派車

但如果港鐵唔係要賺咁多或者高鐵站唔係貴成咁
其實減返個票價去返$40位去福田(大陸收$5)
$140去廣洲南(大陸收$100,港鐵收$40兼肯按里數比例1:5派車)
肯定多人到中鐵肯密密派車落嚟香港
至少長途車同時做長途同短途流水可以確保車站同車站之間都用盡載客空間
但港鐵選擇抬價劏客
咁中鐵見票價長短途都吸唔到客就唔會嘥車落嚟香港

每班車嘅營運成本都唔會因客量多少而有大變
港鐵就應該減價吸客去推高西九龍站同圓方鋪位收入先係正路
奈何港鐵以為開到貴一貴都有大把客俾佢劏
咁就唔會有大陸人嚟香港露營或者喺麥當勞過夜啦。。。。
國慶黃金周最高都係僅僅八萬人
中秋國慶都已經完哂
下星期都唔知會唔會跌到平日每日2萬都冇XD

bjbus 發表於 2018-10-7 15:40
請問大陸人搭動感號深圳北去廣州南一段，港鐵收入多少？

0元

其實港鐵唔使買咁多動感號
西九站唔使起咁多條月台
西九站無需要內地口岸區
再於福田站及深圳北劃出口岸區
西九站只開行香港來回福田或深圳北
劃一收費$80 以機鐵形式收費
用動感號行駛 每15分鐘一班來回福田及深圳北 一小時即可完成一轉車
乘客北上後自行買票轉搭國內段

優點：
1. 港鐵全數袋$80車費收入 無需和大陸分擹
2. 港鐵不用處理12306取票事宜 節省大量行政成本
3. 簡單票務 不用請大量售票員 節省營運成本
4. 符合基本法
5. 深圳北是樞紐站 大量列車前往全國各地
6. 15-20分鐘即由香港市區快速到達深圳 分流各陸路口岸

KU1143 發表於 2018-10-7 16:27
其實港鐵唔使買咁多動感號
西九站唔使起咁多條月台
西九站無需要內地口岸區

已經返唔到去啦
死心啦
而且冇一地兩檢都要收每位$80
平日肯定唔過兩萬人
又冇中鐵開車落嚟坐住收錢
維修列車、營運成本又大增
可能仲蝕過依家