北港島綫交匯方案 - 改喺維園做會否更理想

groom1002 發表於 2018-10-18 13:16
北港島線換線方案只針對新界九龍往東區和中西區通勤需求,不是用來新界九龍往東涌和將軍澳,前 ...

通勤需求的話 南北線和東涌線換乘港島線往東應該是逆主客流方向所以應該不會那麼擠塞吧？就差在南北線往中環，可以選擇轉乘荃灣線

qunow 發表於 2018-10-18 11:39
沙中線銅鑼灣站還有機會會有嗎？

沙中線網站有晒銅鑼灣段走線，自己搵搵再講

eternalflame 發表於 2018-10-18 13:47
沙中線網站有晒銅鑼灣段走線，自己搵搵再講

有線不等於有站 當初不是說因為對交通影響過大所以放棄嗎？還是說因為有了中環灣仔繞道就沒問題了？

qunow 發表於 2018-10-18 10:42
但是港島線現在客流主方向是上繁西行下繁東行吧
即使是西港島線通車後，荃葵青等區前往港島區換乘港島線 ...

第一
依家銅鑼灣至天后最繁忙唔代表金鐘至灣仔唔繁忙

第二
無論係交匯方案定換綫方案
北港島綫都可以分流到天后至銅鑼灣嘅人流
差在將軍澳綫多人去維園至香港定銅鑼灣至堅尼地城
將軍澳綫只係選擇返繼續搭返原綫定北角站轉綫
港島綫加北港島綫足以應付觀塘、將軍澳、東區乘客早繁西行嘅需求
所以天后至銅鑼灣西行嘅繁忙情況並非考慮北港島綫方案嘅因素

第三
現時將軍澳綫過海乘客是包括東鐵綫及觀塘綫九龍塘以東嘅轉綫乘客
當東鐵綫過海段通車後東鐵綫及觀塘綫黃大仙區往東區嘅乘客都會由將軍澳綫轉移至東鐵綫
使港島綫天后至銅鑼灣最繁忙路段由金鐘至灣仔段取代

第四
東鐵綫過海段通車後必然增加大量新客源
無需等通車後才想像到金鐘至灣仔將會是港島綫最繁忙路段

第五
東鐵綫過海段通車因可直達金鐘轉乘港島綫
東鐵綫應付鑽石山以西嘅過海需求比東涌綫、將軍澳更具優勢以改變乘客乘車習慣轉用東鐵綫過海
但東涌綫止於添馬的話就要製造不必要的轉乘次數
難以改變乘客乘車習慣
就會令可以接駁港島綫嘅東鐵綫過海段需要同時應付新界東、黃大仙區、九龍城區及新界西北
港島綫金鐘至灣仔嘅客流量亦會大增
下繁情況更加惡劣

第六
荃灣綫大把人繼續碌去金鐘先轉港島綫
轉東涌綫嗰啲一係去中環
一係跑慣斜路
一係怕金鐘上唔到車
交匯方案無助解決港島綫金鐘站擠迫嘅情況

qunow 發表於 2018-10-18 13:25
通勤需求的話 南北線和東涌線換乘港島線往東應該是逆主客流方向所以應該不會那麼擠塞吧？就差在南北線往 ...

唔好忘記堅尼地城/南港島線往東區是有好大通勤需求,現時港島線樽頸位金鐘-灣仔。如果用交匯方案,東鐵過海往太古至柴灣需轉2次車,令唔想多重轉車東鐵乘客變相需在金鐘站轉港島線,連同西港島線+南港島線+荃灣線四線人流往灣仔-東區人流迫上加迫。如果用換線方案,東鐵過海只在會展轉一次車就能到北角至柴灣各站,連同西鐵及荃灣綫(荔景至荃灣)只需轉一次車東涌線東延亦到東區,從而減輕港島線主要樽頸位。

ryandroid 發表於 2018-10-18 14:43
第一
依家銅鑼灣至天后最繁忙唔代表金鐘至灣仔唔繁忙

如果港鐵唔係因東涌線系統限制,換線一定係首選。
其實更大膽方法係將軍澳線仍可延長接通港島線堅尼地城至鰂魚涌,港島線經炮台山改經北港島線至添馬,東涌線維持延長至添馬

qunow 發表於 2018-10-18 13:50
有線不等於有站 當初不是說因為對交通影響過大所以放棄嗎？還是說因為有了中環灣仔繞道就沒問題了？ ...

我嘅意思係你睇下現行走線係咪仲有機會有站呢？
點解當初九鐵個計劃起到，就係因為走線唔同，而且九鐵走線都一樣Google搵得到

groom1002 發表於 2018-10-18 15:01
如果港鐵唔係因東涌線系統限制,換線一定係首選。
其實更大膽方法係將軍澳線仍可延長接通港島線堅尼地城至 ...

其實東涌綫啲限制全部都可以解決到嘅
東將直通本身都要換東涌綫幕門

所以惟獨欠九龍至香港加多條過海隧道俾機鐵
機鐵掉頭隧道預留改向上環方向
青衣至香港嘅東涌綫班次就可以提升至每小時32班
再換埋東涌綫幕門就可以同港島綫貫通

北港島綫好大可能都係政府俾錢港鐵起
中環碼頭有至少4幅商業用地
每幅都百幾二百億
賣兩幅都夠政府執靚港島綫、東涌綫及將軍澳綫
無必要慳嗰少少就將港島重要嘅鐵路交通求其用交匯方案起
如果東鐵綫起埋中環南站同香港大學站嘅話就更需要東涌綫分流過海乘客

ryandroid 發表於 2018-10-18 14:43
第一
依家銅鑼灣至天后最繁忙唔代表金鐘至灣仔唔繁忙

1.請分清楚上下繁東西行
2.天后西行不是重點的話那麼換不換線並沒有影響
3/4. 金鐘至灣仔，你是說上繁東行？如果會展站滿足不了這些乘客而讓他們繼續到金鐘轉的話，那無論換不換線都不會影響結果
5.a.下繁無論你在東區換不換線，都改變不到銅鑼灣灣仔等地的人怎樣換乘南北線，在北角/鰂魚涌也是無論怎樣換都可以兩條線任上
5.b. 有關西鐵線，考慮到新紅磡站轉南北線的距離，不認為東涌線對南北線會有競爭力。何況北港島線2026開之後等多十年左右就有人工島新線
5.c. 至於說灣仔…如果坐南北線去灣仔嘅人寧願金鐘轉都唔想由會展站行入去，咁無論點換線呢啲人都一樣會坐金鐘到灣仔
6.a. 如果啲人今日唔肯轉東涌線再由香港站行去中環 第日即使用直通方案啲人都唔會肯轉東涌線再由添馬/會展行入去
6.b. 金鐘站的設計應該就是為了應付多線交匯的人流吧

ryandroid 發表於 2018-10-18 14:43
第一
依家銅鑼灣至天后最繁忙唔代表金鐘至灣仔唔繁忙

又咁講，添馬交匯/將東直通的話
東鐵早繁去港島東，可以喺會展轉將軍澳綫
一來車程較短，二來會展對面月台轉方便過金鐘
起碼處理左轉車次數一樣既上班大戶鰂魚涌(太古坊)先
所以我#1先話維園交匯方案辛苦左東鐵綫既朋友

當然，班友收工怕會展無位坐甚至上唔到車，
寧願行番港島綫經金鐘北上，又另一回事。