32小時四季島列車旅行

夢幻列車之旅，多謝每一位列車同仁帶給每一位乘客一次難忘旅程，很掛念你們。

夢幻列車來了！



驗明正身




列車兩端大量運用玻璃將車外風景引入車廂內





位於列車兩端德國MTU引擎，日本列車非常少見歐系柴油引擎，負責於非電化路線提供電力驅動列車同車內所有電力設備



通道比較窄，因為運行路線會行走中央本線，中央本線隧道較窄，所以有所遷就



位於5號車的lounge car，亦負責乘客上落車用

5號、6號同7號車都係雙層車廂，而呢3卡車身都使用不鏽鋼，而其餘7卡就使用鋁合金



房間鎖匙非常傳統



房內設有iPad提供所需資訊，crew line同可以上網



無遮檔駕駛室風景，而且車頂玻璃仲會變色調節





車掌打開駕駛室玻璃門比乘客拍照，但不能內進

由上野出發，大約3小時就到達塩山駅，乘客會於該站全部落車轉坐巴士食午飯同參觀。
於塩山駅，甲州市會安排小型歡迎儀式，甲州市市長亦親臨向乘客派小小紀念品




午飯部大機無影相，但懷石料理真係好好食

然後參觀酒廠，呢位係隨團攝影師，行程完結後大約一個月會收到佢所影結集而成o既photo memory book






之後會返回塩山駅，距離列車出發時間仲有大約10分鐘





回家了





Lounge Car真係好cozy

午餐都未消化完就到晚餐(我o地已經第2輪食)





我事前特別要求唔食沙律菜，所以我同我女朋友份餐有少少分別







飯後無耐就到達姨捨站

日本3大車窗夜景之一長野姨捨站



無錯，又食勒





特登o係車站加一個lounge比四季島乘客觀賞夜景，同食宵夜



乘客大約會o係姨捨站停留半小時，列車會先離開姨捨站，稍後折返。
若果唔想落車亦可以於車內休息，然後列車會再用switchback形式繼續行程

https://www.youtube.com/watch?v=eSTveL-Hg_Q

姨捨站switchback運作 (太黑甩晒focus)

而o係食飯期間，train crew就會將你間房大變身，梳化就會變成一張床，變身做床後依然舒服而且空間亦比預期中大。




但最後係訓唔著，因為兩個因素: 噪音同震動。
主要係噪音影響，因為通宵期間列車依然行走，而且部份在來線線型始終比唔上首都圈，加上6M4T設計，而我間房就好近轉向架，所以車底摩打聲，車輪摩擦聲，經過路軌接駁位聲，轉向架氣袋運作聲，鐵橋聲全部入晒。

但我間房隔離就係柴油engine，夜晚o係非電化路段運作都聽唔到engine聲，呢樣有少少安慰。

震動就還可以，窄軌加上車身咁重下，其實唔算好搖擺得好緊要。

第二日早上6點，列車到達喜多方車站，大約有一小時比乘客自由落車參觀，Train Crew見到我落車都嚇一跳，我估佢o地會覺得外國人唔慣咁早起身









10號車重63.9噸




車頂主要放置空調同集電弓




6、7號車(食堂同Deluxe Room)車頂特別裝有水缸












喜多方月台要加多一級比四季島乘客上落

請問在嘈音方面，沿途過隧道時候鳴笛聲會否傳入車廂

rickywk 發表於 2018-10-21 16:02
而o係食飯期間，train crew就會將你間房大變身，梳化就會變成一張床，變身做床後依然舒服而且空間亦比預期 ...

基本上起身落車乘客唔多，可以慢慢影公共空間

餐車同廚房，廚房用IH爐








7號車Deluxe Room + 四季島 Suite Room, 最前兩隻窗就係全車14間staff private room其中一間，全程12位train crew + 2位車掌 + 4位kitchen crew輪流o係呢14間小小staff private room休息，其實呢份工作都幾辛苦
Staff private room入面無洗手間，要用5號同6號車洗手間

rickywk 發表於 2018-10-21 16:14
基本上起身落車乘客唔多，可以慢慢影公共空間

餐車同廚房，廚房用IH爐

於喜多方停留一小時後列車再出發前往會津若松站，全車乘客轉乘兩部巴士去食早餐，而列車就會回送到會津若松運輸區整理同做最重要的事: 加水

日式早餐豐富到不得了:







食足1個半鐘後再坐巴士去親手試會津塗

之後會再上返列車:






大約11點半離開會津若松，然後只會o係幾個車站稍稍停車方便運轉士同大廚換班，乘客再不能上落直到上野終點站。

好天o既時候，列車兩端展望室真係好靚好靚