建議禁止港鐵車站內便利店提供八達通增值服務

成日見到好多用八達通卡既乘客，入到港鐵站，有增值機、售票處都唔去，係都要走去車站既便利店度增值，搞到便利店成日排長龍，影響真正購物人士！如果用八達通錶、細卡都仲可以話增值機用唔到，就算冇得找錢咪去售票處lol！又唔係唔知港鐵站入面D便利店細到冇人有，仲咁多人排哂係出面真係唔怕逼爆咩？

成日見到好多用八達通卡既乘客，入到港鐵站，有增值機、便利店都唔去，係都要走去車站既售票處度增值，搞到售票處成日排長龍，影響真正購票人士！如果用八達通錶、細卡都仲可以話增值機用唔到，就算冇得找錢咪去便利店lol！又唔係唔知港鐵站入面D售票處細到冇人有，仲咁多人排哂係出面真係唔怕逼爆咩？

八達通增值果班人嘟一下好快就搞掂，遇著買煙交乜費物費果班先麻煩

我買開月票，完全不能接受前面有班人只係增值八達通。。。。
將心比心者。
應該大力宣傳自動增值及o e pay增值，咁樣先係長遠。


明明日日搭幾十蚊都係要次次增50,呢啲先恐怖。
或者明明都係一增就增300,仲要餘額過百，點解唔自動增?

香港始終唔願大力推行
一樣嘢……就係不經人手
處理嘅服務有金額回贈。
反正目標就係要節省人手,
不過就係成為盈利一部分而
唔願拆返出嚟,我就唔信電訊、
公用事業、房署提供經便利店
繳費而唔洗嘔返手續費出嚟……

快餐店,超市嘅自助繳費
乃至八達通增值,只要不經
職員處理而有回贈,銀碼可以
商討,例如每張八達通每日限
領一蚊,已經可以大幅「騰出」
必需由職員處理嘅服務(例如我
自己,每次增值八達通500蚊,自助
增值機用唔到,長遠都申請返個人
八達通及自動增值)

仲有房署交租卡仲奇怪
可能有啲人真係用唔到自動
轉帳,租戶竟然要職員講返佢
聽要交嘅金額……呢啲情況隨時
阻30秒甚至以上。

就算便利店買嘢,我試過
某分店係俾顧客自助描貨品
條碼再「咇」八達通(平日面向
顧客嘅屏幕已有 touch screen
操作功能俾顧客自己㩒)但只實施
了一至兩天就回復原狀。

買煙咪快囉，講完後面轉個身拎比你比錢走得，八達通增值增值機同客服都搞到，係都死去七仔都唔知有咩為
買月票果班自己分一條隊慢慢排就真，有著數嘅野排隊都照有大把人排，好似咩半價雪糕單野咁。
為咗自己著數仲大條道理話人地有份比正價坐車嘅人增值阻礙你真係睇唔透。

lwb701 發表於 2018-10-30 14:40
買煙咪快囉，講完後面轉個身拎比你比錢走得，八達通增值增值機同客服都搞到，係都死去七仔都唔知有咩為
買 ...

買煙重可能要找錢，便利店增值根本比完錢嘟卡走得，半分鐘都唔洗，比起去增值機慢慢逐張銀紙入快好多。

冒着被打的風險利申：
－我係用便利店增值，但通常係住所樓下的便利店。
－三種現金增值方法中，便利店最快，用機要慢慢攝銀紙、票務處有時會有好多人問野／搞其他野或要行好遠先到。
－我只會在便利店冇乜人時增值，我唔會等到負數先去增，遲一兩日再增都冇所謂。
－唔用自動增值就係怕跌八達通被人狂碌，我認我思想迂腐。