金巴壟斷港珠澳，運力不足，旅客受苦

港珠澳大橋穿梭巴由「金巴」壟斷，但金巴公司車隊同司機不足，而且缺乏後備車隊，亦唔可以喺其他路線調車，一旦遇到突發性旅客增加時，根本無能力應付場面。

為增強運力，建議金巴旗下120部巴士全數行走港珠線，港澳線改由城巴、龍運、澳巴、新福利四大公共巴士公司聯合派車行走，每間公司各出車30部。港澳政府同時協議，必要時可以喺其他本地路線抽車行走。

建議乘客買票後，上車入票，以收回車票多少決定四大公司之間拆賬多寡。如城巴派出12.8米雙層巴士，而澳巴派出五州龍單層，則肯定城巴可獲更多收入。

其實應該比香港巴士公司做 新界 / 九龍 / 港島 來往澳門口岸 既巴士線 ，將港澳樽頸位直接解決，澳巴新福利本身處理 101X 102X 已經再無額外資源做，搵佢地寧願做博企車好過

天空之神 發表於 2018-10-30 12:18
其實應該比香港巴士公司做 新界 / 九龍 / 港島 來往澳門口岸 既巴士線 ，將港澳樽頸位直接解決，澳巴新福利 ...

大橋問題要由港澳兩地政府協商，如果只准香港巴士公司參加而路俾澳巴同新福利加入，恐怕澳門政府唔會同意。

其實70年代紅磡海底隧道通車前，政府原規劃類似嘅穿梭巴士服務經紅隧來往港九，由中巴及九巴以外嘅巴士公司經營，但只往隧道口附近，要再接駁本地巴士，但顏家及雷家早有其識，打破地域專利觀念，認為市區到市區嘅直達隧巴更有效率，於是成就今日嘅隧巴網絡。

參考隧巴經驗，如果四大巴士公司聯營大橋過海線，由香港市區直達澳門市區，足以令令港澳交通有突破性發展。

應該係幾間專利公司合體投標，睇吓投唔投到？睇返依家奪標組合，組成公司有咩關係？好明顯分餅都未到香港專利公司啦！當然睇落香港巴士公司好似大把車，但當運吉玩配額，車從何來？定冠忠嗰奪，專利非專互相支援？俾啲時間金巴啦，以前皇巴咪又係咁，深圳灣開頭同依家各類巴士嘅運作，直情兩個世界啦。

053h4 發表於 2018-10-30 12:47
香港專利公司星期六日大把SPARE車. 有無人渣的問題, 而家個人工已經多左人肯渣, 如果佢可以加到26000/3000 ...

除左某大家族，重有國家隊利益呢。
剩番 D 餅碎先到你班人分咋。

053h4 發表於 2018-10-30 12:47
香港專利公司星期六日大把SPARE, 有無人渣? 而家個人工已經多左人肯渣, 如果佢可以加到26000/30000, 應該 ...

除澳門某大家族外，澳巴乃係中央國企屬下企業，因此不可以將澳巴排除。

其實成件事就好似隧巴咁，不過路線更長，而且牽涉4間巴士公司。如果開辦市區到市區路線，更可以提供口岸互相免費（或補差價）澳門通、八達通、微信及支付寶轉乘，網絡效益更佳，90-120分鐘內真正香港市區到澳門市區，呢啲先係發展大灣區。

再者有港澳線補貼後，香港本地車費可以保持穩定，澳門政府亦未必再需要補貼本地車費。