本來想搭巴士返工，點知連西隧都塞車，只好投降

我而家住旺角（近豪華戲院），返工西營盤半山，我以前讀大學嗰陣搭開905搭咗好幾年（旺角街市上，均益大廈第二期落）都好快到，諗住而家返工可以照用呢條特快啦。

我返09:00，新工頭3日俾預期早咗少少出門口，點知西隧入口塞車，第1日係咁，第2日係咁，第3日都係塞車，搞到要成09:00先返到辦公室。結果第4日開始逼鐵轉車，一邊開Google Maps睇，西隧口繼續塞。做乜而家西隧口日日塞呀，我淨係搭段特快都唔掂，最終都係要保鐵收場，咁條905重有鬼用？引伸落去，咁所有西隧線繁忙時間都無用啦，最後咪搞到逼爆荃灣線同東涌線。

西隧唔係出名暢通嘅咩？近年東隧線係咁分班去西隧喎。如果連西隧都塞咁重做來做乜？

浸大小晴 發表於 2018-11-2 11:19
干諾道支燈累事, 倒塞囉唉, 成日都係咁, 好彩既就慢行, 唔好彩直頭停低, 真係如果上繁開條西區特快, 行堅尼 ...

905係行西環個出口，咪一樣塞入口，有鬼用

出西隧上繁塞車呢個現象已經出現咗至少十年，你而家先知？

其實西隧個出口設計得唔好；上環個出口要同4號幹線個入口共用，東邊街支燈就會頂死後面。

個人覺得中灣繞開左分分鐘仲會衰過宜家，因為4幹條直去斜路封左，去中環隊哂落上環出。反而堅尼地城出口keep少車。

塞返去九龍真係狗也不x

238X 發表於 2018-11-2 11:31
出西隧上繁塞車呢個現象已經出現咗至少十年，你而家先知？

我三年前讀大學，搭905返朝早堂都無問題；返數碼港intern嗰排，搭員工車行西隧都無問題喎。

我而家係講入西隧塞車，唔係出西隧塞車。出西隧塞車我知，所以我已經唔搭970好耐，主力靠904同905。

miklcct 發表於 2018-11-2 11:37
我三年前讀大學，搭905返朝早堂都無問題；返數碼港intern嗰排，搭員工車行西隧都無問題喎。

我而家係講 ...

其實都係同一樣嘢，只不過近年條龍返咗去西隧入口而已。

朝朝 8:20am 左右就入口開始塞o架啦. D 車多數臨入口果度 cut 埋o黎慢線，加上車海既巴士龍，唔塞至奇。