德士古道居者有其屋項目命名

s3n370 發表於 2018-11-13 01:17
今年施政報告建議，容許未補地價居屋的長者業主放售單位後，可在市場購入另一面積較細的未補地價居屋。話 ...

上述提及的只有是租者置其屋在購入單位後10年內申請白表居屋，購得單位後要放售現居單位，細換大及大換細均會出現。

但是白表的配額有限(不計新建單位[還要是再與綠表分配配額])，第二市場每年只有2500組名額，在綠表置居恆常化後建議居屋的綠白比例調整至4:6甚至是3:7，讓有較多非居住在公屋的居民擁有置業的機會。細換大的資助房屋估計因操作問題，加上如在第二市場的平台有機會互換單位，實行會較租置計劃困難。

巴士的膠 發表於 2018-11-10 20:28
由於一生人一次，買間開放式咪搵笨囉，尤其生埋小朋友更加唔知點住，所以我認為比1B單位已經唔係好，再加 ...

綠表置居有專門的項目(說白透一點都是公屋而已)任君選擇，更不會與白表競爭，折扣率比起居屋更低10%，除非是單身申請，實在找不到理由要購買開放式單位。
以下的例子(只是道聽途說)是：
1. 成為富戶甚至擁有私營住宅物業永續享有房屋福利的「逃生門」，更甚者會全數繳付相關單位價格而不用申請按揭，以至丟空單位至達到相關年期的轉讓限制後放售，此為「金蟬脫殼」
2. 居屋改為公屋的單位，面積比起一般公屋單位為高，因藉市區(或座落位置)的交通及配套便利，甚或是寬敞戶(不論是否達至優先處理的級別)因而遷至綠置居單位，雖則有機會大搬細，但不再受到公屋各種規則限制甚至再次搬遷至未知處

pcckw 發表於 2018-11-13 19:08
上述提及的只有是租者置其屋在購入單位後10年內申請白表居屋，購得單位後要放售現居單位，細換大及大換細 ...

問題係上述措施係雙向，而長者業主樓換樓先導計劃只係單向大換細，且細節未明...

pcckw 發表於 2018-11-13 19:08
上述提及的只有是租者置其屋在購入單位後10年內申請白表居屋，購得單位後要放售現居單位，細換大及大換細 ...

但景泰苑有1/2P單位，而麗翠苑亦有2/3P單位，兩者都係開放式，反而依家新樓幾乎無3B單位，正常隊（核心家庭）基本上揀唔到，以一個正常家庭約3人計，即係最多只係1B搬上2B，睇落大少少，實際上又唔係。

撤除舊邨比較細，設計較舊果批樓，八十年代後至港共上台前，主要公屋係和諧式同Y3/4型，仲有居屋轉公屋嘅康和同新十字型
和諧式一房係430呎左右
新十字型兩房係401呎左右
Y型約380/443呎左右
而一個構件式2B單位只係440-450呎

因為面積上根本無優勢，所以用綠表買真係欠缺吸引力，而剩低就只係地區同富戶嘅問題，又話者說子女要繼承戶主要重審又加唔到人頭等嘅問題。

舊居屋都仲話設備、用料上會比公屋好，依家連呢樣都係無嘅。

巴士的膠 發表於 2018-11-14 10:19
但景泰苑有1/2P單位，而麗翠苑亦有2/3P單位，兩者都係開放式，反而依家新樓幾乎無3B單位，正常隊（核心家 ...

1B/2B對比較新公屋無優勢啫，但個格局始終好過舊式。而舊式公屋又不在少數。
況且點都會有班人換居屋黎搏升值。

反而上到3B，雖然面積係大，隻則就好怪。
個則明顯預一邊間主人套房，另一邊係純睡房。
純睡房果邊按面積計，其實夠間三間45方呎睡房。
(45方呎係唔少新/半新私樓普通睡房的面積)
但礙於格局、結構牆、窗口及冷氣位，夾硬間3間房會搞到一係三尖八角，一係無窗。
間兩間係會方正D，不過間房會大過主人套房囉。

仲以為係跟返葵賢苑/葵蓉苑咁，叫葵x苑.....點之係跟喺沙咀道尾嘅尚翠苑用同一個pattern.....

busnrail_fans 發表於 2018-11-15 01:48
仲以為係跟返葵賢苑/葵蓉苑咁，叫葵x苑.....點之係跟喺沙咀道尾嘅尚翠苑用同一個pattern.....
...

咁德士古道同沙咀道都係隔左三幾分鐘路程啫，用番同一個pattern都合理

s3n370 發表於 2018-11-14 17:19
1B/2B對比較新公屋無優勢啫，但個格局始終好過舊式。而舊式公屋又不在少數。
況且點都會有班人換居屋黎搏 ...

開則已經好過私樓幾條街，至少樣樣都四四正正，明厠明廚（手工就⋯⋯）

而3B單位現在開賣左都有三款
一款係屏欣苑比較似和諧一型尾房嘅版本，即係所謂間四房會有一間無窗，但因為同客廳之間有兩個窿，所以要加間一間都唔難。
第二款係裕泰苑，基本上係第一種嘅縮水版，唔駛旨意喺睡房果邊間到多一間房。
第三款係凱樂苑果款，型狀似一個1B單位拍實一個2/3P單位，由於牆身只有一個大窿，就會有你講難改多一間房嘅問題，但呢個則應該係暫時最大嘅新居屋