過海線948快將重組

053h4 發表於 2018-11-7 15:29
其實我就唔係好覺新城有開新線而其他線有班次受影響的情況

所以人手就唔似好緊張

人手唔似好緊張？
你係認真定講笑
基本上依家嘅狀況係十個茶壺八個蓋，萬一塞下車或者多幾個司機缺勤，都已經要重新搞過堆班次
基本上依家都只係剛剛好。

796P點解得上繁，係因為下午繁忙時間啲司機已經用到盡。如果再要加嘅話，就要喺X嗰度開刀。尤其是講緊依家只係得四班車嘅情況之下，只要嗰日稍為有擠塞，796X嘅班次已經要即刻重新編過，甚至要大量踢車去用短棍維持班次

當抽4至5個人出嚟行796P都成問題嘅時候，我唔見得佢有能力抽6個人去行到948或者682B......

053h4 發表於 2018-11-7 16:18
南港島線減左58車, 唔知邊個叫啦

綠字好明顯就係運輸署有審批權, 佢明確用左"審批"呢個字眼

如果冇記錯嘅話，新創建係自願減車嘅。
要明白養一架車嘅成本唔低，如果請唔到司機返嚟開，架車放喺車廠入面鋪塵，但係你要繼續去維修同保養佢，開支唔會少。
咁樣情況之下，放棄呢批舊車係合理嘅。

更加重要係講緊，當其他區嘅路線開始有得做嘅時候，沙中線理論上係差唔多通車，咁到時喺土瓜灣黑洞入面嘅車就可以抽返出嚟，咁就有能力去加班（至少佢條數係咁樣計）
就算佢當年留住個批舊車喺個車廠入面對去到呢個時候都係要退，就算你照樣退然後入新車入嚟，部車只會早咗兩年到，然後早兩年退，又唔見得可以用到盡18x360日。
咁嘅話倒不如盡早拋棄，等到時候有一批新車落地，咁唔係更加好咩？

尤其是講緊依家冇司機，就算你再多車都好，都只係放喺車廠入面，霸佔空間又耗用資源

053h4 發表於 2018-11-7 16:20
塞車同缺勤無關係

而家城巴機場日日加車, 無咩車非繁支援962系/969系, 又唔見佢無加班或者港島線收車

就咁樣嘅，一般嚟講以往個年代夠人嘅時候
塞車嘅話將軍澳站係可以有人即刻出嚟開到車嘅，796C試過無數咁多次。
咁但係依家講緊係已經冇後備人手比佢再咁樣加落去，基本上架車遲咗返嚟，一係就中載一係就繼續延遲落去，係冇任何後備人手可以攝到時間。

而城巴，以我所知以往南區有好幾條路線都有私底下加班，而家係開咗減班之後嘅表定班次，淨係咁樣已經可以慳咗一堆車

053h4 發表於 2018-11-7 16:29
被迫定自願就唔敢講啦, 不過減車數目係"少過預期", 你認為係巴士公司爭取, 定係運吉責成巴士公司唔好減咁 ...

問題係依家冇人呀嘛
你架車唔識自動駕駛㗎嘛
唔係你架車放喺紅隧口，冇人嘅情況之下佢會自己載人過海㗎嘛 .___.

同埋另一個問題係
我先假設948有一個唔太差嘅人數
收十六蚊，仲要行西隧，行車時間唔短
如果有車的話，其實放落全程一個鐘唔使、唔需要行隧道、而且已知客量唔會太差嘅720，又或者係行車時間更短、但收費相約嘅8P，會唔會更加好呢？
仲未計延長服務時間之後未必真係每班車都咁多人，萬一有一兩班車空住過海呢？
796P就話可以同平時796X過鐘私嘅車夾下啫，但係948可以同到咩其他路線夾呢？

或者會有人話，西隧日後會有隧道費津貼，咁但係呢個係日後嘅事，咁等日後出咗詳情係點樣，先至再跟住佢嘅詳情安排全日，好合理喎

都係嗰句，巴士公司係睇盤數做人嘅。你哋居民嘅面色佢基本上唔會睇。你可以繼續洗反對、聯署。
咁但係事實就係事實，巴士公司都係繼續睇住盤數做人

kps19862008 發表於 2018-11-7 13:26
邊止中巴，跟本九巴都唔想做，條線差啲成條冇埋，梨木樹咪又係捱咗10幾年先有番少少機會，點知又還原基本 ...

936已逐步延長服務時間﹐但兜路趕客先係問題。