如何提升277E營運效率？

因為仍在「概念股」階段，距離實質建議還有一段距離，因此先不在F1版提出建議，改為在這裡先作討論。

*****************
背景：
一、自從2013年北區大重組後，幾條線都叫做做返起，例如373A變左978、70X變左277E、73及73A雖然令上水去大埔服務真空，但營運效率及客量相對係穩定左（諷刺吧？！）……但畢竟面對將來皇后山發展以及北區道路網絡漸趨擠塞，對巴士公司來說，可謂既有機遇，也有挑戰。

二、今次先從連接東九龍及大隧轉乘網絡這個龐大市場的277E說起，先從本身問題，再談談有什麼可改善的方法。

******************
問題：
一、服務時間及班次不足
-> 277E不單係北區居民來往東九龍及大老山的通勤路線，仲係唔少東九龍居民北上消費以及到北區郊區郊遊的主力路線，客源比服務粉嶺的277X更雙向。
其實早在1、2年前，277E星期六、日就已經常出現爆滿情況，但呢間公司從來無處理過呢個問題。
要記住客唔係totally inelastic，當發現好幾次上車都要企，甚至上唔到車的時候，部分乘客係會諗重投鐵路懷抱。
唔好再話無車無人，更加唔好嘗試抽277X車去加密277E，你有車有人去開得少貓十幾隻的W3，但無資源去加強經常坐爆哂的277E？點都講唔通吧？！
-> 藍田站頭車9點先開，呢個問題好多板友都提及過，不贅。

二、上水區內行車時間冗長及極度不穩
-> 大老山、觀塘一帶塞車，無得好講；亦都無可能單靠改路來改善情況，呢d 牽涉道路規劃政策問題，並不在這裡討論。
-> 但係上水區內的走線，就好值得商榷。當初小弟的友好建議開辦277A線（即277E線前身），雖然路線與今天的277E大同小異，但重點是並非把清河放在尾站，原因有二：
(a) 清河做尾站，日後重組就會增加一個負累，更何況清河本來就遠離火車站，沒有太大必要把它放在尾站，提升吸引力；
(b) 最大市場卻又面對最大的競爭，是上水廣場、上水站一帶，偏偏雞嶺越來越塞，而家要兜一兜個清河，上得公路隨時都要用10分鐘，火車都差唔多去到大埔。
-> 就算唔講清河，由天平開出，好多時候去到龍豐花園，都要差唔多8-10分鐘，死因在於要捱2次龍琛路同馬會道交界的十字路口燈。

**********************
潛在建議：

一、避過兩次龍琛馬會燈
-> 清河尾站問題，基本上無得搞（就算日後配合埋皇后山一帶發展，277E、277X二拆三都好，基本上都注定清河一定要繼續有尾站的車，所以好難搞……），但至少係穩定行車時間方面，係咪應該諗辦法避開塞兩次龍琛路馬會道十字路口支燈呢？
-> 例如往藍田站方向，天平總站開出後，可唔可以跟70K沿天平路行，之後左轉馬會道返回原線？看似兜遠左，但唔果段路的燈一來唔多，二來唔會好似果支十字路口燈等咁耐，車程未必短好多，但一定會穩定左。而取消符興街站，仲有對面翠麗花園同埋龍豐花園兩站，問題不大。
-> 回程返天平方向，過左上水站後，又係咪一定要停返新成路呢？ 改行新豐路、寶運路、寶石湖路、迴旋處返入去馬會道，減少龍琛路車流，穩定行車時間，仲順便深入舊墟，停埋石湖墟郵政局。

二、上、下繁拆線
-> 係皇后山一帶仲未完全發展，全日拆線仍然不可能，但上、下繁理應有更合理走線，減少塞車機會。
-> 上繁因為277X已經自己拆左線，所以唔搞；另外277P 同埋T277各自的服務對象都唔同（一條行新蒲崗；另一條玩九龍灣商貿），所以都唔搞。
-> 上繁277E理論上可以上水廣場做尾站，直接上公路；而本身置福圍、嘉盛一帶係無車去觀塘道，其實可以試玩幾班逆走，由置福圍開，經嘉盛、清河，之後上公路。咁清河就繼續有佢最愛的尾站車出市區。
-> 下繁因為本身277X都無拆線，所以可以拉埋277X來搞：
(a) 277X下繁返聯和墟不入華明、牽晴間，改跟673 直到塘坑、粉嶺站等；
(b) 277E 下繁返天平不入清河，上水站為頭站；
(c) 另設路線，九龍段跟277E、277X，新界段以花都廣場為頭站，一直沿百和路行（停欣盛、蓬瀛等），兜入置福圍、嘉盛，最後清河。雖然咁樣下繁清河無得做頭站，但計算埋雞嶺下繁塞車狀況，同埋百和路一條直線唔點塞車，加上交通燈唔太惡劣的情況下，保守估計係慢5分鐘以內，唔算太嚴重。另外，下繁已經過哂放學時間，所以粉嶺南返聯和墟，推人上70K同279X，唔算過份。反而係擔心華明同牽晴間會唔會因為要由花都同欣盛行返去而反對……

歡迎討論 ~

建議277E上下繁12，非繁15

一句 277系南北走向的話 收277x粉嶺價錢定收277e上水價錢 你唸好先再唸其他野

本身條線當係277X分拆,待遇一定無咁好

不過解決277E問題前,可能百和路中間無全日車出東九問題仲大

KR7607 發表於 2018-11-23 12:05
一句 277系南北走向的話 收277x粉嶺價錢定收277e上水價錢 你唸好先再唸其他野 ...

最簡單方法係落車拍卡回贈。
人同樣咁多的64K，都可以全日玩呢招，得繁時的線玩唔到呢招？

*********
當然，如果想清河接受下繁由頭站變尾站，係可以賣大包俾佢用粉嶺價，咁成程車收$14.8已經可以。
老九看似蝕左，但277E唔駛捱兩次雞嶺，車程穩定左，可以吸引更多潛在的上水客。

kay 發表於 2018-11-23 12:10
本身條線當係277X分拆,待遇一定無咁好

不過解決277E問題前,可能百和路中間無全日車出東九問題仲大 ...

呢個問題由當日70X取消開始，已經出現，亦都有唔少人嘈過。

不過，坦白講，一日皇后山果邊未發展，又好難推動到老九去二拆三；
而如果仍然繼續用兩條全日東九線，去服務埋嘉盛、置福圍呢部分，就一定會得失其他地區的居民。

最重要, 提早藍田頭車.
9點實在太遲.

neoplan720p 發表於 2018-11-23 12:14
最簡單方法係落車拍卡回贈。
人同樣咁多的64K，都可以全日玩呢招，得繁時的線玩唔到呢招？

當架車企滿人到花都華明 欣盛要落一大堆人再逐個逐個慢慢叫人唔該借借俾個位我行去車頭拍卡你覺得班次會變成點

加上又要收平7毫先成就到你所謂既南北走向我唸老九寧願挨兩次雞嶺

KR7607 發表於 2018-11-23 13:10
當架車企滿人到花都華明 欣盛要落一大堆人再逐個逐個慢慢叫人唔該借借俾個位我行去車頭拍卡你覺得班次會 ...

其實你有無睇過而家277X，又或者270AB、678等線的客量分佈？
277X粉南落差唔多一半人；270AB、678等線就更恐怖，單單粉南兩站已經隨時落左三分二。

試問當架車企滿人，但有大半堆人都係呢兩個站落的時候，會唔會出現你講果個「唔該借借」的情況？
企係到的人，好多都已經即時拍左卡落左車，已經騰空左唔少車廂位置啦。

再講，得下繁時段係咁，又點影響班次？夠塞雞嶺咁樣影響班次？

************
雞嶺迴旋處咩情況，就算唔係北區居民，都應該略知一二。
再唔諗點樣避開呢個位，只會越來越趕客。
無出，就唔會有入。
你清河平左俾人$0.7，但如果因為277E車程吸引返（仲未計遲下沙中線通車，鐵路競爭力相對大左，巴士都要諗定辦法去迎戰），賺多幾個$15.5，條數已經賺返有凸。

neoplan720p 發表於 2018-11-23 13:40
其實你有無睇過而家277X，又或者270AB、678等線的客量分佈？
277X粉南落差唔多一半人；270AB、678等線就 ...

1.沙中通車絕對同277系無直接影響同關係2.如果呢招係work唔洗你講，一早九巴城巴新巴大量路線採用再者 你都識講粉南落一半 一架車當120人 60人落車
每人要行去前門拍卡 唔多啦計你每人多4秒鐘
由原本尾閘落車行去前門再拍卡
60人x4 即每班車 平均用多240秒 當俾你快快手減一半好未？
120秒即係多成2分鐘一個站，你真係覺得長途線咁樣好有效益？
益就益啦係另一個益。
如果平就可以犧牲更快的車程的話 清河人會話不如收平上水站你地7豪
你地繼續做返尾站啦。73a 73 53 64k得因爲佢係一條非長距離通勤線。
再者 咁驚雞嶺係塞車 不如你叫277e停彩園果邊既上水站啦


另外你話到粉南係各線既命脈同客倉，小心俾人打pat pat 而家粉嶺北先嘈緊277x
人地聯和一個站都上得滿架車要加班同278a全日
利申我就日日坐277x 粉嶺上落啦 真係唔知你點睇過277x 270ab 678既客量分佈