九巴浪費左慈雲山南總站，上秀茂坪總站

我近排走慈雲山綫，走開慈中慈北，發現慈南總站得番E23，慈中經常無位擺車。慈中擺得太多路線。2個站長。但慈南有九巴設施，無九巴自己路線用，浪費左，其實可唔可以撥d路線用慈南。另一個例子，上秀茂坪，其實中秀茂坪擺得太多車，88其實可唔可以搬左上秀茂坪？

請說明已經隊爆咗嘅上秀茂坪點樣浪費資源。

你想搬邊條落去?
山上面班區佬辛辛苦苦R晒D線上去
唔停正輝都係得9點前, 你仲想爭取成條線搬走
個難度真係大左少少wor, 頂多都係得3B可以郁

慈中線踢落慈南，你想個個行落去搭車? 慈南仲有泊食飯車或者中段比蛇車dup車之用

又 係 呢 位 施 主 開 埋 D 既 毫 無 討 論 價 值 既 po ,
其 實 悶 唔 悶 既 遮 ?

慈南個站係不如俾城巴擺哂E23/A23同N23 啦

想九巴用慈南，一係要佢肯放條線來回都上落山一次；一係就就將5C拆碎（我諗唔到邊條慈雲山線密到可以拆），一條做落山特快，慈南起步個條就做返原本嘅服務；不過一拆個班次好明顯無以前咁密；同埋沙中開埋你都唔知會打成點

上秀/中秀個問題係 中秀真係最近商場，你拉走88，一係就要88兜大圈先上安達臣，一係即係叫中秀客行去上秀，似乎兩個都不可行；何況中秀個站又唔係細；南又走得快，咁郁黎做乜？

慈南好明顯係位置問題
因為慈南開就做唔到大部份慈雲山位
所以拉得嘅都拉哂上去慈中同慈北

可惜嘅係慈北總站重建後比以前細
同時沙田坳邨重建又冇起總站
搞到慈北同慈中過迫

而且慈南都唔係完全冇九巴線用嘅
只係3P同3D特班(早繁+清明重陽短途)


上秀反而問題唔大
唯一係出站好難調頭走秀茂坪道
只可以做到秀明道走或者曉光街直落
依家11C同11X兩條線(連埋綠小34S)都用哂d坑
要再執都只可以將34S搬入去邨內迴旋處, 吉番條坑出嚟
不過番條坑之後又可以放咩線呢?

1A/ 88唔使諗, 除非完全放棄中秀/ 下秀
213D又唔太適合...因為調頭上安達臣有難度
(私牌得唔等於全日都可以)

放上113上去慈雲山南囉

慈南應該學慈北咁上面起樣野最實際, 特別係而家地荒, 最好起居屋/綠置居, 慈南向南景觀開揚, 下面巴士總站又可以重疊成新款總站, 本身身後慈康邨係居屋, 慈南總站適宜起居屋.

不過大前提係政府覓到呢撻地, 然後改變土地用途, 由G/IC改為R(A).