本帖最後由 ctb7k-pc6795 於 2018-11-26 22:41 編輯
過左今晚, 亞記R型車身的大富豪就完全在香港成為歷史,
因為城巴最後一架亞歷山大R型車身的大富豪 575 (HE152)
行車證今日到期, 今晚黃昏由中環做完一單88R 返到第一城後, 回廠封車.......
講開575, 佢出牌先為青嶼對外線服務, 遠征多年, 亦上過唔同全廣,
轉非專前 (2013年10月12日) 更做左一罕有創舉,
就係被拉去做 南區老牌上山線 76 一單救駕, 數月後轉去非專服務,
落全廣後, 到轉非專前後, 佢都係貼紙車, 到退前一兩年車身被噴油,
(但保留原有banner), 更有幸回到大嶼山做特別服務,
令佢可以有最美一刻走向歷史後台......
Alexander 車身真係長青樹, 好襟睇, 車內佈局有心思, 又夠闊....
錶板似私家車, 真係好實用......
今個月以來, 我都把握機會, 為佢做最後留影同埋坐,
相會由中環站開始貼起(五日前影), 之後數張就係今晚尾單影.....
前日星期六架車做88R 做到下午就走左, 尋日就無出車消息,
無估到今日上版就見到下面個Post 話佢出左來做最後出巡
(#575最後一個早上, 按下面)
http://www.hkitalk.net/HKiTalk2/thread-1103243-1-1.html
其實5日前的黃昏我在同一時段都見到佢,
就即刻上車遊返沙田, 見架車返到去再做, 就坐佢返中環.....
後一日做返下繁同一時段, 但到八點後就唔見左佢......
直到今日黃昏, 架車再次做同一更份, 但今次, 係終極一次,
後會無期, 我就放工後過灣仔靜侯佢, 再上車坐上層車尾,
最後一次坐佢過紅隧, 九龍塘, 上映月台同獅隧回到第一城....
落車後, 即刻學之前咁, 影佢門位, 同離站一刻,
到佢返到總站, 見到梯位廣告換左 (上左好短時間, 上周尾先上),
之後目的地牌就轉為私牌, 亦順便影佢梯位前同後.....
車長最後一次巡車之後, 就為575 熄燈駛離車站, 返廠榮休.....
最後一張貼的離站相, 在尾二 Weekend 影, 因為有活動, 就要改道.....
仲有之前影落的相, 留待日後再貼吧 !! 多謝點閱......
Last but not least, goodbye and thankyou,
12m Volvo Olympian with Alexander R-Type Bodywork!!!~~(1994-2018)
|
