非繁新東過海線速度討論

今朝有事，由大圍去銅記走咗一轉，去程搭 985，回程搭 170，發現 170 其實真係唔慢。
朝早 0805-0807 (唔肯定實際時間) 喺大圍街市上 985 (6020，前車如果無睇錯應該係 12m Facelift)，窗口位接近滿，最尾仲有一兩排。
然後兜顯徑圈。講真拆 985A/B 線真係會差好遠，0819 先兜完顯徑圈，0823 青沙轉車站 (目測全部站位加埋得 13 人等車)，0830 圓方。
塞入西隧，0850 中環街市，0902 先到灣仔消防區。
回程，我 1054 上 170 (8301，喺百德新街)，景隆街小規模塞車，灣北中等規模塞車，過海後基本上沿線得好少人上落，而且無塞車，1125 過緊獅隧，1130 到大圍站。
我想討論關於速度問題。咁樣望落好似 985 輸，不過其實我都知無得咁比較，因為一來繁時同非繁比，繁時塞車同上落客多好多。另外唔同方向亦唔可以直接比較，因為紅隧北行比起南行無咁塞。
但非繁其實銅記會比中上環金鐘多客 (行街客為主)，如果非繁要開過海線，170/182 走線其實唔會輸得去邊。
而如果真係拆 985A/B，我又擔心兩樣野。其一，係客量唔平均。目測顯徑線會多客過四美線 (唔知平時點，呢點要其他版友補充)，但沙中線一通，顯徑線可能玩完。
而就算扣埋兜顯徑圈時間，無錯對中上環依然係青沙西隧快，但架車都要用 40 分線甚至更多 (今朝軒尼詩道東行唔塞，但平日非繁可以塞得好勁) 先到銅記，基本上同紅隧走線可以係打和 (其實以上例子依然係 170 快，不過考慮埋繁時紅隧車流量，同埋繁時可以 182X 式飛橋，我暫時當打和先)。
我唔肯定 985 有無機會全日。如果有，非繁行青沙西隧好似唔多吸引 (我唔反對保留繁時服務)。而 182 依家都係紅隧過海，如果去銅記的話，過完海仲要唔使塞車落橋，只係站位差少少。當中環灣仔繞道通車後，告士打道塞車情況應該會有改善。如果係咁，982X 亦未必有可能代替 182 全日。

明知冇得比但又要比

都係個句
170/182北行都可以接受
南行搭過幾次真係不了

而其實好多人都有共識
新東過海線
金鐘以西甚至灣仔跑西隧
東邊入紅隧/跑東隧

哩個正正係點解巴士公司好唔想開982X全日
金鐘開正正係樓主講左銅記既顧慮,
加上只係上下繁來往中上環先係最多人,
其他時間都係好麻麻,
至於北行, 大部分都唔趕時間,
加上任上一架上紅隧轉鐵依然比例都唔少, 亦唔慢
982X全日實在係唔睇好

985較有本錢全日，但要執一執其走線，作青沙過海重點轉乘線，較有作為

Snoopy@FB8617 發表於 2018-11-27 13:29
明知冇得比但又要比

都係個句

明知無得比但係又要比，啱架，因為一來方向唔同 (北行 VS 南行)，二來時間唔同 (繁時 VS 非繁)。
不過我諗緊係咪觀感問題真係咁大影響。講真如果 985 開全日而且銅記頭站回程，我都可能會等 985 而唔係 170。
而我又諗唔明其實 170 觀感係咪真係咁差。非繁 170/182 南行我都搭過幾次，無錯係塞 (特別係過咗愛民邨至銅鑼灣落車，而 170 仲要塞多段)，但觀感上 9 系西隧線塞灣仔同樣都可以好塞，軒尼詩道灣仔段可以塞 N 次燈。有次搭過 280X 轉 968，真係嚇走咗。
另一個走線方法係行東隧，例子有 680。但 680 同樣要面對塞車位，例如東廊落北角，同埋清風街天橋附近。
而我今日行程來回大圍，大圍過海往返銅記，路線無理由行東隧，得返紅隧同西隧選擇。
火車轉鐵唔係唔得，不過當沙中線一通，我就唔信班客會咁神心搭落紅磡又上返地面等 112/116，上到車果陣火車應該到金鐘。
所以如果巴士要搶客，一係價錢入手 (而呢樣好難同東鐵鬥)，一係就速度入手 (繁時好難同東鐵鬥)，一係就定線入手 (站位好，塞車少)。
而我今日搭 170，全車加埋 20 人都唔知有無，仲要有好多都係流水客。當然我唔排除呢個係時間問題 (朝早非繁北行)，但以 170 35 分鐘返到大圍速度，其實真係唔差，可惜又吸唔到客。

個人的觀察
第4班到第9班(早上7:40-8:05)
架985未到顯揚樓大多已經坐滿,
有時我會為左有位坐行出雲疊花園等985,雲疊花園同時段每班大概20人上車
果幾班車田心村已前的客量較多
顯徑到灣仔約40-50分鐘,唔算快

第10班有一班新巴到顯徑時比較多位坐(只坐滿窗口位)，通常最後會頂閘出港島

根本非繁新東出CWB行西隧0優勢
又貴，又遠，又唔見得快好多

相反紅隧又直接又平，塞完都快西隧少少
根本982X全日完只會同914一樣，奈何講極冇人理zzz

基本上新東過海，想食北角就東隧，想食灣仔就紅隧，想食中上環就留翻上下繁先好很西隧，非繁東紅2揀1啦

另外唔好成日拎962X 968 969講，只係因為新西行西隧最順路先咁，加上仍然有唔少人喺寧願西鐵轉112/116，只係冇新東咁多。

Charon1999 發表於 2018-11-27 20:17
根本非繁新東出CWB行西隧0優勢
又貴，又遠，又唔見得快好多

同意,以前坐305過海過何文田要塞20-30分鐘車,
但顯徑到灣仔的時間其實都係50分鐘,
和現在的985差不過

但是紅隧塞車基本上無定向，已經嚇怕左唔少人，反而305改985 182P改982X行西隧去灣仔又有一定客量 當然北行紅隧快