晚繁後市區方向增設優惠車費谷客之可行性

舊時336、948都有類似措施（不過係早繁北行），最後咪一樣要摺線。

要搭嘅唔會貪小便宜先去搭, 你平得幾多, 分分鐘效果做唔到仲要連本身正價變晒優惠價而變蝕, 何必呢!

夜媽媽無啦啦去探親? 返工做到隻積咁嘅樣, 收工無嘢做而家都係篤手機嘅, 一係就早啲唞!

聚會, 叫得聚會都係一班人, 成班人搭出市區做乜先, 你個聚會係假定啲市區人入新界聚, 聚完出番市區?

一年坐三兩次的生客, 除非鐵再轉車麻煩到一個點, 唔係嘅咪又係鐵路優先, 個客根本唔理你平時收幾錢, 優惠價平左幾多, 只會睇架車順唔順路去唔去到目的地.

點解你咁鐘意搞埋d逆通勤極少客？冇客就冇客ga la

聚會客好難，搭馬鐵既話起碼可以吹水吹到大圍站，1九龍塘站先分道揚鑣，但搭巴士已經一早按地區分哂，尤其沙醫馬鞍呢啲地區用隧道分野，城隧，獅隧，大隧，青沙（希望快啲有全日），港島，沙田
聚到幾多個?"大圍"叫你搭鐵，你唔跟大隊咩?

仲有，邊有人揀馬鞍山團唔係揀旺尖銅?
ps 我係屯門人都想有人喺屯門/荃灣聚，唔係旺角，尖咀11點先坐車返

呢啲鐘數馬鐵南行都好吉，有時甚至成排凳任坐人流真係偏單向，想谷人頭？派錢可能得嘅

免費搭車兼送叉燒飯, 包掂

miklcct 發表於 2018-11-28 22:42
舊時336、948都有類似措施（不過係早繁北行），最後咪一樣要摺線。

呢個係中巴年代玩法，反正朝早都係吉車入新界，不如益街坊賣大包。1993年9月前，305派車都係先做170入沙田但收熱狗價。

實際操作好似係北行中巴按熱狗價標準收費（但冷代熱），南行中九巴按冷氣價標準收費，中巴從來無申請過車費優惠。

HV7025 發表於 2018-11-29 08:54
呢啲鐘數馬鐵南行都好吉，有時甚至成排凳任坐人流真係偏單向，想谷人頭？派錢可能得嘅
...

啱，我覺得呢個先係重點。
本身個餅已經唔係大，呢個鐘數坐馬鐵南行，基本上最尾兩卡可以揾到好多空位，石門之前多位到連續幾排無人坐。
車費方面，其實好難同馬鐵鬥。單單係頌安有部 $2 機都已經差一截，就算 81C 開區內雙向分段，恆安出發去大圍都係 $6.9 (未計 $2)。

依家 81C 已經做緊唔近馬鐵沿線地方，咪叫做好少少。恆安出發搭 81C 就太慢了，就算富安出發，除非去窩打老道某 d 餅碎雞肋位，否則 87D 完勝。第一城開始又多條 281A 同你鬥，剩返果少少獨市位，由旺角東行返去都唔算遠。