肇禍旅巴未領有「僱員服務」批註 運輸署調查是否違規

今凌晨釀成5死32傷的冠忠旅遊巴，每天負責接載國泰等公司的員工前往機場上班，
但旅遊巴業界盛傳其牌照有問題，質疑它違規提供僱員接載服務。

運輸署發言人晚上回應時證實，涉事旅巴確實沒有領有「僱員服務(A04)」批註，
故署方將會就營運商(冠忠)客運營業證的服務條件，和涉事時所提供的服務性質作出調查，
署方並已發信要求營運商提供詳細資料。

運輸署不肯評論冠忠是否違法，但指若調查發現有人違規未領有適當的批註去載客，
署方可以採取處分包括罰款。發言人補充，肇禍旅遊巴其實領有另外三種批註，
包括酒店服務(A02)、學生服務(A03)及合約式出租服務(A08)。

大律師陸偉雄則指根據《公共巴士服務條例》第4條，
旅遊巴即非專利巴士載客時若未獲批專營權屬違法，最高可判罰款十萬元。
不過今次冠忠只不過是涉嫌「未領有適當的批註」去接載乘客，
故他認為未必是違法，但可以說是涉嫌違規或「偷雞」營運。

他指若今次奪命車禍的旅遊巴若被裁定違規載客，
冠忠要面對很大的風險，因承接第三保的保險公司在賠償給車禍死傷者後，
可能會尋求向冠忠索償。《蘋果》正向冠忠詢問回應。

https://hk.news.appledaily.com/b ... zmjRISLK3pfqiy1fOz0


好多邨巴線都好似存在緊偷雞情況
有啲係營運範圍，有啲係路線問題
點解之前屯門條邨巴線為咗立方便客過界就罰
冠忠違規咁耐就無人理？

國泰係機場大戶，如果冠忠有咩依郁，直接影響維修、地勤、貨運、航膳各機場工種嘅出勤狀況，老運唔敢玩大。

PB602 發表於 2018-12-1 00:43
國泰係機場大戶，如果冠忠有咩依郁，直接影響維修、地勤、貨運、航膳各機場工種嘅出勤狀況，老運唔敢玩大。 ...

仲有,如果今次違規事件影響除了影響機場員工車服務外,仲令到老冠(嶼巴)收入大減啵.

PS:但長遠計可以俾其他旅遊巴/非專公司(如:陽光,城仔非專)分擔一部後勤員工車服務,
以免出時事影響機場後勤部運作.

冠忠呢d公司不嬲賤格，成日周街違泊，我而家就見一架投訴一次去1823

AtrHenu 發表於 2018-12-1 10:04
仲有,如果今次違規事件影響除了影響機場員工車服務外,仲令到老冠(嶼巴)收入大減啵.

PS:但長遠計可以 ...

短期嚟講，我唔認為老運會認真同老冠逐架逐架車去查牌。大家都知呢行好多偷雞，特別係用A08去做其他柯打，老運玩認真而搞到老冠出唔到車，再搞到機場員工番唔到工影響機場運作，呢隻鑊處長都孭唔起。

長遠會唔會執正，就係後話。至於話換營辦商，老實講而家間間旅遊巴公司都唔夠人，而老冠喺大嶼山有嶼巴、機場、映灣園、迪迪尼幾個地盤，做機場員接調動車輛同司機都比其他公司更有優勢。去到呢步，不如一步到位將幾條員接主線專利化，剩下啲無咩客又唔可以取消嘅線先繼續做員接。

新世界唔該全面收購冠忠。

99MAN 發表於 2018-12-1 10:34
新世界唔該全面收購冠忠。

要FF，不如再吹得大啲啦，或者太古誠邀顏家出山，買50架銀底藍間新車專做國泰員接，車隊編號CX9-58。

順便查一查該公司各 R 仔線有多少條跟足批註派車。

P.S. 根據新聞片，車輛的 PSL 號是 5790A，不是冠忠本身的 3658A / 9396A / 11149A。