九巴261延長路線消息

arfung 發表於 2018-12-10 09:30
謝師兄資訊。

近排等車時一開Apps，見到D班次就估到又收車，最慘連下繁都要成25+分以上開一班，雞嶺一唔 ...

上水去屯門，你睇到唔係「預定班次」都無用，因為佢一到開車時間，系統就會整走咗個「預定班次」。
我每一日都喺天平總站等車，每次睇住佢嘅變化，所以就好清楚。
反而最理想係睇下龍琛路體育館返天平總站有無車返去比較穩陣，當然遇到塞車，站長好多時會踢車返屯門。

另外我搭路問過運輸署朋友，261條線仲有嘢攪緊，佢話12月尾應該未搬到站。

053h4 發表於 2018-12-10 16:09
差唔多過左廿年，小巴重厚顏用呢個理由阻止競爭？

99MAN 喺 #26 樓係直情要政府「變」小巴做巴士，即係「取締」，何「競爭」之有？

053h4 發表於 2018-12-10 16:45
或者咁講，專利都有定期檢討，專利巴士公司要有服務承諾先可以續牌

44小巴營運商根本達到日日有人投訴的 ...

理論上係得，但實際上無可能囉
香港政府自港英時期開始，政策取向都係主張平衡持份者既利益，唔好聽就係和稀泥，個個都叫有啖飯食，但求少的爭議、平穩過關就可以，對於既得利益者，都係盡量維持番

巴士迷A號 發表於 2018-12-10 08:12
咁屯門應該冇人搭

當年261P cut到去兆康都係因為要經藍地、洪水橋, 令到置樂到富泰覺得要搭好耐先唔搭姐 ...

當年 261P 仲係置樂開果陣
何福堂至彩暉 100% 見到 261P 都會上先
261 班次疏又要入兆康站, 其實死等下一班 261 仲慢
反而縮左 261P 之後就沿線少左架車救命

HS1588 發表於 2018-12-10 22:24
當年 261P 仲係置樂開果陣
何福堂至彩暉 100% 見到 261P 都會上先
261 班次疏又要入兆康站, 其實死等下一 ...

同意。
261要經兆康站加上虎地迴旋處轉圈，其實和以前的261P直去青公時間相距不遠。加上以前未有ETA，熟客當然見車就上。

KC3555 發表於 2018-12-10 16:02
上水去屯門，你睇到唔係「預定班次」都無用，因為佢一到開車時間，系統就會整走咗個「預定班次」。
我每 ...

想詢問一下， 站長踢車返屯門，即是由得班次消失缺腳，沒有「過鐘照載」的安排? 咁樣咪隨時天平一個鐘都開唔到兩班車?

arfung 發表於 2018-12-10 22:46
想詢問一下， 站長踢車返屯門，即是由得班次消失缺腳，沒有「過鐘照載」的安排? 咁樣咪隨時天平一個鐘都 ...

就咁，就我返工等車，試過兩次咁樣情況。通常呢個情況喺下午放學時間之前較多。其中一次最深刻，試過一次屯門富泰TA塞車，8:10am等車，其中8:25am部車返到天平，站長踢佢返屯門，之後下一班9:08am先到天平，開9:12am。
沿途乘客鬧爆個司機（都唔關佢事）。

有人話44服務差，其實261經常25-30甚至40分鐘一班都唔係乜嘢奇聞，之前一個月靠佢個班次返工，起碼有5次都遲到。