新加坡南北線200天零故障達成

本地最老舊的南北地鐵線過去200天，沒有發生故障。交通部長許文遠說，這個成就來之不易。

許文遠昨晚(3日)在社交網站Facebook貼文說，
2017年多次發生故障後，地鐵業者和相關各方加倍努力，
改善地鐵服務，現在開始看到成果。
他說，雖然還未脱離困境，但已渡過難關。

許文遠表示，他同SMRT員工共進早餐時，
肯定了他们的付出。他籲請地鐵員工保持警惕和勤奮，
因為地鐵維修是個持續的過程。

許文遠也以香港地鐵大癱瘓為例說，
最好的地鐵服務也可能發生預料之外的延誤，
因此，地鐵員工的任務是：解除風險，
達到每100萬公里才發生一次事故的目標。

https://www.channel8news.sg/news ... html?cid=ch8news-fb

香港地鐵有最好服務？
許生過獎了
話說新加坡地鐵發生事故嘅頻率好似差唔多
但費用就差天共地？

邊忽差唔多 lol
一星期一故障，隧道水浸浸到抽車搞到全線停電，東西南北線死機仲有新訊號誤以為六卡車得三卡俾後車撞，日頭維修撞死兩工程人員

香港人當然普遍抽港鐵水，但作為鐵路有認識少少應該明白港鐵的確數一數二

Ming0420 發表於 2018-12-4 20:09
邊忽差唔多 lol
一星期一故障，隧道水浸浸到抽車搞到全線停電，東西南北線死機仲有新訊號誤以為六卡車得三 ...

冇錯，MTR真係唔差(同外國比較)望下倫敦，運作效率低香港咁多
又成日壞...
只係話人地巴士服務強，underground出咗事都唔係太大影響
望下香港，是但揾條MTR線冧檔，即刻全港交通都出事

仲有，人地壞咗，因為系統殘舊。但香港唔係嘛！
MTR出咗事之後，班高層嘅回應態度，有時真係聽到火都嚟

香港鐵路就同香港一樣，個底打得好而家咪有啲老本食下咁囉
不過啲老本仲食得幾耐呢

AVBWU291 發表於 2018-12-4 21:42
冇錯，MTR真係唔差(同外國比較)望下倫敦，運作效率低香港咁多
又成日壞...
只係話人地巴士服務強，underg ...

外國核心區地鐵站/火車站密度完勝香港，其中一條壞左，可以由其他線消化客量，唔洗湧晒向路邊交通。

Aeon802 發表於 2018-12-5 09:55
外國核心區地鐵站/火車站密度完勝香港，其中一條壞左，可以由其他線消化客量，唔洗湧晒向路邊交通。
...

你確定？
除左日本同新加坡，有邊個地區地鐵站密過彌敦道走廊？

mrm23 發表於 2018-12-5 10:07
你確定？
除左日本同新加坡，有邊個地區地鐵站密過彌敦道走廊？

彌敦道係一條街集中5個車站，但九龍中心地區就此呢5個站
港島線、觀塘線亦各自喺自己主場做獨市，基本上無其他線分流，是旦一條壞都大獲
荃灣線壞就更大獲，直接切斷港九中心大動脈

但其他大城市係以多條路線進入市中心，市中心幾條大路地底都有地鐵，加上有市區環線，市區之間有n條路可走
例子？我哋附近都有幾個，北京、上海、首爾
遠嘅倫敦都算，雖然係成日壞，但市區段車站真係密集，而且好多地方有唔只一條線路

mrm23 發表於 2018-12-5 10:07
你確定？
除左日本同新加坡，有邊個地區地鐵站密過彌敦道走廊？

彌敦道走廊，大約每隔1個公里1個站，但全部車站都是平行。同路段只有3個站2線重疊，但同一向入市中心同出中心依然只有一條線，壞左一條就大檸樂，對比城市鐵路網絡橫狀同放射形兼備，炒左一條線可以搭另一條線人，例如：銀座去新宿，可以去有樂町搭山手或東京地下鐵銀座線轉副都心線或都營地下鐵淺線轉大江戶線。港島更靠一條主要路線走晒港島北岸，唔理想。

mrm23 發表於 2018-12-5 10:07
你確定？
除左日本同新加坡，有邊個地區地鐵站密過彌敦道走廊？

係指路線的密度，倫敦、紐約、巴黎的市中心及鄰近地方幾乎條條大路都有地鐵，而且結成網，有好多替代選擇，唔似香港咁一死就跪哂係度

AVBWU291 發表於 2018-12-4 21:42
冇錯，MTR真係唔差(同外國比較)望下倫敦，運作效率低香港咁多
又成日壞...
只係話人地巴士服務強，underg ...

倫敦巴士服務比香港強？