港鐵鬧車長人手荒 擬推員工推薦計劃 最多或可獲六千

港鐵屯馬線料於明年局部通車，但人手或未能應付。
《香港01》接獲消息，港鐵多個職位都鬧人手荒，包括列車車長。
港鐵將於明年1月1日推出「員工推薦計劃」，據了解，凡推薦親友加入港鐵，被推薦者獲受聘及工作滿3個月，
推薦者可獲3,000元獎金。若被薦人工作滿9個月，將會再額外發放3,000元獎金予推薦者。
工會認為該計劃能增加人手，但憂慮所聘員工仍「做唔長」。

港鐵發言人證實《香港01》的報道，
表示公司將於明年初推出「員工推薦計劃」，
至於有關職位空缺數目，暫時未能提供。

港鐵鬧全方位人手荒　前線最缺人

據了解，港鐵無論前線還是後勤部門都鬧人手荒，
包括技術員、技工、列車車長、巴士車長等，亦是「員工推薦計劃」有意增聘的「指定職位」。
《香港01》獲得港鐵內部通告，除人事部、經理級員工或以上職級的員工，
及其他涉及人力資源相關職位外，所有已受聘的港鐵職員都可參加「推薦」，最高可獲6,000元獎金。
如被薦者成功受聘及工作滿九個月，頭三個月推薦人會或可獲3000元獎金，
至於餘下3,000元則會在被薦人任職滿9個月後發放。

通告又提及，若上述4個「指定職位」暫停招聘，而被薦者人在6個月內獲聘用至其他「指定職位」，
推薦人仍可獲獎金。但被薦人不包括現職港鐵員工、兼職員工、
已退休員工及18個月內離職的員工，港鐵會按業務需要及市場情況不時檢討及更新上述安排。


https://www.hk01.com/%E7%A4%BE%E ... k&utm_campaign=news
因為上次被人鬧要文職落場，所以唔可以再臨時拉人？
無記錯揸列車都係要車牌，係咪會同而家都好缺人嘅巴士業爭人用？

“辛苦工”“唔係坐寫字樓就唔係好工”“工字不出頭”，係華人社會呢啲工冇人做係正常，再加埋而家普遍學歷水平都提高左，搵外勞係遲早嘅事。點解會有“職業無分貴賤”呢句說話？就係職業真係有分貴賤囉

咁樣請人法, D人既質素會係點?? 到時真係日日派彩...

同埋其實咁樣係證明一樣野, 就算入左去做, MTR都留唔住班人, 或者可以話, MTR無心去留人

053h4 發表於 2018-12-6 11:13
列車車長"境外"都係要求高學歷, 要處理列車故障
根本就唔係無人做

難得呢度有人討論呢D議題

如果你認同有工冇人做呢個問題，其實仲有老人院都長期缺人

你講得好o岩，係華人知識型社會就會咁，睇下新加坡就係另一個辦

呢邊廂話巴士公司搞到D司機要日日渣十幾個鐘

公司待遇係一個問題，但係問題又真係夠司機咩？

後生做月台人肉錄音機多數係番下part-time搵下外塊，反而見最多係師奶
如果咁樣叫釋放勞動力就真係搵泥搞

不過自從最低工資只後係服務業同飲食業見到D打工皇帝(番工同人吹水唔做野)都見到慣

053h4 發表於 2018-12-7 02:07
老人院全世界都欠人wor.

如果港鐵工自比老人院的話，老人院工都唔入維外判制啦，港鐵幾時取消外判制度啊 ...

人肉錄音機係外判請50-60蚊一個鐘，免費報紙有廣告

053h4 發表於 2018-12-7 09:50
50-60蚊個鐘行行企企，但高鐵票售票員外判新聞話15k+, 時薪唔高得幾多。

但又要打飛又要解決客務問題， ...

你又冇錯呀，呢幾年建造界有牙力推高人工吸引後生入行
實情係好多老嘅退休，新人未夠經驗就焗住上
結果成本上漲質量就………

051039 發表於 2018-12-6 23:51
難得呢度有人討論呢D議題如果你認同有工冇人做呢個問題，其實仲有老人院都長期缺人你講得好o岩，係華人知 ...

其實自從最低工資推行後, 不論老幼, 每一行都養活左唔少打工皇帝, 而且仲越來越多;
最低工資理念係好, 但其實每一個行最低工資既地方/國家, 表面上係利民, 但實際上競爭力只會一年比一年差, 全球大量城有活生生例子

人性就係咁, 明知你間公司等人用, 你請左我, 我唔做野/做錯野又如何, 反正你等人用, 唔會抄我