九龍新界往過海巴士中環分析〔地圖〕

忽發奇想，如果比較下各區交通，所以諗到用去中環嘅過海巴士(單向往中環)做一個指標，分全日線，上繁線，再同港鐵站比較
(底圖Google map，站位資料根據巴士公司網，有機會抄漏/錯)




























簡單分析 (看圖說故事)：
- 大埔/馬鞍山：市中心/多人住地方有全日線/港鐵，但各有地方冇港鐵，只繁時線(如錦英/富善)
- 沙田：沙田市中心無巴士去中環，馬鐵同全日線(182)走線接近/不近港鐵地方多有數有繁時線(禾輋/火炭山除外)
- 屯門/天水圍/北區：以新市鎮而言全日巴士覆蓋率最高最平均(屯門兆康/新墟除外)，
- 元朗/東涌：中心地帶有全日線加港鐵，其他地方有繁時線(東涌北，逸東繁時線覆蓋似乎比元朗南好)

- 深井/洪水橋：作為青公沿線“鄉郊地區”黃金海岸至深井一帶人口密度比洪水橋至藍地一帶高，加上城巴vs九巴，所以前者有全日線後者只有繁時線
- 荃灣/葵涌/青衣：山下全日線/荃灣線基本上互補覆蓋曬(兩者幾乎不重疊)，山上各自有繁時
- 觀塘：牛頭角至油塘，巴士覆蓋山上山下住宅區，而九龍灣德福淘大三彩一帶及慈雲山，往中環巴士服務似乎與人口比例不符地少

- 將軍澳：港鐵站覆蓋率高
- 九龍半島：唔系太熟，似乎不論巴士/鐵路，東鐵以西交通比東面發達(唯往中環巴士，何文田山/黃埔比尖沙咀發達)


分析限制：
- 分析集中在站頭就腳程度，不能顯示班次/車程等其他因素
- 巴士：服務時間及班次不能反映，如936半全日線及980a只有兩班均以綠點顯示
- 港鐵：沒有考慮接駁交通(輕鐵/K巴)，轉車次數等
- 冇邨巴/小巴/渡輪等其他交通比較


有邊區巴士服務不足？ 歡迎討論

1）你應該解釋「中環」的定義範圍。
2）荃灣線、東涌線也是前往中環，馬灣、梅窩、尖沙咀也有前往中環的渡輪，評論時也要考慮此因素。
3）就沙田區而言，穗禾苑有NR69、第一城有NR88，經紅磡轉隧巴過海或以280X轉968，比直線過海巴士更有效，亦請考慮村巴的服務。

觀塘有101系 619系 621 641 其中三條仲係服務到德福淘大 其實冇乜問題

馬鞍山得3個站全日，服務範圍真係好狹窄，又好嘥
既然柴小一家親就應該680X同681調換總站
理想680X嘅作用就係繁忙時間載最後三站上唔到車嘅人，而唔係繁忙時間施捨俾山頭機會出中環
怕非繁冇位嘅話可以加班，反正非繁會比繁忙時間用更多車，大家都得益




事先聲明我預咗會俾班傻嘅區議員同巴膠話馬市冇位坐或者破壞傳統云云

cobalt174 發表於 2018-12-31 04:08
馬鞍山得3個站全日，服務範圍真係好狹窄，又好嘥
既然柴小一家親就應該680X同681調換總站
理想680X嘅作用就 ...

你好似計漏左九巴肯唔肯

過唔到海嘅港鐵站唔應該畫落地圖誤導人以為可以搭港鐵過海。

樓主係咪將641當做全日線？啟業內應該冇全日中環線。

另外，由於「邨巴」與巴士早繁線性質相似，如樓主有心有力有時間，將邨巴資料都歸納入去就真係功德無量。一圖勝千言，這些圖片十分有研究價值。

再加點建議，鐵路方面，可再以顏色細分：
－一程直達中環／香港站
－轉一次車
－轉兩次車
－轉三次車（應該冇再多喇）

搭單：我即將轉工去中上環區，而周不時會去沙田晚飯，而家發覺放工冇車去城河西，唔想迫鐵的話最佳辦法好似係982X轉81K？如錯過了982X就要搭88R轉80K。

DIH 發表於 2018-12-31 11:30
樓主係咪將641當做全日線？啟業內應該冇全日中環線。

另外，由於「邨巴」與巴士早繁線性質相似，如樓主有 ...

作為家住禾輋而係中環返工既社畜，
我標準做法係982X/985去到大圍轉80K或88K

搭得982X到秦石，我會選擇搭埋去博康然後行返去

睇圖就知某啲地方又有鐵路又有巴士全日去中環。唔近鐵路的地方反而只有繁時巴士去中環。
「貧富懸殊」

ricky 發表於 2018-12-31 11:48
睇圖就知某啲地方又有鐵路又有巴士全日去中環。唔近鐵路的地方反而只有繁時巴士去中環。
「貧富懸殊」 ...

咁講有啲失實，尤其是馬鐵沿線，根本係巴士 (170, 182, 680, 681 甚至 682) 出現先，人多之後先有埋港鐵，所以先有「鐵巴齊全」嘅假象

就算係 930 / 930X 大部份站都唔喺紫圈入面啦