九巴BBI數據準繩度探討

Mueller 發表於 2019-1-1 05:44
辛苦哂樓主咁比心機詳述

我就花比較多時間研究對點對點搜尋個準確度, 發現九巴個點對點搜尋引擎背後geospa ...

1）geospatial constraint唔係話解決唔到，只係路面點對點步行路線準繩度仍然唔高。技術上巴士公司係可以用地圖供應商嘅類似服務，但就會有API用量問題而要投入金錢
2）time constraint就好睇九巴肯唔肯重新整過佢地個時間表同站間行車時間數據，分拆返開時段甚至俾埋班次表出黎，加上行車時間先可以準確計度轉乘車站能否接到第二程車

kitarolo 發表於 2019-1-1 07:28
277E南行轉91/91M/92
步行都接近一公里,北行就
算係同站轉乘,屬易令人誤會

理想情況當然可以雙向都轉到車, 但如果其中一個方向唔合理, 係唔係唔可以做住單向先?

eternalflame 發表於 2019-1-1 12:17
理想情況當然可以雙向都轉到車, 但如果其中一個方向唔合理, 係唔係唔可以做住單向先?
...

應該係技術上照留雙向，但個客自己揀步行距離短啲嘅方向，用個優惠

eternalflame 發表於 2019-1-1 12:10
1）geospatial constraint唔係話解決唔到，只係路面點對點步行路線準繩度仍然唔高。技術上巴士公司係可以 ...

1. Geospatial constraint 聽人講真係可以寫到頭暈, 好多時都係靠trial and error寫出嚟
新城嗰個地圖供應商提供ge搜尋結果比較合理, 但係都有唔少地方唔合邏輯, 例如終點set做興華邨會叫你喺柴灣道/環翠道落車

2. Time constraint, 之前有人講過非官方app例如Moovit都可以做到根據時段ge點對點搜尋, 地鐵轉乘巴士轉乘渡輪乜都得, 比巴士公司官方點對點只提供巴士路線建議可以提供更全面資料.
可惜非官方app背後ge行車時間資料唔少都同現實有唔少偏差, 例如夜晚23:30左右喺渣甸山搭城巴11, 應該23:46左右就會到希慎廣場, 但係Moovit話要23:56先到; 時間表未夠update, Moovit話N8X逢每日凌晨15分同45分喺堅尼地城開出.

新城有哂唔同時段行車時間數據喺背後, 所以點對點搜尋俾出嚟ge預計到達終點時間算係幾準.

香港依家唔知有冇非官方app可以好準確咁提供乘搭建議同預計行車時間...

無疑早年轉乘優惠比較慷慨，大批咁出，
包攬到298E轉95M都有，
坑口上翠林散子搭小巴?

但298E行去轉93A的確慳$，
可惜93A班次密度每況愈下。

Mueller 發表於 2019-1-1 12:58
1. Geospatial constraint 聽人講真係可以寫到頭暈, 好多時都係靠trial and error寫出嚟
新城嗰個地圖供 ...

1. Geospatial都要睇地圖面資訊究唔究多同細緻，例如步行距離需要行人路資料齊全，先可以俾程式計到距離。睇過政府open data都只係有車路嘅地理數據放左出黎，暫時唔見行人路，而OSM個啲又未成氣候。準確度短期內都唔會有改善。

2. 準確都係要巴士公司係班次同行車時間兩樣都要俾到準確數據至可以推算到個理論上嘅到站時間出黎。巴士公司亦睇黎唔會將車隊GPS數據放埋上網等大家知道架車係邊（新城有放距離其實可以反演返個大約位置），可見幾來可以做到準確嘅預定到站時間已經好好。

eternalflame 發表於 2019-1-1 22:23
1. Geospatial都要睇地圖面資訊究唔究多同細緻，例如步行距離需要行人路資料齊全，先可以俾程式計到距離 ...

多謝師兄高質分享
1.
點解OSM未成氣候?

既然OSM都可以俾到準確步行距離, 點解其他地圖供應商唔做?

2.
喺外國, 有某部分城市, google map都有齊哂巴士鐵路行車時間/到站時間, 齋用google map都可以查到巴士轉鐵路再轉巴士ge總行程時間, 連官方app都唔使用;

如果香港要做到呢點, 起碼巴士公司要公開實時數據先得, 不過應該冇咩可能

---------------------------------------
另外一問: 師兄之前喺度公開過新城ETA ge原始數據, 有哂以米做單位ge距離, 例如3238米.
如果個ETA係 "未開出" 或 "非實時", 原始數據個距離好似係0米?
如果個ETA係 "即將到達" 同 "已到達", 原始數據距離重有冇米數?