hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 荃灣西站秘聞
開啟左側

[小道消息] 荃灣西站秘聞

  [複製鏈接]
tonychow 發表於 2019-1-14 11:07 | 顯示全部樓層

                                    Advertisement



本帖最後由 tonychow 於 2019-1-14 11:10 編輯
castanopsis 發表於 2019-1-12 04:30
對事不對人,今次我撐0生

柴小自己招標一條線,就算九龍新界要兜多一區,都會快過碌40分鐘去北角上公路

其實柴斜尾站,風險都幾大下。
你話柴小依家咁多條過海線,得條 118 係柴斜尾站上公路。
118 有客原因,除咗接收咗新東東鐵落紅磡轉乘客外,仲有新西搭西鐵客源,而且基於 682 新界走線唔近東鐵,可以兩條線食盡,西鐵沿線亦無更快搭法,仲要有個旺角,全香港其中一個最旺位置頂住條線。
望返其他線,694 快極都要落筲箕灣西灣河先上公路,最起碼都可以執返少少行街客,例如西灣河衰極都有個太安樓。
如果開你條 638C,柴小基本上無行街客,非繁客量唔敢想像。
你話經沙田同荃灣。首先,如果招標而且唔係九巴投到,正路係唔會停城隧。喺荃灣覆蓋範圍唔會好大,最盡都係跟 48X 行 (但咁又變咗無特快效果)。而且無論點走,行城隧喺唔兜路情況下係做唔到一條線行齊荃葵,呢度已經無數青衣。
其次你話吸唔吸到荃灣客,其實荃灣客想快可以搭西鐵落紅磡轉 118,基本上都係 45-50 分鐘搞掂。依家荃灣西去紅磡 17 分鐘,以依家 118 密車程度,就算過塞紅隧跑東廊要 25 分鐘,最少觀感上會好過兜沙田走,仲要唔知觀繞塞唔塞。
就算吸到荃灣客,同 118 比,首先差咗個旺角,其次就算停正沙田站,從車費考慮 (東鐵收得平),都未必會落沙田轉車。依家大埔墟出發,落沙田收 $6.1,落紅磡收 $9.3,但兩程巴士有接近 $10 差距。當然你可以話九記做可以搭 74X 轉車,但如果招標而且對家投贏,無轉乘優惠下只會更貴。
加上條線又接收唔到大西北客,而且過境客又可以用將來荃葵西隧東區線轉車,亦唔知條 678 會搞成點,可以柴斜落西灣河轉 678。
qunow 發表於 2019-1-14 12:29 來自手機 | 顯示全部樓層
與其沙田荃灣不如沙田大埔粉嶺上水長途跳停,反正做唔到西隧轉乘
castanopsis 發表於 2019-1-16 03:30 | 顯示全部樓層
tonychow 發表於 2019-1-14 11:07
其實柴斜尾站,風險都幾大下。
你話柴小依家咁多條過海線,得條 118 係柴斜尾站上公路。
118 有客原因,除 ...

682同694,新界服務範圍唔會係柴小人有興趣去既地方
兩條線主要都係做緊新界住宅區去港島東既客
本身港島東堆工商業區得兩味有通勤需求,非繁客量差,理所當然

上面建議既638C唔同,直達沙市荃市兩個新界傳統旺區
目標係港島去新界既通勤客/街客
你不妨參考下主要住宅區去沙市/荃市既線,269D/798/73X/278X/263等
呢堆線唔只繁時有客,連非繁客量都絕對見得人,甚至一般會好過同區市區線

最重要既係
條線本身可以憑大老山隧道轉乘,接通曬全個新界東
大老山隧道個網絡,覆蓋面其實仲大過東鐵
時間上,柴灣上車,40分鐘內大埔/馬鞍山落車、50分鐘北區落車
用118轉車,40分鐘連沙田都未到,50分鐘仲喺大埔
我唔相信柴小咁龐大既住宅區,去新界東、過境會無需求

至於荃灣
118轉西鐵你話車程45-50分鐘
638C只要跟49X直插荃市,時間上差唔多,而且唔使轉車,點計都會有優勢
更何況荃灣市中心離西站有距離

當然你會話如果唔係九巴投到,條線個客源會爭好遠,呢個我認同
但我會覺得,638C九巴招標既時候有城隧大隧轉乘加持,真係好難唔中標
運輸署角度,如果要做到兩巴互相制衡
最好既做法應該 荃葵西隧港島東線、沙市西隧港島東線 俾新城,638C俾九巴
咁可以構成良性競爭,而兩間巴士公司都會有得分餅

我proposed得638C,其實仲有兩個agenda

1.
東鐵過海之後
東西鐵轉118速度優勢唔明顯之下
我估會有為數唔少既柴小人一程鐵搭到底,或者去會展轉788
對巴士公司而言,唔少客將會由 9.8>0
638C/988/荃葵西隧港島東線,有助巴士公司留客,順便upgrade去$16/$19

2.
我其實想用638C順便做埋沙田<>荃灣特快
入海濱或者荃景圍補城隧線既真空位
做兩段流水之下,計過,只要每一段有20個客,已經回本
根本係穩賺既生意
三巴合一 發表於 2019-1-16 04:07 來自手機 | 顯示全部樓層

                                    Advertisement



castanopsis 發表於 2019-1-16 03:30
682同694,新界服務範圍唔會係柴小人有興趣去既地方
兩條線主要都係做緊新界住宅區去港島東既客
本身港島 ...

柴小直接去荃葵就得。
去沙田可以坐682轉798
boco1211 發表於 2019-1-16 04:50 | 顯示全部樓層
castanopsis 發表於 2019-1-16 03:30
682同694,新界服務範圍唔會係柴小人有興趣去既地方
兩條線主要都係做緊新界住宅區去港島東既客
本身港島 ...

不如逐啲逐啲分析下你提議嘅683c,睇下點解會無人搭,唔值得開

1. 小西灣

而家去沙田、東鐵沿線嘅人,相信99%都會搭118去紅磡轉東鐵。時間快,車密,紅磡上東鐵有位坐,而時間上都好有保証,就算塞車都唔會太耐。係東鐵未過海之前,開683c得而且確可以吸到啲客,坐耐啲去沙田轉東鐵。但第一,價錢問題,683c貴就貴成9蚊(假設收19蚊),但東鐵就平唔夠9蚊,最後係貴咗。第二,班次問題,柴小人比較無習慣睇ETA,因為啲車太密,我見過人唔睇ETA咁等A12,694嗰啲,等勁耐。683C要特登睇時間搭車,點解唔就咁落去等118,又唔使點等,有緣先會搭到683c。

但係東鐵通車後,連118都會有少少危機。點解咁講?第一,因為搭789轉會更快,連樂軒臺都唔使行,出金鐘只係20分鐘嘅事,118、683c連阿公岩道都未到,一個興華邨都用咗5-8分鐘,玩死成條線。第二,金鐘上東鐵有位坐,有機會拉走少少118客。依家小西灣落旺角都有時789轉地鐵,頂到盡40分鐘到,又唔塞車。回程返小西灣,如果又要睇幾點有683C嘅話,點解唔落紅磡轉,又係唔洗睇時間。又或者落會展轉788。遲啲我相信城巴點都會整條灣碼直出返環翠、樂軒臺嘅線,吸客吸到盡。真係睇唔到683C嘅需求。

而家去荃灣就比較多方法,一係118轉西鐵,一係789轉地鐵(金鐘坐到落尾),一係788轉930x(識搭嘅一定咁搭),一係788轉東涌線轉西鐵或者荃灣線。搭788定789轉地鐵就好多時邊架到先走上邊架。而788轉就比較大路,因為係可以好快,觀感上好好,東涌線轉西鐵或者荃灣線會快過金鐘坐到落尾小小。時間唔耐,45-60分鐘內一定到。118轉西鐵就局限於去荃灣西嘅客,但時間都唔差,50分鐘左右,只係如果唔鍾意行柴斜嘅或者去荃灣地鐵個邊就唔會搭佢。而你建議嘅683c就近乎兜晒九龍新界先至去荃灣,觀感上好差,行柴斜、觀繞、大老山,重要入埋沙田市中心停。就算時間上快過火箭都俾人嘅感覺係好差,但683c起碼要超過一個鐘。

2. 柴灣(環翠、樂軒臺)

呢邊無論去沙田定荃灣都主力118,或者行去翠灣搭788/789,同小西灣個情況差唔多。但係東鐵通車後,呢邊都係主力118,因為780車少,同埋都係柴斜上公路。但係如果城巴將789改做環翠直出,就會有少少影響。而近地鐵站嘅有機會跌左落去地底,全程地鐵。但係,788/789呢段都仲有優勢,同683C有好大比較,顯得683C慢。

3. 柴斜

呢邊無論去沙田定荃灣都主力118,又或者780。但係呢度683C就冇咗788/789去做比較,時間上就會顯得683C快,同埋118來到好大機會頂閘,轉投落683c嘅機會會大啲。但係683c靠呢啲真係可以做到全日柴斜直出咩?去東鐵線嘅都仲好大機會轉投683C,甚至以後都唔搭118,但價錢問題,同埋塞車位多,轉落780咪仲好?平又平啲,金鐘上東鐵有位坐,唔係仲好?780非繁唔多人架喎。

結論:小西灣一定唔會考慮,柴灣(環翠、樂軒臺)比較少人會考慮,得返柴斜先會諗。但夠唔夠撐起成條線?齋做柴斜,重要直入沙田後落荃灣?有無咁多人?

新巴定九巴?

如果係新巴做就都仲有原因,始終真係可以upgrade班客上$19。但投資大,回報少。起碼用7-8部車,兩個鐘甚至以上先一個來回,789兩個鐘已經兩個來回。做條環翠、樂軒臺嘅789,灣碼直出返環翠、樂軒臺,金鐘掉頭嘅,會唔會仲好?主力做環翠、樂軒臺直出會展、金鐘轉車客。起碼118流走嘅客最後都係落番自己袋,甚至連九巴時段嘅客都流埋落嚟,收入隨時重高咗,最重要係九巴冇得反對開788果啲物體。

比九巴做就得個原因係大老山隧道同埋城門隧道嘅轉乘。但又會唔會咁做?而家118九巴時段係最靚,食正晒最多人果啲時間,會唔會冒險攞7-8部車去做118個小部份嘅客?

仲有喎,新巴城巴一定反對九巴做,因為搶咗788同埋789落會展、金鐘轉車客。九巴都會反對新巴城巴做,因為118流走嘅客最後都係落番新巴城巴袋,同埋係直接影響118個收入。
castanopsis 發表於 2019-1-18 00:42 | 顯示全部樓層
本帖最後由 castanopsis 於 2019-1-18 00:51 編輯
boco1211 發表於 2019-1-16 04:50
不如逐啲逐啲分析下你提議嘅683c,睇下點解會無人搭,唔值得開

1. 小西灣

憑感覺無意思,好多搭車方法你以為快,其實並不然
如果你想逐區分析各交通選項吸引力,應該切切實實計車程
上面我已經計咗唔少數字出來,下面分區稍作整理,用藍字highlight較快選擇

1. 小西灣<>沙田/大埔/北區

638C
44.9分鐘到沙田
54.6分鐘到大埔(3分鐘候車時間)
62.4分鐘到粉嶺(5分鐘候車時間)

118轉東鐵
61.9分鐘到沙田 (8分鐘轉車時間)
72.9分鐘到大埔墟(8分鐘轉車時間)
82.9分鐘到粉嶺(8分鐘轉車時間)

789轉南北線
47.5分鐘到沙田(6分鐘轉車時間)
58.5分鐘到大埔墟(6分鐘轉車時間)
68.5分鐘到粉嶺(6分鐘轉車時間)

2. 小西灣<>荃灣

638C到眾安街 65.9分鐘
118轉西鐵到西站 62.9分鐘(8分鐘轉車時間)
789轉荃灣線 56分鐘(6分鐘轉車時間)
788轉930X 55分鐘(10分鐘候車時間)

3. 柴灣(興華邨起計)<>沙田/大埔/北區

638C
31.6分鐘到沙田
41.3分鐘到大埔廣福道
49.1分鐘到到粉嶺

118轉東鐵
48.6分鐘到沙田(8分鐘轉車時間)
59.6分鐘到大埔墟(8分鐘轉車時間)
69.6分鐘到粉嶺(8分鐘轉車時間)

4. 柴灣<>荃灣

638C 52.6分鐘到眾安街
118轉西鐵 49.6分鐘到西站(8分鐘轉車時間)
780轉荃灣線 51.7分鐘到荃灣站(6分鐘轉車時間)

————————————

對柴小<>新界東而言
不論柴灣定小西灣出發,南北線開通與否,638C+大隧轉乘都有明顯時間優勢
尤其考慮到大隧線喺新界既站位好多時好過東鐵
以大埔為例,比較旺既廣福道同大中,118轉東鐵仲要加多10分鐘以上既步行/駁腳時間

至於去荃灣,小西灣優勢係弱
但柴灣其實幾個交通選擇需時差唔多
上面建議既638C有一程車優勢之下,其實又唔差
特別係巴士荃灣站位比較貼近市中心,地鐵(特別係西站)對唔少人而言並唔方便
而計出來車程好大機會會快過拉港島東荃葵線入柴小,碌成30-40分鐘先上公路

然後巴士公司角度
一條線值唔值得做,亦視乎回本人數,以成本一小時300計
118行車時間80分鐘,要43個全費客先回本
638C行車時間90分鐘,只需要22個過海客+22個荃景圍沙田客就回本
基本上同一個客量,638C個profit margin會高過118好多
所以九巴絕對有唔細既誘因去開線
而就算到最後客量未如理想,每段要載22個客個難度亦好低,相信都唔會蝕錢

講真,柴小去沙田荃葵,情況好似未開798之前既將軍澳
當時個個都話296A/102/10M/98A轉車好方便,直車無市場云云
而計返車程,其實連坑口起計798都確實唔係快過102>89好多
但結果係,798就憑幾分鐘時間差距做起咗

我幾相信,以638C時間上既優勢
係有能力攞曬柴小去新界東既大部分客源,以及唔少柴灣<>荃灣客
呢幾個客群,夠養一條巴士線有凸
castanopsis 發表於 2019-1-18 00:56 | 顯示全部樓層

                                    Advertisement



qunow 發表於 2019-1-14 12:29
與其沙田荃灣不如沙田大埔粉嶺上水長途跳停,反正做唔到西隧轉乘

去大埔粉嶺,如果要經沙市,會慢過大隧轉車唔少
學W3咁跳停無意思


反而柴小去荃灣點搭都係轉折
條招標既港島東荃葵線入埋柴小又無吸引力
柴小直出就算要經沙田我相信都會吸到唔少客

alpha003 發表於 2019-1-18 09:04 來自手機 | 顯示全部樓層
castanopsis 發表於 2019-1-18 00:42
憑感覺無意思,好多搭車方法你以為快,其實並不然
如果你想逐區分析各交通選項吸引力,應該切切實實計車程 ...

現實係宜家好多人揀車搭都係睇觀感,連A12兜一兜西環都流失唔少東區客,638c要入沙田觀感已經輸左一大截。未來若果682b拉埋入沙市果邊,你條線即刻唔使開,因為新巴實反對。如果新巴投到,九巴亦隨時好似798咁沙市/沙田站唔俾上客,反對搶走城隧客源。

另外你計既時間有冇計埋隧道塞車?638c行緊果3條隧道有2條早繁都塞到嘔,尤其係早繁荃灣去柴小,最近307,680x,681客量流失咪因為咁。你有冇唸過荃灣人早繁會唔會搭一條塞車風險極高,仲要觀感低既線?
kay 發表於 2019-1-18 09:15 | 顯示全部樓層
castanopsis 發表於 2019-1-18 00:42
憑感覺無意思,好多搭車方法你以為快,其實並不然
如果你想逐區分析各交通選項吸引力,應該切切實實計車程 ...

問題係呢度好多人講觀感
290/A都係因為觀感問題變成沒完沒了TOPIC
世界很簡單 人類很複雜
053h4 發表於 2019-1-18 09:23 來自手機 | 顯示全部樓層

                                    Advertisement



kay 發表於 2019-1-18 09:15
問題係呢度好多人講觀感
290/A都係因為觀感問題變成沒完沒了TOPIC

乘客好多都係靠觀感坐巴士。屯門乘客去東區,非繁好多人都係銅鑼灣先轉,因為銅鑼灣同2A/2X/8/8P同站

巴迷角度可能中環睇ETA上東區車,但其他客只會係自己認知範圍內選擇佢地認為可靠服務。
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 19:42

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表