討論城巴是一間鍾意插旗挑戰的公司，你同意嗎？

bjbus 發表於 2019-1-12 12:47
九巴以前唔會踩過界搞在港島投路線，最多只投過海線。現在被城巴刺激後，希望日後可以投港島路線，加速新城 ...

城巴係靠自己嘅標書投到埋線返嚟，你要鬧嘅就鬧政府點樣審批。

再講，如果新界九龍線畀九巴、港島線畀新城，
咁整個投標制度嚟做乜呢？
吓吓指派或行政指令咪得囉...

要講踩過界嘅表表者，我相信你要鬧嘅應該係嶼巴，
出晒口術要政府批條深西快線畀佢做囉..

再者，新城喺價錢上嘅優勢，九巴唔係無做。
不過新城係直接減喺車費上面，
而九巴就綁住一大埋轉乘優惠，
數面上咪又係減咗價畀班客囉！

GD1570 發表於 2019-1-12 12:53
城巴係靠自己嘅標書投到埋線返嚟，你要鬧嘅就鬧政府點樣審批。

再講，如果新界九龍線畀九巴、港島線畀新 ...

自從九七年九月起，九巴只有路線專利，而無地區專利。九巴理應知道這個事實。運輸署如何就新區巴士招標與否，大眾無從置啄。城巴有本事在九龍新界插旗是城巴的本事，擁城躉最多是推波助瀾。同樣，九巴有本身投得新區巴士線是九巴的本事。擁城躉也徒嘆奈何。公道一點說，九巴能在二十一世紀能投得新區巴士線，「八達通轉乘」應記一功！還記得天水圍北巴士線招標一事嗎？很多巴士迷都認定城巴必定中標，但結果九巴憑大欖隧道轉乘網絡而奪得。如果無八達通技術，在一片引入競爭的風氣下，城巴一旦中標，她肯定把當時嘉湖邨巴專利化，今日天水圍肯定一片「黃海」。當然九巴也可以袖手旁觀，任由巴士王國被其他公司蠶食，那麼此刻大家會否讚九巴「有情有義」，「保護弱小」？

如果今日城巴仲係由李日新揸旗，而新巴和城巴是無「親戚關係」，我會欣賞城巴，也對城巴拓展網絡樂觀其成。回想九十年代城巴接辦中巴南區線所花的心機，再比對今日城巴在南區的服務。唔好講南港島線通車，香港仔、瑪麗和華富一帶是無鐵路到的。