本人建議繞道通車後干諾道中繁時改為巴士專線

知多一點點，塞錢入你袋系列

話說大家每次見到有擠塞問題，都好鍾意講四個字：巴士專線。其實係咪攞罐油喺條路上面畫條直線就可以解決到所有問題？而巴士專線又係咪真係畫條線咁簡單呢？

首先必需要考慮嘅，係究竟有幾多巴士會使用呢條道路。如果每小時可能只係得數十架車，咁其實我哋會認為呢條路未必需要一條巴士專線，哪怕出面擠塞到水洩不通。

另一樣更加需要考慮嘅，就係其他線道。路面上有幾多條行車線，呢個係固定嘅。假設有三條行車線，封咗慢線做巴士專線，餘下嘅兩條線道需要承載本身三條線道扣除巴士之後嘅所有車輛。

再加上巴士專線只係一段嘅專線，好多時交通擠塞係因為路口嘅問題又或者車流量過多嘅問題。巴士專線未必可以完全地有效令到巴士避免上述兩個問題，如果設立完巴士專線之後其實一樣要塞一段路，甚至因為巴士專線以外嘅線道嚴重擠塞而令到車龍進一步延長的話，呢個唔會係一個好嘅做法。

其實睇返香港，現時路面最主要出現擠塞嘅原因係因為車輛太多。車輛本身已經過多，要將依啲車輛壓縮曬喺兩條行車線係冇可能嘅事。尤其是 灣仔區，本身大部分道路都已經去到一個臨界點，如果再貿然設立巴士專線，喺中環灣仔繞道未能完全分流告士打道嘅情況之下，只會令到呢啲車再流入去其他已經接近擠塞嘅道路，令到一啲次級嘅道路例如港灣道、駱克道甚至皇后大道都開始出現一個嚴重擠塞嘅問題。

香港道路網絡複雜，城市發展密集，好容易「牽一髮、動全身」。建議有關人士先調查清楚巴士專線嘅原意同用途，睇多啲例子先再出嚟建議。

Copy from Facebook（前版友Charon1999於12月在Facebook所寫的一篇隨筆）

1930 更新：當事人叫我唔好佢講乜都100%share過嚟咁白痴所以del翻

bjbus 發表於 2019-1-15 19:32
一部巴士載一百幾十個人，相當於十幾部私家車。多開十部巴士，馬路上減少一百部私家車。而且也減少違泊問題 ...

你到底瞓醒未啊？
你以為開咗巴士專線之後啲私家車會突然消失？
其實咁只係推佢哋入返內街然後害死哂內街嘅巴士………………

之前運署因應怡和大廈經常有的士在巴士灣等客、上落客
建議東行兩個巴士站對出一段改為07-20巴士線
https://www.hkitalk.net/HKiTalk2/thread-913262-1-1.html
https://www.districtcouncils.gov ... C_Paper_50_2015.pdf

當年背景是：
繁忙時段內每小時有約2,500架次車輛途經，當中包括約280架次專利巴士
兩段改為巴士線後其餘車輛須使用餘下的兩條行車線，交通流量將由設計流量的60%增至80%

如果現在再試可能有些機會過到區議會個關