條垃圾970朝早7半未到已經瘋狂甩班

tonychow 發表於 2019-1-17 15:28
準巨個情況同你唔一樣。
佢個情況係可以搭鐵避開塞車路段，如果目的地唔近鐵路站，就再轉巴士。
正如如果 ...

就係因為知道彌敦道容易塞車，所以我搭905，唔使經彌敦道，去到西隧口先搭返970，避開塞車路段。

至於你所講嘅情況，例如返海濱花園，海濱花園本身近西鐵站，咁我可以搭去美孚轉西鐵避咗長沙灣道；但如果目的地轉做長青，長青本身無鐵，結果都係要搭巴士，搭地鐵去美孚避咗長沙灣道塞車再轉42A巴士。

miklcct 發表於 2019-1-17 15:33
就係因為知道彌敦道容易塞車，所以我搭905，唔使經彌敦道，去到西隧口先搭返970，避開塞車路段。

至於你 ...

咁你轉車個位揀得唔係幾好

俾我嘅話，反正都係搭過海，做乜唔過到西營盤先轉，甚至學某啲人話齋，大不了石塘咀行上去囉（利申：呢個係我以前去港大嘅方法之一，當時未有地鐵）

miklcct 發表於 2019-1-17 15:33
就係因為知道彌敦道容易塞車，所以我搭905，唔使經彌敦道，去到西隧口先搭返970，避開塞車路段。

至於你 ...

905要睇邊間公司，九巴時間好d，日日有四架車stand  by，行車時間好足，有個半鐘行。換轉新巴時間，新巴得一小時十九分行車。個個新巴車長去到荔枝角得5分鐘休息。至於970，970X，我新巴識人做970，970X，話970，970X日日夜更欠人收車，琴晚蘇屋連無四架970，要新巴控制中心臨時抽調2A，42，101，104，948車長收工後加走一轉970。新巴派更部成日以為112多人搭，狅塞後備車長做112，忽略970重要性，結果112成日有九巴入侵新巴時間，琴日有九龍灣廠車長連人帶車做112。

238X 發表於 2019-1-17 16:14
咁你轉車個位揀得唔係幾好

俾我嘅話，反正都係搭過海，做乜唔過到西營盤先轉，甚至學某啲人話齋，大不了 ...

我返港大本部一直都係石塘咀行上去，不過真係好辛苦（當年未有地鐵，我趕上堂又唔想喺西隧口落車等架垃圾，唯有搭904到山道底落車，夏天嘅話上到去已經頭暈，係而家西閘嗰邊有????先唔辛苦，上東閘仍然一切照舊），但係我目的地係二村甚至瑪麗醫院，我無能力由堅尼地城山腳行上去。
至於轉車嘅話，可以原站轉車而又唔兜路嘅組合得西隧口轉970，西營盤轉嘅話都係要行半條斜路到上李陞小學先得。

今朝7點3係太子見有成10個人等970過海，有咁多人等過海嘅線只會係幾個月前嘅905

miklcct 發表於 2019-1-17 16:54
我返港大本部一直都係石塘咀行上去，不過真係好辛苦（當年未有地鐵，我趕上堂又唔想喺西隧口落車等架垃圾 ...

你搭904咪穩陣，我做九巴咁耐904好少脱班，除非有壞車，交通意外另計。就算有九巴都會揾其他車攝。試過揾118收工車攝。新巴一樣。970同970X就要睇時間，970平日朝早就ok，夜晚就亂龍成日脫班，個别車長又鐘意碌車，970吳X華，張X浩，楊X光同970X盧X傑出名碌車王。970有幾個車手，吳X，何X黎X同江x胜手車最快。

horsedog83 發表於 2019-1-17 17:59
你搭904咪穩陣，我做九巴咁耐904好少脱班，除非有壞車，交通意外另計。就算有九巴都會揾其他車攝。試過揾 ...

返本部就得，但係去二村同醫院最終都一樣要靠970。（去數碼港就971，未試過甩班，除非壞車）

miklcct 發表於 2019-1-17 12:48
970同970X時間表本應係聯合6分班，但係970跟時間表開，970X就唔跟，結果當然係搞到啲車堆埋一齊。

唔好意思呢個係編定班次

不如咁講啦，
你當然可以賴樓主唔識坐地鐵，
但咁樣係咪就可以忽視970系脫班問題？

**********
同其他紅隧線相比，
970一樣要經彌敦道，
102、118等要塞紅隧，而970就塞佐敦道。
大家塞車黑點，可以話係打個和。
但點解呢10幾年，970的脫班投訴 / 不滿，會多過102、118？
102、118等唔係無人投訴，但至少無970系咁群情洶湧。

如果下下都賴話塞車，咁點解其他行經彌敦道、佐敦道的路線，又唔會咁多投訴？

巴士公司又有無正視過970問題？

又或者，有無反思過970拆完線後，營運效率係咪真係提升左？有無再改善空間？

neoplan720p 發表於 2019-1-17 19:22
不如咁講啦，
你當然可以賴樓主唔識坐地鐵，
但咁樣係咪就可以忽視970系脫班問題？

970/970X少左人搭已經解決左部份問題LA

最大問題依然係開唔足班次,假日970有時總站開出都做唔到12分一班