2019-2020年度RPP新線消息

kay 發表於 2019-1-29 07:01
咁我又問你啦
如果D人入政府做,目的為左收"INTERNAL"風,然後爆出去
個個都係咁做,結果會係點?

你仍然係未get到我想講既嘢

我唔係撐爆料者
而係質疑點解呢堆“料”唔可以由運輸署主動公開

我當然知政府internal嘢唔可以亂share
但點解巴士公司方案、運輸署否決巴士公司建議既原因、載客率數據及統計方式，要set做internal？
呢個先係我覺得有問題既地方

地區人仕要求龍運公佈A41 乘客量, 龍運以商業秘密由唔公佈, 而家係咩人唔報數呢?

擺明部份料係巴士公司放出離, 放出離只會有利於己的資料

053h4 發表於 2019-1-29 11:18
巴士公司其實咁耐以來, 都無直接對外公佈過每條巴士線的乘客量, 又或者係會個區間的乘客量, 呢D巴士公司 ...

載客率/乘客量數據，好有趣
你話數據係商業機密
但每年RPP都會公開唔少路線既載客率/總客量數字
甚至唔少數據都貌似由巴士公司提供
改動多既路線，數據差唔多齊曬咁滯
（以將軍澳為例，95/93K/98D/296D/290系/796C/798/694總客量數據係搵得到）

更有趣既係
連普通市民都可以send email去索取載客率數據
之前就曾經有版友向運輸署查詢巴士數客數據，貼咗一堆未曾公佈過既數據出來

總總跡象顯示，載客率/載客量數字，唔係真係咁敏感
至少我見唔到公開運輸數據，對巴士公司有乜負面影響

我會覺得
運輸署好應該喺專營權條件入面，要求巴士公司公開數據

————————

另外，現有既載客率數據，真係亂到呀媽都唔認得
我見過既數據，有——
1. 全日平均載客率
2. 全日最高載客率、最低載客率
3. 繁忙時段平均載客率
4. 繁忙時段最高載客率、最低載客率
5. 最繁忙半小時/一小時載客率

To make it worse
呢堆數字，有時計單向，有時計雙向，有時計雙層，有時計單層

呢堆數字唔單止好難解讀，亦好容易manipulate，例如——
1. 新界線計繁忙時段載客率，計雙向，即刻拉低接近一半
2. 單層線落部雙層落去，然後用137人做基數，個數又即刻拉低唔少
3. 繁忙時段係計返工時間，返學線，理論上係可以用“繁忙時段載客率”做低條數
4. 同樣地，長途線客量高峰早過短途線，“繁忙時段最高載客率"可能會低過”最繁忙一小時載客率”

運輸署成日用數字做擋箭牌
但又唔公佈堆數字點計出來，其實好有問題

（已經未計同一個數字可以有唔同解讀
最經典係224X，一年話載客率偏低要減班，下一年攞住同一個數話要全日）

castanopsis 發表於 2019-1-29 12:56
載客率/乘客量數據，好有趣
你話數據係商業機密
但每年RPP都會公開唔少路線既載客率/總客量數字

近年重組係少左放呢D數字出離, 以前條條改動都唔難推算總乘客量(例如A20 用約 XX%), 43P 沒有列出百份比一, 36X 係一個RANGE

巴士公司對呢D商業數據更為保守

根本就唔想你可以用隻字片語反推實際人數

053h4 發表於 2019-1-29 13:37
近年重組係少左放呢D數字出離, 以前條條改動都唔難推算總乘客量(例如用約 XX%), 43P 沒有列出百份比

巴士 ...

今年新城仍然照擺曬受影響人數、佔全線客量比例數據出來
不過九巴確實係收緊咗

咁講
巴士公司其實唔係真係咁抗拒提供數據
你見議員問296D數據，過去10年總客量即刻列出來俾你任睇
講緊296D客量已經係相對敏感既數據（隔離有條好有野心既796P）

巴士公司唔提供數據，主要係因為無人逼佢提供數據
人有惰性，唔使做既嘢，當然唔會做
特別係巴士公司角度，公佈出來又唔會對間公司有任何好處

呢種嘢，應該嘗試逼運輸署牽頭去搞

castanopsis 發表於 2019-1-27 11:35
根本成個制度就有問題
巴士規劃，又唔係威脅國家安全，根本就應該完全公開透明

你都識講唔係乜國家安全啦，
係咪真係閣下幻想中咁黑暗呢？

一般市民都攞到載客率資料。
咁巴士公司入紙，就算真係所謂"唔批"，
又點會得"唔批"呢兩個字，而唔知原因呢？
巴士公司週不時需要就所呈交嘅方案再作調整。
唔知衰乜嘅情況下修改，可以越改越錯架喎。
咁如果巴士公司唔知自己衰乜，
咁係基於D乜去修改，而改到批呢？

更重要係，運輸署唔係終審法院。
申請被拒就永不超生？邊條例話巴士公司無得上訴？
巴士公司唔上訴，你吹得佢漲？

返回最基本：邊個入紙？巴士公司。
點樣入、入D乜、點樣執行？巴士公司。
邊個最利益攸關？
無論結果係點，官員只係按薪級表支薪。
邊個最著緊唔駛再問下話？

話運輸署作決定係基於公眾利益，就真係笑大人個口。
請勿誤會，唔係話運輸署唔顧公眾利益。
而係响路線改動入面，公眾利益唔似(舉個例)公職人員收錢咁清晰，而係視乎觀點與角度。
呢個板小眾眼中嘅"公眾利益"都唔一致啦，更何況計埋其他因素？
(同埋，乜呢度有人認同運輸署嘅"公眾利益"咩？)

反而佢地更怕有利益輸送之嫌，有藉口俾ICAC請飲咖啡。
咁可以同乜人有嫌疑？
梗係各個公共交通機構，甚或友好團體而唔係我同你囉。

載客率問題，點計都唔係重點。
杯水係半空定半滿，你迫到人跟你一套嗎？
更何況唔止兩種演譯方法？
真係一觸及某個%就自動波加減車的話，
仲駛鬼整RDP咩，直接去馬啦。

結論係，就算將一切資料公告天下，
根本唔可能做到閣下嘅目的。
你諗下，最著緊最有資源嗰位都搞唔掂的話，
拎出黎公告天下嘈一輪，真係幫到手？
頂多咪俾多D料俾大家响度嘈到天昏地暗

講乜都假，要做事，入運輸機構做就最實在。

唔知係咪小弟眼花，今年RPP就算唔計招標線，
好似只有新增車輛，唔點覺有減0既？
（除佐41->241X, 43C改快慳到車外）
真係咁多新車源？

沙中線今年最少點都通到鑽石山，真係一架車都唔駛郁？

s3n370 發表於 2019-1-31 00:59
唔知係咪小弟眼花，今年RPP就算唔計招標線，
好似只有新增車輛，唔點覺有減0既？
（除佐41->241X, 43C改快 ...

根本而家份RPP變左吹水文件
條條線都話加車最後有幾多做得到?
就算靠陰都陰唔到幾多資源

Snoopy@FB8617 發表於 2019-1-31 01:27
根本而家份RPP變左吹水文件
條條線都話加車最後有幾多做得到?
就算靠陰都陰唔到幾多資源

要加親果D都係油水線，咁點都拉到番黎嘅。
RPP不嬲都吹水，不過以前吹水得黎都大約知道邊D線中招。
而家咪等出通告先知囉

新鐵路路及新隧道重組係獨立處理，唔會放落RPP.

而巴士公司交比運吉的五年投資料計劃係反映左新鐵路影響落去，不過無公開過。