探討觀塘線 部分班次 可否面觀塘作為終點站， 而部分班次直通將軍澳綫往北角

如題， 觀塘與藍田之間有袋狀軌，那前往調景嶺的列車可否以觀塘為終點站？
另外， 藍田站有路軌連接鰂魚涌，那mtr又可否 將部分前往調景嶺的列車連接東隧將軍澳線， 並以北角為終點站？

唔好搞亂將軍澳線車務啦

問題是要先為將軍澳線加一個終點站

以前官塘線曾經以官塘／鰂魚涌／北角為總站
所以係可以咁做
但係有乜意義先？
有無可能靠攝官塘線特車，令通過東隧既班次加密？
東隧過海班次上限係受限於管道，一話車站？
如果係受限於車站，下面咁行法，或者可以再加班
官塘線　　藍田 <> 鰂魚涌折返 ，同正常班次 1:1
將軍澳線　油塘 <> 北角折返，飛鰂魚涌，官塘線班次一半密度開車

現時朝早將軍澳線樽頸，係大半車人要去北角轉車，但港島線西行到北角已載緊唔少人，無法有效疏導將線乘客，因此大量乘客逼喺北角站月台，等4班車或以上先上到時有發生。觀線過海可令觀線過海乘客舒服啲，有時我自己私心都希望有咁嘅班次，但可惜呢個做法對抒緩北角樽頸毫無幫助，甚至可能令部分行緊紅線過海嘅東九人走到北角，進一步加大樽頸效應。所以，喺北港島線未出現之前，我覺得觀線過海意義不大

HV7025 發表於 2019-2-6 00:25
現時朝早將軍澳線樽頸，係大半車人要去北角轉車，但港島線西行到北角已載緊唔少人，無法有效疏導將線乘客， ...

北港島線出現後也不會令到觀塘線可以過海

qunow 發表於 2019-2-6 02:31
北港島線出現後也不會令到觀塘線可以過海

行政上我都相信觀塘線不過海係直到永遠
惟技術上係可行，即管討論一下
我都係想講，未有北港島線前，唔適合做任何野進一步吸客入北角站，只會使現時嘅樽頸變得更惡劣
可是隨著將軍澳東九人口繼續急升，就算乜都唔做，北角站嘅情況只會沒有最差，確實令人感到頭痛

HV7025 發表於 2019-2-6 12:59
行政上我都相信觀塘線不過海係直到永遠
惟技術上係可行，即管討論一下
我都係想講，未有北港島線前，唔適 ...

依家朝早油塘已經非常樽頸，觀塘線大半車都係過海客，坑寶車出到油塘都滿左八成，首先加密堆填區車，幫油塘清客最實際，否則條線越複雜，骨牌效應越嚴重

巴士的膠 發表於 2019-2-6 15:49
依家朝早油塘已經非常樽頸，觀塘線大半車都係過海客，坑寶車出到油塘都滿左八成，首先加密堆填區車，幫油 ...

加密堆填區車就輪到坑口上唔到車，根本無解決過問題。

我而家朝早都係經東隧將線過海，一睇就知油塘/北角轉車唔掂，都係要用多點時間去調景嶺/鰂魚涌轉。由於將線在調景嶺/港島線在鰂魚涌都有客落車轉線，所以實上到車，計落隨時快過油塘/北角等N班，或至少打和。