點解用學生八達通搭巴士沒有半價

noname617 發表於 2019-2-15 18:28
邊個話，我試過河畔上車比個司機問候點解仲用小童八仔

據我好耐之前拍粉紅卡所知，大多數捉小童八仔既carlo都係做兼職，全職大部份carlo都唔會點理
即係兼職捉小童八仔既機會率比全職高

ATENU364TC196 發表於 2019-2-15 20:50
咁但係一般學生都冇交通津貼，跨區學生就越來越多，但優惠就乜都冇，長途車程交通費對一般家庭都唔係一個 ...

你唔申請係你問題，如果跨區返學，車船津貼亦都會照加。

小童長者起碼有樣睇，學生點睇？

地鐵可以搵人去捉非法用學生八達通既人，查呢樣查果樣，查到罰你錢
巴士司機去搞呢D 野唔洗開車啦，仲不時要報下警，脫班率唔知會點

結果咪個個司機都由得佢，即係無掩雞籠

咁巴士公司係大學裝機咪仲實際...

ATENU364TC196 發表於 2019-2-15 20:18
政府有咩交通津貼俾咗學生？我都好想知喎

無申請過車船津貼？
唔洗拎老綜先得，資產審查過左就有

noname617 發表於 2019-2-15 19:28
穿住校服你點解話，假如車長要求出示身份證，你點落台啊！師兄

學生可以唔帶身份證出街，學生證呢D 都可以扮無

司機都會算數，廢事阻住開車


當然慣犯就唔係咁講，唔通搭兩三年仲係小童咩，司機都認得咪衰硬

從運載量睇其實好合理。對於小眾（例如學生），以港鐵運載量，多幾個都未算大問題，長途返學客更少。例如油塘站逼爆，有幾多學生會過海返學？（唔計大學生）
至於巴士就唔係咁話。以我樓下條 39M 計，早繁學生可以搞到班班頂閘，再貴少少嘅，朝早逼 48X 可風落大半車人，要九公司收少一半錢，肯唔肯？

ATENU364TC196 發表於 2019-2-15 17:16
咁學生嘅經濟能力負擔的確有限，交通費的確佔支出不少，提供優惠亦無可厚非，起碼都應該所有路線回程半價 ...

與其回程半價不如學生八仔搭所有路線車費打七五折...

S3BL470@98A 發表於 2019-2-16 00:12
九巴有部分長途路線是有學生優惠，第1程是成人價錢，第2程是半價。

至於鐵路公司，以前九鐵只得輕鐵是有學 ...

學生回程八折唔係條條線都有，只係全程貴過 12 蚊嘅線先有。其實搭車搭到咁遠嘅學生應該非常少，如果係跨境嘅話，多錢嗰程會係港鐵，即係話有無都無乜分別。

仲有，唔好成日打埋啲「阿媽係女人」文…… 你啲文雖然無態度問題，但通常無乜 value，唔貼對樓主或者其他參與者無乜影響

點解學生可以有半價，助長佢地跨區參與非法活動？