S3BL100 發表於 2019-2-26 23:22
做咩刻意唔提無論想坐紅小定地鐵都要轉車或者行既小西灣？
我問你「係咪會為原有乘客帶來好大不便？」 ...
「咁 606 如果要避同 608 重疊來救亡，鰂魚涌、九龍灣要是但放棄一樣。」
上面呢句只係你從一開始擺個建議上嚟, 引導所有人(包括板友及非板友)去睇一個錯誤/唔存在嘅假設, 從而要人地去揀嘢.
如果我係一啲言簡意到嘅板友, 一早贈左你四隻字: 零分重作!
連你自己都知呢句嘢到現時為止都係不存在嘅事實, 係從來未發生過, 而事實就係608全日雙向左兩個半月以嚟, 606無被608影響得好似你幻想嘅咁嚴重, 要用到「救亡」去形容, 至少好似02年將軍澳綫通車導致691 693客量直插谷底, 先算得上需要救亡.
話你知丫(其實唔係第一次對你講), 606系需要救亡嘅, 係一過左早繁之後, 未回復番一條606嘅某幾個606X往港島班次, 成日見到架車轉入觀塘站總站, 我都以為係234C 234D, 我想講有時真係234C 234D總站落車嘅都多客過去緊筲柴小嘅606X, 你點解救?
唔好諗住旨意觀塘站 泳池 藍田站有好多客, 地鐵站喺你口中係冇客, 觀鐵 藍鐵去筲鐵 柴鐵冇客, 柴斜得間醫院, 柴灣東有人返工, 但都過晒藍領返工時間, 探親嘅又未到出行時間, 都唔知X嚟做乜?
事實上早上最繁忙時段泳池亦幾乎冇人等過海車, 有都去晒觀塘站等, 或者等671居多, 反而同時間嘅606A客量仲係見得吓人, 唔會好似筲柴小X線, 一過某個時間, 客量直插谷底, 一副死相急需「救亡」.
但我從無反對過606X轉全日, 只要前提係做到港九都有海量轉乘優惠, 除左做筲柴小-九牛觀直達, 仲要做多啲唔同地方, 不過明顯港島可以加轉乘嘅地方好有限, 而且606X全日班次亦唔會密, 有20分班已經算叻.
入返正題, 你嘅建議本來只係po喺F1板, 走過嚟B2板已經喺兩篇講608嘅題目度抽晒水, 曝光率極高, 但你嘅建議始終只係空想, 並非事實之全部, 搭606同觀察606 608之間關係嘅次數, 仲令人非常懷疑, 一直想推人落地鐵, 但連地鐵站內部係點, 要點行, 要行幾耐都講唔出, 淨係識反駁人好似巴士唔駛等車咁, 電照街人人都識講燈陣, 你就淨係識睇Youtube片, 我咁反對逆走都夠膽開篇專講燈陣.
呢一切反映左你對606嘅無知, 求其推一個建議, 拎一個唔存在嘅假設, 就要求板友作出表態, 去認同你逆走嗰套, 仲要明明606 608兩線一齊做大東九-東區個餅, 你都要監人去揀只可取其一, 你有冇認真諗過件事可以冇你講到咁嚴重要兩個只能活一個?
呢個討論區嘅內容, 我信真係有關連人士會留意, 但係咪出盡力打幾十行字去迫板友信你呢套, 巴士公司 政府同各方決策者就會跟埋一份呢, 我唔敢講冇呢方面嘅可能, 但呢班人有最大量嘅數據, 佢哋要拎數據做分析, 喺呢個年代真係易過借火.
606X下繁有需求嘅話, 應該早就拆埋下繁做A X線, 事實呢, 下繁兩班X線離開九龍灣都剩低一半窗口位冇人坐, 相反方向直程提都冇提過開X線.
唔該你諗清楚咩叫做「重疊」, 606 608重疊左啲乜嘢, 港鐵同606之間喺坪石 九龍灣 牛頭角 觀塘 滙景同東區, 除左路線上重疊之外, 有啲咩其實係互相補足係你忽略左? 一直講重疊, 就可以唔理班客出發點點解要搭606, 一嘢倒晒俾港鐵就算, 對606熟客嚟講根本聽唔入耳, 更何況你務求有一丁點建議(逆走)得到板友支持, 明言用商家佬心態看待重組, 同巴士公司企埋同一陣線去博取歡心, 咪即管放長雙眼睇吓人哋buy唔buy囉, 喺呢度贏左又冇獎嘅! |
