城巴將會申請 608 號線港島總站遷往筲箕灣

053h4 發表於 2019-3-1 12:17
其實有人話, 東區去土瓜環, 608 同 106 行車時間差唔多, 其實單係呢一點都已經証明應該縮106, 用608做埋東 ...

608同106差唔多時間去土瓜灣，同106縮短有乜關係呢？不如話就算608行觀繞，實際上毫無特快形象，啟德已經花咗唔少時間(但係唔經唔得)

castanopsis 發表於 2019-3-1 10:00
若果作為一個過渡階段
我唔介意606X全日、606縮短至筲箕灣，齊齊開30分鐘一班
不過我會希望606X直行觀塘 ...

我諗唔使我多講，你應該從往日我對你既批評，估到我想講乜

「只要兩巴傾得掂」、「肯加返幾部車」，
原來你所謂每一組都唔難做，全部都係 conditional，contingent upon XXX，
咁大個前設喺度，已經唔係「唔難做」喇

而「兩巴傾得掂數」、「肯加返幾部車」、拉多三五七條線重組，呢幾點係當中最大既障礙

缸湖傳聞就有云城巴早幾年提議過 106 縮落筲箕灣換 606X 全日，然後九巴反對。
結果？連 RPP 都上唔到

至於加車喇喎，我又想問下，當日 606X 開辦，九城加左幾多部車落去？（答案：各加 1 部）

606X 加下繁回程，又加左幾多部車落去？（答案：無加過）
當日 110/118 重組，兩巴承諾會同 102 加兩部車，結果有無兌現？（答案：只係上繁城巴時段加一部咁大把）

加一部就話姐，但加一部可以，唔代表加幾部都有合理機會發生。
成日見你都話呢度可以加幾部、果度加幾部解決問題，想問下加車 pool 係咪無底深潭，或者從天而降？


仲未計觀塘道流量問題⋯

有D脫離現實既野，就唔好幻想太多，好主觀好理想地覺得可以做得到。
尤其是 606 本身係蝕錢線，想服務水平完全維持不變，606X 變相新資源去做，更加係無可能

咁當然，唔加車前提下，我早前 F1 版建議，加埋呢條 thread 入面，
都俾左三個不同 offer。當然三個 offer 各有優劣，
但事實係，你一係要選擇放棄鰂魚涌太古，一係就要柴小兜耀東、西灣河尾站，
一係就柴小非繁得 30 分一班特快兼做唔到觀塘半山往來鰂魚涌太古，睇下點取捨而已。
唔想咁，就無可避免要大重組；問題係你果種拉埋獨營線、
拉多三五七條線重組既方案，係連 RPP 都唔會上到

EX-TL 發表於 2019-2-27 01:29
「咁 606 如果要避同 608 重疊來救亡，鰂魚涌、九龍灣要是但放棄一樣。」

上面呢句只係你從一開始擺個建 ...

既然 dennis28a 問到我對你既批評有咩意見，我發覺我無回到你呢篇
（事實係我亦無咁多時間全部文逐一回應），姑且花少少時間回應下

話你知丫(其實唔係第一次對你講), 606系需要救亡嘅, 係一過左早繁之後, 未回復番一條606嘅某幾個606X往港島班次, 成日見到架車轉入觀塘站總站, 我都以為係234C 234D, 我想講有時真係234C 234D總站落車嘅都多客過去緊筲柴小嘅606X, 你點解救?

唔好諗住旨意觀塘站 泳池 藍田站有好多客, 地鐵站喺你口中係冇客, 觀鐵 藍鐵去筲鐵 柴鐵冇客, 柴斜得間醫院, 柴灣東有人返工, 但都過晒藍領返工時間, 探親嘅又未到出行時間, 都唔知X嚟做乜?

事實上早上最繁忙時段泳池亦幾乎冇人等過海車, 有都去晒觀塘站等, 或者等671居多, 反而同時間嘅606A客量仲係見得吓人, 唔會好似筲柴小X線, 一過某個時間, 客量直插谷底, 一副死相急需「救亡」

無論 606 定 606X，客量分布都係似係載港島或其他區居民過九龍返工既路線，多過九龍居民過港島返工

606X 往九龍方向上繁多人，仲搞到要加車加班，已經可以。
另一個方向客量唔係重點，正如你都唔會嘈話 80 80X 269C 呢類線朝早入新界客量唔掂要救亡啦下話

至於 606(A)，如果你覺得條線係載九龍居民過海返工為主，「見得吓人」既客量
對比起 601 619 甚至 671 都係唔合格

我見過好多次 606A 做完三彩轉出牛頭角道，窗口位最多坐滿；
呢度亦有版友提過，下繁 606 過九龍，根本唔係好多人，得一兩班車有機會有人企，遠差過同時段 613 682

入返正題, 你嘅建議本來只係po喺F1板, 走過嚟B2板已經喺兩篇講608嘅題目度抽晒水, 曝光率極高, 但你嘅建議始終只係空想, 並非事實之全部, 搭606同觀察606 608之間關係嘅次數, 仲令人非常懷疑, 一直想推人落地鐵, 但連地鐵站內部係點, 要點行, 要行幾耐都講唔出, 淨係識反駁人好似巴士唔駛等車咁, 電照街人人都識講燈陣, 你就淨係識睇Youtube片, 我咁反對逆走都夠膽開篇專講燈陣

咁你又有全盤考慮乘客需求？呢度咁多位東區版友都認為 606 定線不合時宜，
行車時間不合理，你仲好意思話 606 要維持不變直到永遠，
呢D同埋另一版友話 606 行車時間合理既言論，對佢地係難聽過粗口

觀塘來往鰂魚涌，無錯地鐵站係要行，
但對比起小西灣，唔想兜九個字先入隧道，或者揞荷包轉多次車，地鐵站入面行果段路真係咁大問題？

港島線同將軍澳線月台之間，我行過好多次，三分鐘內必定行完，我唔認為有咩問題

簡單來講，我係絕對唔同意本身有地鐵既鰂魚涌太古比起無地鐵而車程唔合理既柴斜小西灣仲有耀東更有需要

606X下繁有需求嘅話, 應該早就拆埋下繁做A X線, 事實呢, 下繁兩班X線離開九龍灣都剩低一半窗口位冇人坐, 相反方向直程提都冇提過開X線

你肯定無提過開 606X 全日？係上唔到 RPP 而已。
城巴早年就有提過，上唔到既主要原因係捆綁埋 106 縮短，九巴反對令到自己食少左對家流水

而你話兩班 X 線一半窗口位無人坐係不合乎事實，
城巴 1832 班次少客係因為同九巴隔太近，你試下呢個版 search 606X，
有版友報告過九巴班次開左幾日後已經坐滿過海喇

唔該你諗清楚咩叫做「重疊」, 606 608重疊左啲乜嘢, 港鐵同606之間喺坪石 九龍灣 牛頭角 觀塘 滙景同東區, 除左路線上重疊之外, 有啲咩其實係互相補足係你忽略左? 一直講重疊, 就可以唔理班客出發點點解要搭606, 一嘢倒晒俾港鐵就算, 對606熟客嚟講根本聽唔入耳, 更何況你務求有一丁點建議(逆走)得到板友支持, 明言用商家佬心態看待重組, 同巴士公司企埋同一陣線去博取歡心, 咪即管放長雙眼睇吓人哋buy唔buy囉, 喺呢度贏左又冇獎嘅!

你真係認為九龍灣來往鰂魚涌太古有需要兩條線去做？

正如我上面所講，你話呢D野對 606 熟客聽唔入耳，我會話你既言論
同對耀東柴小居民既漠視，對佢地一班想有合理路線坐既街坊，係難聽過粗口

如果真係覺得 606 無問題、606X 客量成疑話，
不如索性叫 606 打回原形，取消 606X 好唔好，你睇下東區人會有咩反應

不過係好奇怪，有好多野我係呢度講事實，都要有人反對，
就好似我話 606 一單皮費同回本門檻比 613 高一半，
係咪因為唔合乎你地覺得 606 無問題、對中間一段客好重要既 narrative，所以都係唔合乎事實？
係咪因為 606 無問題，所以 606 一單行車時間比 613 多一半，成本都一定無分別？
定係廣為流傳既 606 班次編配表全部係造假？

你覺得 606 最好唔好改既話，我 #580 都俾左個 offer，
606 直接減到半粒鐘一班，俾 606X 全日，非繁半粒鐘一班，唔駛加車，
你又點睇？定係都係堅持柴小人要同你漫遊大半個港島東？

brianso198 發表於 2019-3-1 09:37
事實上係多餘。
拎過海線去做呢啲嘢本質上已經有問題，東行又要整返99堆分段吸客唔見得唔會令行車時間進一 ...

所謂本質問題即係乜嘢問題？

你話608上耀東換99落筲箕灣道，會影響608班客
問咗你幾次，你先話會造成班次不穩
咁我又問你，608班次不穩，同99班次不穩，邊個影響大？

我話設定時點穩定608班次，你又話多餘
咁即係有問題定無問題？

根本你立場前後矛盾，你自己都講唔清

仲有，從110嘅例子顯示，就算整定時點，班可以照甩。

110耀東碌到北角，再塞紅隧、佐敦道、尖沙咀
咁既走線，當然有定時點都會甩班

608又點同？
筲箕灣開出來，西灣河設定時點
點計都同110長途循環唔同啦下話

S3BL100 發表於 2019-3-1 22:57
我諗唔使我多講，你應該從往日我對你既批評，估到我想講乜

「只要兩巴傾得掂」、「肯加返幾部車」，

「只要兩巴傾得掂」、「肯加返幾部車」
原來你所謂每一組都唔難做，全部都係 conditional，contingent upon XXX，
咁大個前設喺度，已經唔係「唔難做」喇

你認真覺得你上面提出既兩個方案
會容易落實過我重組既任何一部分？恕我唔認同

論你最先提出既兩個方案（606X西灣河尾站取代606、筲箕灣尾站606X+西灣河尾站606）
要行得通，一樣有好多condition

第一
兩間巴士公司都要同意倒走鰂魚涌太古客，去博西灣河特快
Given that 九龍>太古鰂魚涌，佔606一半客源
呢場賭博，絕對有一定風險
任何一間公司唔肯做，你就企咗喺度

第二
我假設你說服曬兩間巴士公司既人，肯同你倒走一半客去做新客
下一關，你要說服東區區議會接受你個方案
若果係606X西灣河尾站代606，可以預期柴小區議員會問你點解唔可以筲箕灣尾站
若果係606/606X聯合班次方案，你要同耀東西灣河解釋點解606會減落30分鐘一班
而無論用邊個方案，鰂魚涌太古班議員肯定會嘈
固然我個方案改走606A都會遇到類似問題，但至少只係早繁幾個鐘，更多人用既下繁南行，服務不變
你兩個方案，係全日都無咗線去藍田觀塘

第三
說服完東區區議會，就到觀塘區議會
講到觀塘，你兩個方案等同政治自殺
606沿途經過好多個選區，全部無啦啦無咗條鰂魚涌/太古線
要知道，地區層面，有地鐵唔代表無反對
692取消，西貢到今日都不停嘈緊
606九龍客分分鐘拍得住692，仲有部分選區離地鐵站有相當距離
你兩個方案幾乎完全無甜頭之下，真係等俾人插

——————————

無錯，我個方案有不確定性，你可以話三個部分都係contingent upon XXX
但有機會遇到既阻力，我都俾曬contingency plan
包括 延長至聖約瑟（補彩雲）、換走99達致608用車不變、調整106/694/619服務套車、8H拉上耀東補流水、608入鯉景灣
如此，就算過程唔順利，都有alternative可以用，至少重組框架keep到

Contingency plan多
唔代表重組可行性低，反而代表方案有彈性，可以應付各種阻力都唔會走樣

而我又要再重申一次
三個部分，唔一定要一次過做
絕對可以擺5 year plan入面分三四年搞

加一部就話姐，但加一部可以，唔代表加幾部都有合理機會發生。$ d( j) q. j1 J7 T) e4 B% F
成日見你都話呢度可以加幾部、果度加幾部解決問題，想問下加車 pool 係咪無底深潭，或者從天而降？

8 h8 @$ f9 t1 J  n  V( F( D2 m
仲未計觀塘道流量問題⋯
. \" X. a) d5 h5 E$ J
有D脫離現實既野，就唔好幻想太多，好主觀好理想地覺得可以做得到。: P2 p$ f: E( m* d) i+ N8 @
尤其是 606 本身係蝕錢線，想服務水平完全維持不變，606X 變相新資源去做，更加係無可能6

事實係RPP一路都有新線開，加咗無數部車
亦有唔少舊有路線無改動之下加班（例：268C無改動之下加兩部車）

我都係一句，巴士公司唔夠車，從來都係唔想做既藉口
你說服到巴士公司606X值得做，新客夠多
佢多多車都加俾你

何況606X全日，就算開20分鐘一班，都只係城巴九巴一人出兩部車
求其搵兩條線調整班次，已經搞掂
使唔使形容到“無底深潭”咁誇張？

觀塘道流量問題，講過好多次
無視柴觀紅小車海入觀塘，但巴士就20分鐘一班都唔開得
絕對係自相矛盾

當然如果運輸署真係食古不化
兩繁606X可以用偉業街做contingency plan

castanopsis 發表於 2019-3-2 11:39
你認真覺得你上面提出既兩個方案
會容易落實過我重組既任何一部分？恕我唔認同

恐怕你仲未睇得透兩巴既重組模式，佢地直接倒客既可能性
其實仲大過拉多三五七條線大重組補位及/或大幅加車，後者佢地根本唔會咁做

望返上次聯營隧巴重組，已經係 110 118。
旺角、西九龍經歌頓道落炮台山北角，佢地有無拉多條線重組，或者倒車落去補位？
無，佢地直接倒落 102 就算，102 實際上只係上繁城巴時段加多左一千零一班車

鰂魚涌往來尖沙咀、炮台山往尖沙咀、銅鑼灣往返尖沙咀，
佢地又有無拉多條線重組，或者倒車落去補位？
無囉，佢地直接倒走呢班客就算，再加兩組唔會有人用既 BBI 掩口

去到 606，如果兩巴真係玩，我相信情況都會差唔多。
而因為鰂魚涌太古往來觀塘係有最明顯替代品，佢地要倒係幾乎肯定先倒走呢班。
至於耀東往來觀塘、耀東往來柴小流水，因為無替代，亦唔會拉內陸線補位，
基本上係點都唔會倒走，甚至正如 brianso198 兄話齋，
倒走呢班客既建議分分鐘上 RPP 前已經被運吉抽起


而你既 contingency plan，其實比起主菜隨時更難過關

綑綁多三五七條線重組，持份者數目、受影響地區必然倍增，
你做緊既野，同為左補位而製造其他問題無異，通過既不確定性又會增加，
唔掂係咪又要拉多十條八條一齊玩？

即係好似你為左用 608 補耀東，結果要拉直 99，甚至燒埋 106 694，
咁到時受影響既人又點樣處理？唔需要 100% 補償？似乎有自相矛盾之嫌


歷史話俾我地知，根本唔會咁做

加車？歷史同樣話俾我地知，呢樣野無乜可能發生
佢地係會寧願幾個細位留白，都唔會加車落去補位，過唔到就算，
或者再交一個同樣唔加車既方案上去

巴士公司每年買車數目都有計劃，而且要經過運吉審批。
呢邊加多兩部車，其他區就要減兩部或者加少兩部，絕對唔係你諗得咁簡單

castanopsis 發表於 2019-3-2 10:46
所謂本質問題即係乜嘢問題？

你話608上耀東換99落筲箕灣道，會影響608班客

77/99短就6分上到耀華樓, 長就可以成兩個字都上唔到去,
(最長試過15分鐘, 無錯, 係15分鐘,)
多得買菜批客上落慢加上又有堆客要上車結果搞到要成十幾分鐘先上到頂,
仲要每班車既行車時間係極度不穩...(可以前車6分後車10分再後車又6分)
落到西灣河可以試過25分鐘先到連後車都差唔多爬頭...

但最快呢?15分鐘已經行埋鯉景灣個圈轉返出去...


咁我又想問, 點set 定時點?

整得太短又唔夠行整得太長就只會趕走堆筲箕灣過海客,
咁都仲同我講無影響?唔好只係同我講條線得耀東會用先得,
你擺得落筲箕灣筲箕灣絕對係會用到呢條過海線...

不過又係既...因為608又要兜耀東又要兜嘉亨灣連客都畀你趕走哂所以一定唔會有...
所以咪好似無影響囉...

但條線個整體行車效率呢?呢樣唔需要考慮?
你呢頭就話606慢所以要重組而家就要為左補99要608補位減慢整體行車效率,
而家邊個自相矛盾?

再講, 咁點解102,106,110, 甚至其他過海線唔做雙向分段?

你知唔知會帶來乜後果?根本由頭到尾搞咩608雙向分段係多餘...
同樣地, 因為搞608雙向分段係多餘, 所以搞608定時點同樣地係多餘...


架8H走上去耀東又唔好好利用佢補走去叫608加雙向分段真笑大人個口...
雖然8H雙向入筲箕灣總站兜圈係必然, 但最後個結果係會推哂堆客上82,682,694...
不過興華堆客同你推死架82渣嘛...

608影響固然唔會細,
特別遲下啟德多人住既時候就會得知個影響,
而99一來自己客跌同埋北角果段叫做有671補位,
你而家成個plan 既608又有無線可以補到佢?

九龍灣(唔計早繁), 啟麗, 啟德, 係一條線都無...

呢堆客根本係硬食緊,
柴小又畀你抽走九龍灣要迫住轉車啦...
全世界就要轉哂608咁仲話無影響?

99應唔應該兜耀東我覺得唔係唔可以討論,
不過拎608去補位唔係拎你建議果架8H根本就係錯...

8H都算係半條區內線理應搶當呢D功能,
我就唔明點解唔用8H做而叫條過海既608做...

有D野根本唔洗講咁白, 因為講哂上面埋野只係顯示你根本唔熟...

真係唔斷得QB至觀塘，如果直接606+606E各自30分鐘，一條北角走一條耀東後西灣河走又得唔得？