西部走廊「荔景站方案」

當初九廣西鐵應該採用「荔景站方案」，取代「美孚/南昌站」方案。

“貨櫃碼頭南路”or“葵涌道”地底設站，另建轉綫通道接駁地鐵荔景站。


好處:

一.
轉綫通道比美孚站短，方便乘客轉綫。

二.
方便西北乘客往來葵青區(eg.西北-葵芳/青衣)，同時方便荃葵乘客往來南九龍(eg.荃葵-尖東/紅磡)，分流荃灣綫客流。

三.
東涌綫可免去南昌站，行車時間得以保持免被拖慢。(待有需要時再考慮設站)

但睇而家南昌美孚你咁轉法荔景實頂唔順

仲未計自己荃灣綫東涌綫互轉呢

南昌站以地鐵港鐵黎講，起站係遲早既事，重點係樓上姐這

南昌站遺憾既係紅磡/香港站做唔同同台轉乘

其實一開始都唔洗等合併就打穿牆

將堆轉閘機搬上月台咪得囉

當初比地鐵投到，必定有荔景站，仲可以直去香港站tim...

西鐵比機場核心工程遲開工，你話葵涌道地底起嘢，你睇下荔景站對出嘅葵涌道係點先講啦，成條葵涌道係交通命脈，可以封路畀你搞咁多嘢？
如果港鐵真係得，而家沙中綫鑽石山站就直接起響龍翔道觀塘綫下面，好似新紅磡站咁上落一層轉車啦

Toz 發表於 2019-2-19 00:32
當初比地鐵投到，必定有荔景站，仲可以直去香港站tim...

根據過往的文件，即使由地鐵投到西鐵，也不會一程車過海，而是在荃灣西站轉乘東涌線支線（即醉酒灣的NWL預留路線）前往香港站。

dogdog002 發表於 2019-2-18 23:03
但睇而家南昌美孚你咁轉法荔景實頂唔順

仲未計自己荃灣綫東涌綫互轉呢

荔景站嗰月台咁闊落，應該有能力承受更多人流。

人流多左，谷下廣告/鋪租收入都唔錯。

jpoon 發表於 2019-2-19 03:31
西鐵比機場核心工程遲開工，你話葵涌道地底起嘢，你睇下荔景站對出嘅葵涌道係點先講啦，成條葵涌道係交通命 ...

咁咪起喺“貨櫃碼頭南路”地底囉，對路面交通嘅影響更細。

不過轉綫距離長多十零米。

香港黃毛小子 發表於 2019-2-19 19:12
咁咪起喺“貨櫃碼頭南路”地底囉，對路面交通嘅影響更細。

不過轉綫距離長多十零米。

起係貨櫃碼頭南路地底，唔通貨櫃車唔係車？
定係你天真到覺得個站起係地底，條轉乘通道就唔會影響葵涌道嘛？

eternalflame 發表於 2019-2-19 19:33
起係貨櫃碼頭南路地底，唔通貨櫃車唔係車？
定係你天真到覺得個站起係地底，條轉乘通道就唔會影響葵涌道 ...

首先荔景站對出一段“貨櫃碼頭南路”，唔係貨櫃碼頭車輛出入唯一通道。

其次就係即使要封路，都只會輪流封閉其中一條行車線。而該路段車流量唔算高，以明挖回填方式施工，影響極其有限。

轉綫通道無話過一定要以明挖方式建造，我從來冇聽過起地下行人隧道要封路。

用臨時支撐結構承受重力，甚至用鑽挖/盾構法一樣得。

南昌站就係一大典例，地下站體結構跨過機場鐵路/西九龍公路下面。金鐘站沙中綫擴展部分都係採用臨時支撐結構施工。

香港黃毛小子 發表於 2019-2-19 19:08
荔景站嗰月台咁闊落，應該有能力承受更多人流。

人流多左，谷下廣告/鋪租收入都唔錯。

荔景得一間7仔同一間恒生銀行，都係喺非付費區，可以點谷舖租收入？

仲有，荔景站係架空，你諗住點將西鐵客由地底運上去？轉幾次扶手電梯，定係齊齊排隊搭升降機？咁搞法唔會快過美孚／南昌轉