25歲一次拖都未拍過，係咪好有問題？

原帖由 N38 於 2006-6-30 10:04 發表
25歲無拖拍..其實唔算遲..
只不過...係好多人過早有拖拍

好似我咁,23歲
仍然無拖拍
身邊既2位part time異性同事
19,20歲已經開始左
根本上成個社會唔同左
本來廿幾歲無拖拍係"正常"變成" ...

我以前都係23歲拍拖, 咪又係咁, 有乜咁出奇?
不過當年有拖拍係公司都引起過小哄動

樓主,或者你可咁想,現在香港女多男少,變相係女士爭取男士,對我們來說是相當有利的
你實在不須擔心找不到伴侶喎

原帖由 ATR83 於 2006-7-2 18:47 發表
樓主,或者你可咁想,現在香港女多男少,變相係女士爭取男士,對我們來說是相當有利的
你實在不須擔心找不到伴侶喎

不過, 聽聞"女多男少"既情況係有關部門計埋係香港住滿7年, 攞埋HKID既"賓賓"
甚至係包哂全部係香港定居(未滿7年)工作既"賓賓"tim

就算唔包"賓'賓", 始終呢個問題都不能單以數據解決
如果有十幾二十個"如花"(仲要係食煙飲酒, 粗口仲勁過香港任何一個大叔)殺埋來
貼埋錢要你同佢拍拖, 比你都唔肯啦, 係咪?
始終, 伴侶都係要自己鍾意先得, 唔可以求其
如果唔係, 只會hurt到雙方/浪費左大家時間

香港地, 要識到大家心目中既"公主/王子"
始終要改變一下思想
開放小小(不過都要小心), 去認識身邊既人
如果唔係, 一d可能好+arm你既"準伴侶"往往就會比人忽略

樓主，唔怕喎~
小弟都係23歲先第一次拍拖，未拍拖之前o的朋友、同事都係咁，唔駛理佢地。

趁依家未有女朋友就要事業為重，打好自己既基礎，
當你有事業，有錢，就唔駛愁冇女朋友。
咁好條件既男朋友，女仔爭住黎識你啦！

原帖由 edmund@sunbus 於 2006-7-2 09:01 PM 發表


不過, 聽聞"女多男少"既情況係有關部門計埋係香港住滿7年, 攞埋HKID既"賓賓"
甚至係包哂全部係香港定居(未滿7年)工作既"賓賓"tim

就算唔包"賓'賓", 始終 ...

個數字點黎其實都唔重要啦, 講呢樣野只係自我安慰既
男士少過女士又點丫, 依家d女仔成日話香港男仔質素差架嘛,
(當然男仔都會話依家d女仔唔掂, 每況愈下)
咁既然揀唔落手, 幾少男仔都無影響啦~

原帖由 cktse 於 2006-7-5 04:00 發表


個數字點黎其實都唔重要啦, 講呢樣野只係自我安慰既
男士少過女士又點丫, 依家d女仔成日話香港男仔質素差架嘛,
(當然男仔都會話依家d女仔唔掂, 每況愈下)咁既然揀唔落手, 幾少男仔都無影響啦~

underline左既問題, 只係"黃金討論區會員 vs "him".com會員"都可見一斑
而呢個問題的確係事實
要雙方都踏出第一步, 放開心中既束縛, 先可以解決
始終一個成功既關係, 任何一方太被動, 結識過程往往仲勁過青藏鐵路, (隔萬重山).

P.S. 希望小弟唔好"識講唔識做"(或者冇機會做), 希望可以係U識到未來老婆啦(我今年升F.4)

講一講我姐夫，之前40歲人都未拍過拖，未掂過女仔一條頭髮。
不過佢話自己眼角高，無乜女仔看得上眼，
之後41歲同我家姐結婚，結束鑽石王老五生涯，
因為佢一個月月薪都成十幾萬（連花紅）。

唔好諗咁多，緣份要有就有，想佢來就偏唔來，唔想來就撲埋來，真弄人。
應付這種閒言閒語，最好就是四個字：自命清高

我都要27歲才第一次拍拖，但從未覺得有問題。

原帖由 minwon 於 2006.6.30 00:33 發表
最近經常被同事、朋友問點解無女朋友，有部分更因此對我產生懷疑，甚至因而被「唱」，甚麼虧佬基佬變態乜都聽過，乜今時今日唔拍拖真係咁有罪？

我自己今年都係25, 都係未拍過拖, 你的感受我都明白, 但係
我覺得是沒有問題的. 因為還沒有遇上自己合適的, 所以先無拖
拍.  回想自己, 曾經為了喜歡一個人, 但係最後都係衰左. 有時
有一d朋友同我講返, 其實有一些異性曾經對我有好感, 但係我自
己不知道, (因為我自己花了心機在另一異性身上),當我知道的時
候, 一切已經too late了.  現在我自己都沒有去想了, 因為我現在
的環境, 要拍到拖, 可以話比起青藏鐵路還要難很多倍.

我自己都同意要找到一個自己喜歡的先開始拍拖, 但係我現在
的情況...

老實講, 由於我是家中的獨子, 所以我現在不多不少都受到一點壓力
問我什麼時候會拍拖~

大家會否認同，緣份由上天安排呢?

一個男仔希望擁有另一半時，因種種原因例如另一半已有男友，自已結識圈子太細或性格問題等都無緣結識到女友。但偏偏自已在暫時不想或直情不想識女朋友時就回來，有時這些事情都是看緣份，順其自然。各位要認識另一半看清楚雙方的思想，性格及溝通是否配合，以上一項不配合愛情是不會長久，除非自已引讓。

筆者最近有位女同學和我取得聯絡，平日大多數時間在MSN見到都會大家傾計，甚至不想打字時我會直接用電話覆她。

不知道筆者在今年年尾前可否結識到女朋友呢?

[ 本帖最後由 simon12 於 2006-7-20 12:39 編輯 ]