北區區議員要求新增連接北區至市區南北鐵路線

南北線又點預知東北發展 高球場 大埔9區等,如果南北線預估可以應付開通十年需求,隨著多項起樓及遲落成,可能開不久已飽和

鴨咀帽 發表於 2019-3-10 20:04
但隨住新界北發展, 樽頸位明顯係沙田-大圍
E D顧問報告好多都低估左城市發展速度
正如而家都應該無人相信 ...

新界東北發展所產生的額外客量是由第二南北線處理的。

ksmbh 發表於 2019-3-10 20:26
南北線又點預知東北發展 高球場 大埔9區等,如果南北線預估可以應付開通十年需求,隨著多項起樓及遲落成,可能 ...

古洞、粉嶺北等唔係新事物，都吹咗好多年喎，落馬洲支綫亦預留咗古洞起站，南北綫冇理由唔考慮呢D地區嘅交通需求

ksmbh 發表於 2019-3-10 20:26
南北線又點預知東北發展 高球場 大埔9區等,如果南北線預估可以應付開通十年需求,隨著多項起樓及遲落成,可能 ...

要串埋又唔會好困難嘅

路線可以由蓮塘開，穿過恐龍坑到達上水北、粉嶺北發展區，同時設站轉乘北環線，於皇后山一帶後大致沿粉嶺北繞道到九龍坑與東鐵換乘。然後向東南穿過九龍坑山，於大元邨和富亨中間設大埔北站（需重置食環車場及東華三院樂周沕桅學校）。沿南運路穿過大埔市區（可再與東鐵換乘）再穿過草山直達大圍，於顯徑與屯馬線換乘。然後跟青沙穿過尖山，停美孚再去東大嶼。

問題反而係市區線已經迫無可迫，點樣避免更多人流入市區線路段。

tonyng 發表於 2019-3-11 00:09
新界東北發展所產生的額外客量是由第二南北線處理的。

以呢個正苦做正常事既效率，分分鐘新界東北發展既住宅，入晒伙十年有多，第二南北線先至通車。

呢個已經係極極極極極樂觀既假設，「正路」黎講，係入晒伙十年有多，第二南北線先至開始拍板動工、甚至仍然「規劃中/提議中/設計中」。

巴士的膠 發表於 2019-3-11 16:02
要串埋又唔會好困難嘅

路線可以由蓮塘開，穿過恐龍坑到達上水北、粉嶺北發展區，同時設站轉乘北環線，於 ...

落馬洲站使用率本已不大，離飽和尚有大大段距離，因此沒有必要增建蓮塘鐵路過境，將第二條東鐵綫駁至上水站，由乘客自行決定往落馬洲或羅湖過境已可以應付需求。不想更多乘客分流到現有市區綫，大可將第2東鐵綫於九龍市中心設多幾個該綫獨有車站 (如大角咀、旺角西及海港城)，而非帶乘客到東大嶼孤島做開荒牛。

newlife 發表於 2019-3-15 02:46
落馬洲站使用率本已不大，離飽和尚有大大段距離，因此沒有必要增建蓮塘鐵路過境，將第二條東鐵綫駁至上水 ...

要改建落馬洲支線牽涉到改動塱原底下嘅隧道，工程浩大之餘，要處理相當複雜嘅環保問題。

除非調轉，新南北線連接羅湖，舊線就維持金鐘-落馬洲，咁羅湖貨場一帶就大把位可以連接新線去粉嶺北，甚至可以研究起新站，解決羅湖站發車能力不足嘅問題。

如果第二南北線連接旺角西、尖沙咀，額外效益比轉西鐵大幾多？依家九龍南線路段早繁都唔算迫人，西鐵亦大把空間加班。

如果講轉乘容量，我覺得做九龍東西線更具效益。

第二南北線 市區有無辦法停到深水埗？荃灣線太子<->深水埗已經飽和
深水埗<->美孚一段都不太樂觀
南北快速線停深水埗有助分流
之後再停南昌站 連接東涌線及屯馬線上

GM 發表於 2019-3-17 12:59
第二南北線 市區有無辦法停到深水埗？荃灣線太子深水埗已經飽和
深水埗美孚一段都不太樂觀
南北快速線停深 ...

深水埗地鐵站／南昌站之間無空位可以起新鐵路。

１）樓宇太密集
２）欽州街、南昌街有地下排水道
３）南昌站V-City地基
４）如何出海去交椅洲？

TYChow 發表於 2019-3-17 16:42
深水埗地鐵站／南昌站之間無空位可以起新鐵路。

１）樓宇太密集

以「起最短過海隧道」為大前題，由九龍去交椅洲，九龍嘅落點應該係昂船洲八號貨櫃碼頭一帶，假設要去沙田，十有八九離唔開幾條走線：

1 靠西走，於荔枝角公園再次大興土木建站，好處係可以轉西鐵、荃灣綫。但美孚居民意見就兩睇了，而且兩邊都要通道轉乘，人流會好大。

2 靠中間走，沿八幹走線穿過市區，與荔枝角站做通道轉乘。好處係荔枝角收押所、蝴蝶谷一帶較開闊，而且本身都會有人通勤。問題係高鐵、荃灣綫、長沙灣道、八幹一齊交匯，垂直空間極擠迫。

3 將站移至近泓景臺一段荔枝角道，再轉入昌華街入山，更貼近市中心，但最窄。如果有心搞，甚至可能做到荔景模式轉乘。

4 如之前板友所講，行欽洲街，但欽洲街、南昌街、東京街，興華街底都係大坑渠。