又話港珠澳好多人，結果連假期都靜到拍烏蠅

大橋開通之後我首次過大海，之前見話大橋口岸一假期就逼滿人，搞到A21頂晒閘（我喺旺角街市親眼見過飛站A21，不過係平日），又話東涌淪陷，結果今日放假走一轉，根本唔係嗰回事。

我喺旺角街市上A21，06：06上車，同前車隔7分鐘，後車隔15分鐘，仍然有位坐，行李架都唔爆。上車之後，淨係得南昌邨同海麗邨有客，其它站飛晒直達機場。

部機場巴士特快去到T1同T2，T2無人上，06：50兜入港珠澳口岸嗰陣全車得返我一個，旺角街市去口岸搭咗44分鐘。

我過關去珠海，金巴10分鐘一班，我搭部車得5個人搭，完全係正宗吉車遊大橋。

7點幾呀  就算初一 或者長假既大日子 出哂名多人既羅湖都好輕鬆啦 大佬  而且港珠澳24小時 想再早啲去既又去左 想瞓晏啲或正常醒(起碼遲過返工日子既起身時間)就連門口都未出  你咁樣比較 擺明呃post者

你過完大海邊度都唔好去, 立即返香港, 咁你就可以感受下有幾迫架喇
而家最多就係來自珠海既即日來回旅客, 新聞報導都聽到睇到厭喇, 唔通你唔睇新聞報導架?

不如標題改做「又話旺角好多人，結果連假期都靜到拍烏蠅 」，咁樣應該吸睛好多！

你有無試過搭 N241 望落紅隧口，同經過亞皆老街燈位？

浸大小晴 發表於 2019-3-3 11:03
如果復活節首日，係一開關就爆棚，Ｄ火車係迫到唔敢想像，頭卡爆到尾卡，羅湖站要警察拉封鎖線，起碼４５ ...

7點過羅湖/福田多人係因為關口團通常呢個時間出發。

lokwah2a 發表於 2019-3-3 11:00
樓主咁早來澳門做乜，酒店未開始入住，店舖未開門，小賭宜情，大賭亂性呀 ...

打令早場有優惠(好似係)
望到樓主打個時間出嚟已經笑左

師兄神早流流去珠西有咩睇？
同埋通常都係港去澳出事