東涌市中心巴士總站重置後巴士泊位安排

來源：潘俊恩FB專頁（離島區議會交通及運輸委員會文件32/2019號）

當局計劃當東涌市中心巴士總站正式重置啟用後，將東涌市中心內各巴士總站的路線作出以下安排：
1) 往返東涌至機場島的路線（城巴／龍運S1, X1、城巴S52/S52A/S52P（往維修區／貨運區）, S56、龍運S64/S64C）仍使用東涌站巴士總站
2) 往返逸東邨至東涌的路線（城巴S52（往逸東）、嶼巴37（往逸東）, 38）仍使用東涌站巴士總站（註：並無提及38X）
3) 往返迎東邨、滿東邨、大澳、梅窩至東涌市中心的路線（嶼巴3M（往梅窩）, 11（往大澳）, 11A（往石壁）, 37（往迎東）, 37M（往迎東）, 39M（往滿東）, A35（往梅窩）, B6（往滿東）遷往東涌市中心巴士總站
4) 嶼巴1R, 23, 34, 36於東涌市中心的總站上落客位置不受影響，仍使用東涌臨時巴士總站
5) 嶼巴B6（往大橋香港口岸）於東涌的上客點遷往東涌臨時巴士總站

站位安排圖（東涌市中心巴士總站重置後）
所有出入東涌市中心及東涌站的巴士路線，均需由舊總站對面的新出入口出入，現時東涌站巴士總站使用的美東街出入口，將永久封閉。




諮詢文件

如果我去長沙或者塘福咪冇得叫兩飛囉.....?

Focus on 現時的東涌站總站，留意到幾樣嘢：

1. 現時東涌站的臨時出入口（美東街出入口）如果封咗，改用返以前同東涌市中心一齊共用的達東路出入口嘅話，根據以前巴士出入站經驗，由達東路出入口轉左至達東路西行（往機場/逸東方向），往往都要靠右逆線偷唔少位（i.e. 出口處 & 轉緊出達東路西行嗰時會踩埋過東行條快線），險象環生。
-> 12.8米巴士用達東路出入口有機會唔夠位轉左（無尾軸輔助轉向的12.8m 長勝尤甚）
-> 達東路車流量無疑比幾年前未起東薈城擴建工程時升咗唔少，要巴士成日偷位出站，恐怕只會愈來愈危險
-> 達東路西行（往機場/逸東方向）由總站出入口路段，去到美東街交界個燈位嘅距離其實唔係好長，以前叫做啱啱好夠用，但隨着滿東逐漸入伙 & 港珠澳大橋所帶來的B6 車海，我怕呢段西行單線路無辦法應付到咁多巴士，繁忙時間可能會做成總站出口出現擠塞。

所以不如保留返個臨時出入口（美東街出入口），等用東涌站總站嘅巴士多一個途徑出入總站

2. 37/38/S52 往逸東站位再次 jam 埋一齊，須知道下午繁忙時間 S52 可以吸納到好多唔想迫 37/38 嘅逸東客上車。
->37/38喺後面落客站落客後，會排住隊等埋站頭上客。以前下午繁忙時間 S52 喺落客站落完客，好多S52 司機都會因為唔想慢慢排隊等埋站，所以落完客之後就會直接走，大大浪費珍貴的可載客空間。

37/38供不應求，繁忙時間要排好耐係鐵一般的事實，不如都係分返開 37 & 38 一個站頭，S52 逸東方向一個站頭，方便同時間疏導大批逸東乘客。

3. DB01R 目前安排維持不變？

F428Z 發表於 2019-3-7 14:34
如果我去長沙或者塘福咪冇得叫兩飛囉.....?

咁嶼巴都會失去咗
有啲人唔願等11而上
23收貴啲嘅機會,要睇吓
嶼巴會唔會提出反對。

乘客角度,不如加強11A服務
再盡啲11A也可試用E400。

F428Z 發表於 2019-3-7 14:34
如果我去長沙或者塘福咪冇得叫兩飛囉.....?

11 11A A35三飛

係咪講笑都好, 東涌總站可以睇定開出時間表, 11又平又算密車, 23留番俾人上大佛啦, 係熟客嘅更加唔駛睇時間表就識上車, 對嶼南中途客影響唔係咁大.

sa2006107 發表於 2019-3-7 14:48
Focus on 現時的東涌站總站，留意到幾樣嘢：

1. 現時東涌站的臨時出入口（美東街出入口）如果封咗，改用返 ...

保留美東街出入口
乘客由東涌站步行去
12~17號位就要有過路處
美東街係紅綠燈而非讓路口
而家都間中倒塞。

12.8米車用「新」出口
會過界嘅問題,無理由重新
規劃時都無考慮過嘛……

37/38/S52炒埋一碟
嘅問題我已電郵過運輸署
查問,官方取態都係想S52
乘客東涌站下車後善用往
逸東嘅空間,我曾建議S52
返逸東用S64(即S1前方)位置
但回覆時總說唔可以排除有人
想用S52代替38,意即無得叫兩飛。

S52由官方22分鐘行車
時間去到40+嗌極無人理
如果嶼巴唔反對咪S52下繁
開國泰城>東涌站>逸東短棍

再者逸東居民都表示無咗
S52幫手,條隊排返入東涌站
都唔止,咁隊尾去到S1個位就
決定「向左走向右走」喇,38用
雙層唔願去上層,S52就願㗎噃。

好明顯呢運輸署係冇乜執過，大部份路線都跟返未起樓前既原位，但S56終於唔用落客位上客
嶼巴方面只係拆開左11同11A (唔通11A有機會加班？), 搞到要搬走23, 多左37M, 39M, 所以將少客既34,36要搬走。B6搬左出去就幾多人排都唔驚俾人嘈
DB01R應該會搬返去非專營個舊位
整體嚟講運輸署既取態係一動不如一靜，用返哂舊位算數

「東涌臨時巴士總站」會唔會改名？

咁臨時總站會臨時到幾耐？

N線表示被無視
仲有37m/39m泊啲咁既位，肯定會有一大班人亂過馬路