研究繁忙時間開辦更多鄉郊地區直達市中心商業區路線

隨著近年樓價愈來愈堅離地，居民愈搬愈鄉郊從而減輕租金或供樓負擔，又或者追求寧靜既生活環境。過往一些可能係天馬行空既鄉郊直出市中心路線一一出現，例如大美督既74E, 建議中從沙頭角出發既277A, 新田往港島東既招標線…

將來呢類路線值唔值得繼續發展？
又有d咩鄉郊地區係有需求去開呢類線？
如：
大棠>欖隧>荃灣？
西沙路>烏溪沙>中環線？
打鼓嶺>坪輋>東九龍？

歡迎討論

住得鄉郊就大部份都預左揸車，除非住的地方唔容許，加上部份鄉郊村落分散，277A係劍指皇后山，唔係為沙頭角，因為為沙頭角一早便開同埋78K唔會做成咁

前題係正線班次夠密先有得傾
例如968系, 74X分枝, 因為去得
郊區班次唔多近乎唔容許收車,萬一
車長缺勤/壞車就只好從正線抽調。

277系已經被人插到暈
277E一方面難加班及擴展
服務時段,維持277E嘅定點,
一般會犧牲277X,再開埋277A
真係唔知變成咩嘢款。

hadboy5 發表於 2019-3-12 22:24
住得鄉郊就大部份都預左揸車，除非住的地方唔容許，加上部份鄉郊村落分散，277A係劍指皇后山，唔係為沙頭角 ...

咁其實需求夠既開幾班通勤車
巴士公司可以賺多D
又可以減少人繁忙時間用私家車出勤
可樂而不為呢?

錦田<>東九？

hadboy5 發表於 2019-3-12 22:24
住得鄉郊就大部份都預左揸車，除非住的地方唔容許，加上部份鄉郊村落分散，277A係劍指皇后山，唔係為沙頭角 ...

係既話74E都唔會有得加班
20C車海都做唔切
78K朝早有小巴競爭都做到單位數班次，連埋華明就更密K66密到見5分鐘都仲未計埋有紅小爭客

根本而家好多人係因為市區租貴而要搬入郊區，係市區上班地點租個車位講緊三千幾四千蚊個月，仲要同人爭既時候，住鄉郊揸車已經唔再係定律。

至於皇后山發展成新市鎮都唔係短期既事，要因為呢個原因既根本唔需要咁早開。

TuNg''=) 發表於 2019-3-12 23:57
係既話74E都唔會有得加班
20C車海都做唔切
78K朝早有小巴競爭都做到單位數班次，連埋華明就更密K66密到見5 ...

同意
市區商業區無論日泊定月租車位，都係相當貴兼難搵位
市區幹道又塞到咩咁，好多時搭鐵仲快
加上做咗成日工作再開車，其實都真係唔易頂
即使係經理級，好多都唔係每日揸車

住鄉郊揸車返工有一班人，多數係自己做老細，或者返啲有車方便得多嘅工，例如地盤經理
但返市區、唔係每日揸車嘅人，只會愈來愈多，對巴士需求愈來愈大係合理

另外仲有一部分人搬入村住主要為方便養狗，扣除屋租、養狗開支後其實無幾多剩，有車都未必每日揸，甚至係無車人士

用村巴服務會唔會好小小?
例子是現有的 林錦/粉錦<>港島線
至少唔需要巴士公司開新線博下夠唔夠80-90個以上乘客(當然,74E算係成功例子)



如果講指定要巴士公司開辦鄉邨市區繁忙線,我覺得以下路線值博率相對較高
(1)錦田/新田經大欖隧道往港島/東九龍
(有轉乘數據估算錦田往返港島/九龍潛在客源,新田公路沿線樓盤項目陸續落成但暫時未有村巴服務(i.e.爾巒,峻巒),唔夠客可經轉車站可執雞)
(2)大埔鄉郊往荃灣/中九龍/港島
(74E算是成功例子,唔夠客可兜白石角)
(3)沙頭角公路出市區
(應該有轉乘數據估算客源,早上繁忙時段客源看似較多,唔夠客可停聯和墟)

港島可以考慮重開309，經筲總一站直去中環，咁就可以補足88X服務唔到柴斜之處同埋尾站收貴720X