[中灣繞特快西區] 建議開辦 607 九龍灣<>田灣邨

S3BL100 發表於 2019-3-22 12:12
你應該係本版入面我見過幾乎唯一一個話東廊落銅鑼灣快過北角落橋既

如果 673P 行法真係咁快，當日就唔會 ...

係？
673改道，全版上下都一致認同改慢咗
隨手quote返幾位版友當時既response

——————————————

偉文：
“我作為有時搭673南行的乘客的觀察, 我覺得入怡和街多10分鐘”

jocosben:
"下繁前東廊係有車龍, 但都KEEP住旭, 如果由興發街落橋位到百德新街, 日間好多次經驗都係塞5分鐘甘上下, 我個人覺得完全可以接受, 反之落興發街D燈多到呢, 到怡和街落車真係會用多10分鐘, 呢10分鐘係實打實會增加"

KC3555:
"聽聞收到好多投訴，尤其是入金鐘同灣仔的乘客，抗拒673繞經天后。比以前要花多15分鐘。"

——————————————

根本673改道，係為咗落車站位方便
早繁點解保持開673P，原因係因為早繁班客要去灣北中環，你改入內街擾民
你話我係唯一一個覺得飛東廊快過碌北角
我反而覺得你係唯一一個覺得，非繁下繁北角落橋快過行東廊既版友

事實係
早繁東廊塞落橋，民康街落橋確實有些微機會快過塞東廊
但非繁/下繁/假日，最多南區人搭車既方向同時段，行東廊都明顯係最快選項

我試過多次坐 619 下繁過港島，清風街天橋無遇過塞車

以前坐18P，清風街下繁可以塞你15分鐘
當然中環灣仔繞道開咗之後點既境況，你同我都唔會知

你聲稱北角落橋明顯較快，等同聲稱8X非繁下繁明顯快過8
係人都知道唔係事實

74queen 發表於 2019-3-19 16:11
鍾意玩埋啲咁騎呢嘅轉乘真係一睇就知出自邊個手筆
六幹啲咁多年後嘅事而家討論都冇意義，不過始終六幹係 ...

六號幹線可以藍田出然後跟w2掃返上去？

castanopsis 發表於 2019-3-22 13:29
係？
673改道，全版上下都一致認同改慢咗
隨手quote返幾位版友當時既response

你地兩個講嘅野都冇錯，銅鑼灣落橋係慢過北角落橋而北角落橋大部份時間都慢過全條東廊。我諗S3BL100師兄應該係理解錯咗你個落橋位先會多咗個銅鑼灣落橋嘅爭拗出嚟。
不過我都算係619常客，真係唔敢認同清風街天橋塞車，對619嚟講係油站塞入百德新街係塞過清風街天橋好多倍，天橋基本上都係順嘅。

為方便討論，啱啱計咗
田灣開: 70分鐘到九龍灣站，85分鐘到黃大仙總站 (經彩虹道)
黃大仙開: 15分鐘到觀塘市中心，即第一頁行車時間觀市後全部 -5分鐘
另外西區去上環應該要20分鐘，新線預計擺卑路乍灣，要堅尼地城自轉一圈先做到堅城。

不過我一直唔認同你西南分家主要係
1. 南區直出客量？671呢個人辦真係令人好卻步，啱啱6點經過銅鑼灣見到架671窗口位都未滿，仲要係行李架車嚟。華富香港仔都係住人為主，最多田灣叫有少少工業，逆通勤都係冇保障。香隧就肯定趕客，你覺得北角趕走嘅客多定執到嘅客多？
2. 西線客源會唔會太集中兩繁？而家101X建議經中環拉出九龍城其實同你嘅經上環拉上黃大仙有異曲同工之味，如果真係為全日鋪路咁可能我真係錯判咗，我係見101X而家班次每個時段得兩班先諗住拉入南區。

3. 南區係全新客源，對東隧都係全新目的地，未有中灣繞係唔敢想像而且冇鐵。如果經上環對西區嘅時間優勢會細咗，你成日計黃大仙但事實係頭站通常係較不受歡迎同就算新界線都係觀塘九龍灣先係重點，黃大仙係用嚟打爆部車。唔經上環下
九龍灣>正街30分鐘 (鐵34分鐘)
九龍灣>堅尼地城40分鐘 (鐵37分鐘)
加經上環用多5-10分鐘個優勢就冇咁明顯，我入冇鐵南區有瑪麗VTC其他站一兩個一兩個咁執，加埋西區流水，上環非繁會唔會班班上落到10+先，西區再跌多幾個嫌兜上環(尤其南行)就未必係上環compensate到。

有樣野我同意準巨嘅就係上繁南行可以搞不經置富華富直入數碼港特班，呢班特班可以玩埋經上環Kong u不經堅城入薄扶林添，反正呢啲時間都冇人會入邨。

去到西隧口仲要兜返過東隧, 貪好玩 ?

74queen 發表於 2019-3-23 03:16
你地兩個講嘅野都冇錯，銅鑼灣落橋係慢過北角落橋而北角落橋大部份時間都慢過全條東廊。我諗S3BL100師兄應 ...

可能我以前搭18P咁唔好彩
不過無論如何，100兄話非繁下繁671民康街落橋快過673P東廊落橋，肯定有誤
而且仲要係錯得幾離譜個種

1. 南區直出客量？671呢個人辦真係令人好卻步

671客量差
好大原因係因為條線又疏又慢

銅鑼灣至北角一段，沿住條電車路碌
唔好講行車時間，觀感都已經輸曬
然後條線長年都開緊垃圾班次
就算未有南港島線，都大把人選擇車海592轉鐵
單係兜少個利東已經節省唔少時間
家陣有南港島線就更加

數碼港+華富+田灣+香港仔
基本盤本身已經好過鴨島唔少，非繁逆向尤甚
鴨島兜利東就流失習慣直出既海怡客，唔兜就做唔到利東，對面岸無呢個問題
只要條線肯飛東廊追時間，至少俾乘客一種直接既感覺，吸到既客絕對會多過671唔少
當然最後夠唔夠客，要真係開出來先知，但我又唔會好似你咁悲觀

西線客源會唔會太集中兩繁？而家101X建議經中環拉出九龍城其實同你嘅經上環拉上黃大仙有異曲同工之味，如果真係為全日鋪路咁可能我真係錯判咗，我係見101X而家班次每個時段得兩班先諗住拉入南區

西區始終係龐大既傳統舊區
以地區性質計，非繁基本盤肯定好過東區，亦好大機會好過南區

101X家陣客量絕對係差
但我又唔覺得係因為西區少人去東九
同地鐵/紅小完全重疊、速度無優勢既606/A，兩繁都打得爆車過東區
西區<>東九，無理由咁少客

我反而會覺得，主要問題有兩個

一、觀塘
101X去觀塘本身要屈入九龍灣商貿區兜圈，觀感已經差
最致命既係，101X無一個站食到APM一帶既通勤客
人地堆新界線，下繁單憑APM，可以一個站上滿一架車
101X無論南行北行都做唔到同樣效果

二、紅隧
西區客搭車既早繁北行、下繁南行，東隧大致暢通，紅隧塞到無譜
101X走去行紅隧，吸唔到客係自己攞來衰

然後上環問題
我覺得東九<>上環特快，會係條線其中一個客倉
觀塘道沿線 去 中西區，個市場極之龐大
當然你又會話641客量唔得，但呢條線個主要問題係班次同行車時間都好飄忽
上繁塞東廊落橋、下繁塞灣北，搞到只係執到地鐵餅碎
上環<>東九特快，基本上避開曬所有港島北岸塞車位，只係塞一條東隧
咁既情況下，就真真正正有機會分流到地鐵

上環，對條線上繁南行、下繁北行客量舉足輕重
我覺得值得花幾分鐘做埋
至於早繁北行使唔使開正街甚至水街直出，可以再傾