運輸署真係不知所謂,成日以為鐵路係萬能

每次鐵路出事,巴士必定陪葬,我哋呢啲搭開巴士嘅人就一定身受其害.
差不多次次都講請轉搭其他交通工具,我想講仲有其他交通工具咩?
cut 得就cut ,減得就減,巴士已經去到連平日都應付唔到,仲要應付你班突如其來嘅鐵路客?
唔該運輸署班人頭腦唔好成日發埋一堆春夢!
凡事都應該有後備方案,但係我睇唔到運輸署班人有諗過.

因為管交通班人多數係「堅離地」既，大部分人都不食人間煙火，出入用私家車。
意外乃意料之外，鐵路雖然有其優點，但萬一好似今日既事件咁，又點應付呢？
(間唔中爆一次都死啦!!!)

請問巴士今朝點樣陪葬？彌敦道今朝係好塞，但有可能係窩打老道撞車啲車塞住路口搞到倒灌，唔見得關港鐵事

巴士收車，係巴士公司自己經營不善。就算平日無事巴士一樣收車

認真，今次港鐵又唔係搞到荃灣綫過唔到海，只不過係行少一個站同埋開少咗班次，樓主就講到好似世界末日咁？我反而係質疑有啲人民智不足囉。而且，將呢啲事拉上巴士板鬧，樓主根本係借題發揮、惟恐天下不亂

238X 發表於 2019-3-18 10:34
請問巴士今朝點樣陪葬？彌敦道今朝係好塞，但有可能係窩打老道撞車啲車塞住路口搞到倒灌，唔見得關港鐵事

...

今朝都有唔少巴士乘客因爲多左鐵路客而頂閘, 導致中途站客上唔到車，同埋西隧未夠 8:18 已經塞到去擎天半島算唔算?

peterkwan 發表於 2019-3-18 10:56
今朝都有唔少巴士乘客因爲多左鐵路客而頂閘, 導致中途站客上唔到車，同埋西隧未夠 8:18 已經塞到去擎天半 ...

我頭先講嘅民智不足就 exactly 係呢樣嘢

反觀我有同事一向早返工，佢照用港鐵，一樣無事

你講嘅留後，我都有另一位搭 41A 嘅同事中招，不過查咗 app 之後就發現係佢上唔到嗰架車前車差咗成 20 分鐘，即係問題喺九巴度

我今朝6半照舊如常搭905南行，嗰陣有唔少人重係收到紅線過海全停嘅消息，結果我上部905係滿座過海要企人，以往呢個時間一般有少量位剩。

咁唔會為左365日先發生5日既事，而365日都開到要足夠食哂鐵客既班次家嘛。咁樣實蝕，不如你做?