得來不易 城巴捷達猛獅 (長文, 多圖注意)

(麻帆良市時報記者キズナアイ報導)
はい、ども! キズナアイです~♥
城巴一向比人有朝氣同勇於創新嘅形象, 由佢地嘅車隊亦可以反影出呢一點,
城巴喺 1998 年首度引入 80 架德國 MAN NL262 單層巴士, 佢地被編號為 1501-1580,
亦成為全港首間引入 MAN 巴士產品嘅專利巴士公司,
佢地採用 MAN 自家研發, 有 11.97 公升嘅 Euro 2 標準 D2866LUH-2 2 型卧置式柴油引擎,
馬力高達 260 匹, 連接 Voith 全自動波箱。由於佢地嘅引擎出力高,
比當時唔少雙層巴士例如 Volvo Olympian 嘅 245匹, 以及唔少中型單層巴士,
例如 Dennis Dart 嘅 145 匹或 Volvo B6 嘅 210匹還要高出唔少,
所以 NL262 巴士嘅起步同加速性能突出, 爬坡上斜嘅能力亦因為大馬力而相當出眾,
因此佢地主要被分配到北角寶馬山、南區香港仔及中環嘅半山區路線,
亦會喺假日及非繁忙時段行駛乘客量較低嘅過海隧道巴士路線行走,
另有部分 NL262 改作單門同加裝行李架後，曾經成為來往機場 A10 嘅主力用車,
深圳灣西部通道啟用後, 部分 NL262 亦曾經行駛口岸路線。雖然NL262整體表現良好,
但係由於香港專利巴士嘅 18 年車齡限制, 所以城巴從 2011年開始,
分批訂購中國製青年單層巴士, 以及 ADL 嘅 Enviro 400 雙層巴士逐漸取代 NL262。
2016年，NL262 已經全數撤出城巴專利巴士路線, 部分 NL262 被移交到城巴嘅非專利部繼續服務。
但係隨着政府資助更換 Euro 2 標準商業車輛的計劃, Euro 2 車輛於 2018 年起唔可以再續牌,
餘下嘅 NL262 亦已於去年 12 月中因牌照到期先後退役。
另外城巴喺 1999 年被英國第二大巴士公司 -- 捷達集團 (Stagecoach) 收購,
令城巴成為首家獲得外資收購嘅本地專利巴士公司,
城巴於是為其旗下其中幾架巴士鬆上帶有英國 Stagecoach 企業色彩嘅車身塗裝,
但係依然保留以黃色為主調, 本文主角 1501 就係其中之一,
而且亦係城巴唯一一架上有 "捷達" 色嘅事單層巴士,
可惜香港政府推行鐵路為主嘅政策, 對專營巴士公司實施車輛配額限制,
限制專利巴士公司開拓新路線, 透過降低專營巴士嘅競爭力保護鐵路公司嘅投資,
加上 2003年香港爆發沙士疫情, 令外資無意繼續喺香港嘅專營巴士市場投資,
Stagecoach 最終於 2003 年 6 月 9 日宣佈將城巴轉售予新創建集團,
令新創建同時擁有新巴同城巴, 港島區巴士嘅激烈競爭因此宣告結束,
而呢架 1501 嘅 "捷達" 色車身塗裝亦於數年後消失。

今日, 麻帆良市隆重歡迎城巴 MAN NL262 巴士登陸!
呢款百份百德國出品嘅 MAN 巴士, 配上由 MAN 自家製造,
由位於葡萄牙嘅 Salvador Caetano 車身裝配廠嘅車身, 車身線條充滿歐陸風味,
亦令市長 Super Bus 為之心醉, 係一般英國巴士都比唔到嘅感覺, 搶眼鮮明嘅城巴黃色車身色彩,
已經令呢部 MAN 巴士外觀呼之欲出, 再配上英國 Stagecoach style 嘅色彩,
對於鍾意歐洲風巴士嘅市長 Super Bus 嚟講無疑更加吸引!
2012 年 Model 1 推出過樹脂膠車版嘅 NL262 模型, 作為呢款巴士嘅支持者, Super Bus 自然支持啦,
估唔到多年後, 佢地再推出金屬版, 而且比前作更有神, 就連 Super Bus 都話: "冇任何唔支持嘅理由!!"
今日呢架城巴 MAN 1501, 將佢昔日配上 "捷達" 色車身塗裝嘅風采,
喺今日再度重現大家眼前!!


隆重歡迎!! 城巴 MAN NL262 巴士, 1501, 見參!!

(Super Bus 按: 冇留意呢架巴士會出結果撲空,
想即刻後追點知已經去到天價, 正當以為無望之際,
幸得某君相助, 雖然都係貴啲, 亦算唔洗硬食瘋狂天價入手, 真係要多謝佢)








證書編號 0315, 全球限量推出 900 架


正式落地!! 人工智障キズナアイ也愛上猛男!!




北角碼頭巴士總站同真車一樣, 已經成為歷史














同膠車版 1501 相會




來一個對比先~~
雖然膠車車頭失分, 但係內籠嘅精細度又著實係值得一讚








同上次接收嘅 1538 相會















Thanks for reading~