中西區對 3B/40/40M 重組的討論

城巴的簡介:

1.  3B號由中環伸延至華富(北)的路線修訂為改經花街，然後才由
      堅道前往華富方向行駛。

2.  取消40M號線後所節省的九部巴士將全部改為投放於其他路線，
      40、70、592  加一部巴士，3B  加六部巴士行駛。
      經修訂後，預計因取消40M號線而要採用轉乘路線的乘客將減少至354人。

區議員的疑問
1.  若 40 前往灣仔碼頭方向的路線改經堅道，上址居民因而要選擇轉
     乘路線或採用收費較貴的23號系列巴士路線，變相強迫居民選乘
     收費較高的路線，造成不公平。
     建議23號系列的巴士線增設雙向分段收費，例如由柏道及羅便臣道
     往金鐘只收取約$4.8的車資，即與現時40號線的收費相若，才考慮
     接重整建議。
     並表示23B路線班次較疏，不受附近居民歡迎，故更改40號
     路線對居民造成一定影響，並建議維持上次會議通過的動議。

2.  希望運輸署加強上述地區的專線小巴服務，作為40M號線的替代交通工具

城巴回應:
現時柏道及羅便臣道一帶居民可以乘搭23B直達灣仔，
而是次路線重整已包括增設由般咸道豫苑外至寶馬山一段的$4.8分段收費，
此外，羅便臣道居民可乘搭23A往灣仔，收費$4.7，
又或乘搭3B號線轉乘40號線，收費$4.8。

最後委員同意維持上一次會議通過的動議

其實最大問題係三條線係有必要重組,
非繁時少客o左少少,
若 23 減價相信可以搏他們歡心 gei...
而南區區議會會否見到 40 / 70 / 592 加車而支持方案呢?

我諗多數都唔會通過架啦...
因為南區既柴議員係反對呢個方案既，
係華富大大隻字寫住反對城巴計劃取消40M...

南區方面真係唔可能俾佢過關

佢始終解決唔到重組後0既問題
就係40/40M落金鐘0係改為由40落金鐘/3B落中環之後
一條40夠唔夠裝晒成堆華富客出金鐘/灣仔
仲要載埋原來去堅道/般含道0既學生
(唔計有43X/46X/紅小做後援)

[ 本帖最後由 JN6854 於 2006-7-2 02:11 編輯 ]

原帖由 JN6854 於 2006-7-2 02:07 發表
南區方面真係唔可能俾佢過關

佢始終解決唔到重組後0既問題
就係40/40M落金鐘0係改為由40落金鐘/3B落中環之後
一條40夠唔夠裝晒成堆華富客出金鐘/灣仔
仲要載埋原來去堅道/般含道0既學生

其實目前40及40M早上繁忙時間都唔會滿，華富村同置富人口老化，學生唔多。
40早上客量其實頗慘淡，往灣仔班次，離開置富後都只係得一半客左右。

如果按原有方案，40M照跟3B路線就好有問題，因為南行方向照顧唔到原有40M
中環客，而家改進方案其實都OK。

我已經多次響呢度講過，自從某些南區區議員「成功爭取」46X不經華富後，早
上由華富要坐40/40M出金鐘同灣仔，行車速度倒退番去十幾年前未有504 o既年代
，簡直就係十多年以來最差o既。40要兜置富同埋羅便臣道，而40M就要兜中環，
兩線都要成45分鐘以上先到灣仔。加上早上無紅小去灣仔，而31綠小又貴，所以
非巴士服務選擇亦好有限。

40經堅道可以節省約5分鐘行車時間，如果不經置富的話總行車時間可以節省近十
分鐘，雖然唔算特快，但總算可以改善華富至金鐘及灣仔o既巴士服務。

40M華富客源主要係去中環，往金鐘及灣仔都較少，只要40加班的話，我認為3B取
代40M完全無問題。雖然行車時間會延長，但華富往中環已經有4, M49及紅小，所
以我認為40比新3B/40M更有需要取道較直接路線。

對半山而言，目前半山往金鐘/灣仔o既巴士服務資源都集中響羅便臣道，真係一
條23都夠殺晒，而堅道方面就要靠綠小。但每逢早上繁忙時間及下午港大放學時
間，堅道極難上到綠小，23B班次疏，原有40M又因為要兜中環而不受歡迎。如果
新40經堅道而又加強班次的話，堅道一帶o既交通將會大有改善。

如果新40班次可以加密至繁時7/8，非繁時12分，假日15一班(即係城巴剛接手時
o既班次)，其實都相當吸引o架。

P.S. 某議員o既Banner其實都幾誤導，話反對40及40M合併，令人以為華富會少o左
一條巴士線。實際上同40M合併o既係區外o既3B而非區內o既40，而3B/40M同40之
間o既關係，點計都係行車路線重組，而非二合為一o既合拼。

[ 本帖最後由 PB602 於 2006-7-3 21:56 編輯 ]

原帖由 053h4 於 2006-7-3 22:25 發表


但加一部車後, 40 可以去到 7/8分鐘的水平?
以現時的方案, 更本無可能讚成

除非, 46X加密到15min一班, 來回程改經金鐘道\軒尼斯道
並全日經華富

另外, 華富\薄扶林一帶是否需要一條經半山去中環的巴士 ...

而家 40 早上繁時07:41 - 08:12都 7/8 分鐘 啦~
唯華富\薄扶林都有需求的~

今日南區區議會0既資料指出
3B/40/40M的重組計劃已經擱置
將來會唔會有另一個重組計劃就係將來0既事

原帖由 JN6854 於 2006-7-3 23:13 發表
今日南區區議會0既資料指出
3B/40/40M的重組計劃已經擱置
將來會唔會有另一個重組計劃就係將來0既事

另外一問....
今日的會議傾了什麼?

原帖由 053h4 於 2006-7-3 22:25 發表
但加一部車後, 40 可以去到 7/8分鐘的水平?
以現時的方案, 更本無可能讚成

除非, 46X加密到15min一班, 來回程改經金鐘道\軒尼斯道
並全日經華富

另外, 華富\薄扶林一帶是否需要一條經半山去中環的巴士 ...

40M如果真的跟3B合拼，就可以騰出珍貴的金鐘道/軒尼詩道Quota，如你
所說，46X絕對可以改經金鐘及軒尼詩道往灣仔碼頭，如果可以經華富及
華貴的話，一定可以提高吸引力。

但華富及華貴兩區的議員好像並不積極爭取往金鐘灣仔的快線，繼支持
46X不經華富/早上繁忙時間之後不經華貴之後，又支持46X來回都行港灣
道，他們似乎對於「陰乾」46X有更大興趣...

至於經半山往中環的巴士線，其實40M最大的意義是可以由華富前往中
環東/南(雪廠街一帶)，中巴年代這批客已是主力客源。由於華富及置富
一直都有車去堅道/羅便臣道，所以傳統上便需要兩氣經半山路線了。

不過個人認為，這安排有點多餘。40/40M當初經半山是因為這樣的行法
比較快(40以前更是黃牌車)，可以避開當年干諾道中的擠塞罷了，今時
今日看來其實不合時宜...