巴士站設座位，坐喺度當唔當排隊？

爭嗰幾個位求其啦

應該跟返實際到站排隊時間排位，用座位插隊要不得

坐低左 有車時佢有起身咪俾佢攝番入隊 有車黎都唔起身 佢就註定變最尾  最憎係有時條隊排到嗰度 啲人唔坐 但又頂住人去坐 其實原意是好 但座位位置有時不當

廢中廢老要插隊有千千萬萬個理由

個個開遮係出面圍欄排隊

佢就Lay係有蓋既地方

有車黎既時候就直插隊頭

話自己晨早就黎咗

講番正題

計我話最好就係由「請在此排隊開始計」

而家九巴都開始收晒堆欄變劃綫，就由起跑綫開始

你有得坐已經佔咗著數，咁就麻煩去後面排隊

qunow 發表於 2019-3-25 18:51
爭嗰幾個位求其啦

如果朝早大興體育館上 258D 嚟講，嗰一兩個人的確可以令到佢由有得坐變企足全程 ...
其實程車唔係話要等好耐先有車嘅，就上車先坐啦 ... 差得嗰少少時間 ...

如果得一排凳, 但有兩條隊, 我有時都唔知坐喺度嗰啲人等邊條線, 例如觀塘站13M 606, 凳就擺606排隊位, 等13M嘅一樣可以坐, 冇理由13M到站佢企起身, 我話佢打尖, 因為係佢先到站等車, 但一樣米養百樣人, 尤其是鍾意斤斤計較嘅, 明明大家都上到車有位坐, 都要嗌交收場, 咁嘅情況, 應該係以人嘅修養去決定「遊戲」規則, 息事寧人.

但若如藍田站西行九巴15 215X 62X 259D呢個站, 雖然凳係裝喺上蓋之下, 同兩條隊有距離, 理論上坐喺度等車就預左人地唔當你排緊隊, 但當有人坐, 行人路就幾乎俾等車客block死左, 行人要側身過, 凳就顯得相當阻街, 呢樣係裝凳嘅另一種尷尬位.

回#5 最弊好多人連起跑線喺邊都唔知  總站就最多人企輪椅位”起跑” 然後條隊反方向排，或者架車泊得好前 佢地就唔排入隊排車門。(例603平田總站  仲要架車喺隔離線開 佢自自然然就變冠軍) 或者人地好清晰分左呢條隊係呢條線 但架車黎佢明明排緊另一條線都扮到第一 (上次康怡 佢排喺682 102黎佢郁喎 仲話坐到隧道口 根本排錯啦 佢排既時候 幾萬條隊都暢通無阻 然後我先去排102者)