過海線690/690P調整班次消息

Dexter981 發表於 2019-4-24 14:50
的確居住模式係有影響，話唒過海上班嘅交通支出唔係少(忘了……)
不過有人話690寶琳落好少人，放工時間要 ...

係我 Post 過 690 企人上山相，我當你話我啦，
但我從無講過 690 寶林落好少人喎，雖然 690 企人上山係極端例子，不過我由頭到尾都無提過呢班車寶林實際落左幾多人。

我最多講過既係寶林客佔 690 整體客量唔夠一半，而呢個的確係事實，
我亦講過 690 最多人落既站一係欣景路一係翠林邨，咁寶林算多人定少人就係閣下解讀。

事實上 690 客量唔高係大家都知既事實，
只不過唔多得黎佢繁時又識企人，派 E400 又好易超載咁解。要不是你成日拎o的繁時邊皮時段既班次周人少客，呢篇文已經 die down，
一大主因其實係減班第三個星期起，下繁城巴終於知衰派返晒大車，
我諗呢個 post 真係日日搭呢條線既都係得我一個o者，佢派返大車其實就算我仍然要企都無野好嘈。
呢條線唔會有得救，但你唔搞佢都唔會繼續衰，唔該由佢自生自滅。

呢條線點解吸唔到寶林客係唔需要深究，
因為朝早康盛翠林小巴長龍入面隨時有一半人都係轉鐵過港島，何況寶林？
我想回既係有師兄話山上駁腳轉鐵過海方便，其實唔係。
翠林 17M 長龍就唔提啦，康盛落山雖然多車，但入將軍澳方向基本上所有巴士線都係 20+ 分鐘一班，而佢地係好多時都一齊黎，
15M 得兩架車其實疏到唔使提，12 111 又係好疏加上本身車上有客，其實朝早落山係好難搭車。
由出門口到寶琳站月台已經講緊 25-30 分鐘，只不過轉鐵 45 分鐘後我人在港島，搭 690/P，45 分鐘後我係將隧塞返上屋企樓下。

呢個係返工搭鐵放工搭 690 住山上返港島既人既睇法。
有時我放工要去寶林買 d 野先返屋企，或放假去寶林食 d 野先出過港島，我會毫不猶豫直入港鐵站。
與其問點解寶林少人搭 690，我更想知點解寶林仲有人搭 690。

XA2Plus 發表於 2019-4-24 14:20
所以證明你冇咩慧根
比較下兩個地區嘅人口分佈同住宅項目就知點解喇，你有幾可聽見有一個30年歷史嘅公屋 ...

識得考慮人口分布同住宅類別係有o的慧根，
但樓齡同房屋類型有時反映唔到所有事實，再多o的慧根既話，其實有好多數據都係唾手可得，好過靠估。

我求其抽左幾個將軍澳屋苑（山上、寶林、坑口、將南）同閣下心目中既中產屋苑麗港城做左少少比較，睇下人口、工作地區同入息分布：
公屋代表有翠林邨、寶林邨、厚德邨、尚德邨；居屋代表有康盛花園、頌明苑、彩明苑；私樓代表有新都城、東港城、維景灣畔同傳說中既中產王觀塘區麗港城。

	山上		寶林		坑口			將軍澳南			中產區
	康盛花園	翠林邨	寶林邨	新都城	厚德邨	頌明苑	東港城	尚德邨	彩明苑	維景灣畔	麗港城
人口	5505	14897	15319	18714	12806	4894	7054	18750	15399	15372	25281
年齡中位數	46.2	50.9	51.6	41	47.3	50.3	41.6	39.3	39.3	42.1	39.7
壯年人口 (25-44歲)	1746	4775	4642	6373	3633	1011	2251	4901	4738	5378	8276
壯年人口比率	32%	32%	30%	34%	28%	21%	32%	26%	31%	35%	33%
工作人口	3028	7713	8008	10299	6043	2570	3583	9125	8302	8704	14591
工作人口比率	55%	52%	52%	55%	47%	53%	51%	49%	54%	57%	58%
港島區工作人口	798	1680	1761	3149	986	593	1177	1625	1764	2919	4088
港島工作人口比率	26%	22%	22%	31%	16%	23%	33%	18%	21%	34%	28%
住戶月入中位數	32900	23000	20750	44000	20000	30000	55580	20300	26140	60000	60300

由此可見，家庭入息計麗港城係中產區當之無愧，
但你以為山上屋苑早入伙就一定人口老化咩？其實康盛翠林佢地壯年人口比率只係同區內私人屋苑或麗港城相約，甚至拋離坑口居屋頌明苑，
工作人口比例亦比山下屋邨多。

至於重點即係港島區工作人口比例，其實只有港鐵沿線私樓百份比上到 3 字頭，
麗港城其實都係得 28%，計埋工作人口比例因素，都不見得高過山上 30 年公屋同 30 年居屋，
再睇埋港島區實際工作人口（景明苑無數據），690 山上段朝早比 621 少客好明顯唔係人口結構問題，而係班客真係俾將軍澳隧道趕晒去搭港鐵。

3ASV174 發表於 2019-4-24 22:17
係我 Post 過 690 企人上山相，我當你話我啦，
但我從無講過 690 寶林落好少人喎，雖然 690 企人上山係極 ...

寶林人坐690好大程度係貪有位坐(即係寧願坐喺車上坐多陣瞓多陣, 都唔想喺港鐵罰企兼做沙甸魚)
至於回程, 時間穩定性重要程度降低咗
再加上景榕樓班班都有around 10-20個人落車
入座率比港島方向更高

JX9097 發表於 2019-4-24 22:58
寶林人坐690好大程度係貪有位坐(即係寧願坐喺車上坐多陣瞓多陣, 都唔想喺港鐵罰企兼做沙甸魚)
至於回程,  ...

其實今次減班後，繁忙時間景榕樓真係明顯少左人落車了，
反而欣景路變化不大，康盛翠林就真係三班倒埋兩班。

而除非真係老銅前上車啦，
如果唔係依家 690 都已經唔再係包有位坐，要不是我返山上大概我都會放棄 690，要企何不企港鐵呢？

3ASV174 發表於 2019-4-24 23:10
其實今次減班後，繁忙時間景榕樓真係明顯少左人落車了，
反而欣景路變化不大，康盛翠林就真係三班倒埋兩 ...

啱啱坐完2050九巴時段尾車(九龍方向)
派綠蛋, 北角過海前上層有位剩
景榕樓落咗十零人, 同減班前差唔多

不過真係有跌都唔出奇
始終跌破20分鐘心理關口
走車的話搭地鐵都過哂海
唔會再畀機會佢

3ASV174 發表於 2019-4-24 22:46
識得考慮人口分布同住宅類別係有o的慧根，
但樓齡同房屋類型有時反映唔到所有事實，再多o的慧根既話，其 ...

識拎人口普查Data回覆，幾好

不過，問題係港島區太大。
621同690P主要喺做緊港島北岸嘅商業區，亦即係話需要乘搭佢哋嘅人，大部分都係要直接去港島北岸上班嘅人。

然而，港島區唔係淨係得北岸有工商業用地，喺太古城仲有一群商業區，喺柴灣都仲有幾個零散嘅工業區同一個集中的工業邨，而黃竹坑嗰邊亦都仲有工廠區。

而如果我冇記錯嘅話，人口普查結果應該只係講有幾多人喺港島工作，冇細分係邊一個區。
有機會出現嘅結果係翠林康盛有一定數量嘅人喺香港島東岸返工，唔似麗港城咁集中喺北岸嘅商業區。

而上繁的確690嘅載客量係好過690P，一架企人嘅690，上午去到維園附近已經可以得返窗位，咁但係一架直達灣仔嘅690P，可能真係只需要企一個。

而事實上早前亦都曾經有零散嘅地區組織係要求過要有車由山上出去東區，尤其是當年城巴喺山上面準備A29P、而重整站牌嘅時候，曾經引發過一連串嘅討論。咁所以有部分人可能係真係去東區上班。

當然我都有疏忽，好武斷咁樣將整個港島北商業區當成已經代表到港島工作人口。搵到電腦我會修正成「需要去港島北岸商業區上班嘅人口比起麗港城低」，而唔係武斷地覺得整個港島都低

JX9097 發表於 2019-4-24 23:16
啱啱坐完2050九巴時段尾車(九龍方向)
派綠蛋, 北角過海前上層有位剩
景榕樓落咗十零人, 同減班前差唔多

每一個小時由三班車減到去兩班車站咁但係落客嘅人數係相約，即係少咗約三分一人。

3ASV174 發表於 2019-4-24 22:17
係我 Post 過 690 企人上山相，我當你話我啦，
但我從無講過 690 寶林落好少人喎，雖然 690 企人上山係極 ...

「與其問點解寶林少人搭 690，我更想知點解寶林仲有人搭 690。」？

咁我夠唔明點解會有山下人肯慢碌 290 系？

FYI 琴晚我搭果架東行 40 去到牛頭角站，前面 296A 已經埋左站上客中
頓時有 10 個人即興一齊一百米跑步比賽

XA2Plus 發表於 2019-4-25 13:07
每一個小時由三班車減到去兩班車站咁但係落客嘅人數係相約，即係少咗約三分一人。 ...

你啱, 不過未去到跌三分一因為我坐嘅時段仲係25分鐘

但冇辦法, 始終一跌穿20分鐘感觀已經好差

(因為之前見到減班通告後可能連開ETA嘅意欲都冇, 直接坐地鐵)

若果尋晚唔係咁啱有車, 而係遲5分鐘走
我都會毫不猶豫坐地鐵再行返去算數