本帖最後由 EX-TL 於 2019-4-18 01:48 編輯
單憑呢張相, 點解巴士係二線鏟埋慢線未入巴士站, 在馬路上落客, 究竟係司機心急, 唔等前面埋站巴士離站, 就讓輪椅客上落, 還是呢度本身違泊太嚴重, 巴士無法泊好上落客?
無論如何, 對輪椅來講, 巴士站同路面之間有一級, 無人幫助下亦無可能通行.
我想講, 馬路落斜板, 即使車身降到最低, 睇起嚟唔算好斜, 但實際真係好斜, 手推輪椅上車都要先剔起輪椅, 讓前輪座在斜板才向上推.
除非電動輪椅前輪(上車時)/尾輪(落車時)有隻腳仔伸出來先固定好位置, 翻車機會才可減低, 否則我絕不支持車長在馬路上處理輪椅乘客上落.
樓主呢句:「不過輪椅客上落都唔係九巴司機本身嘅負責開」意思即係點, 架巴士有輪椅斜板, 斜板係由車長負責開合, 乘客上落車位置亦係由車長負責, 除非大塞車, 個客好趕時間, 要求車長開門落車(未到站), 車長開門都會叫個客小心睇車, 呢單輪椅意外, 件事大起上嚟應該唔止投訴咁簡單, 一切要睇個客追唔追究. |
