香港的巴士實在太貴+307轉獨營的可行性

cky 發表於 2019-4-21 02:25
6X 最近要去聖約瑟搭
搭 6X 不如行去搭 40 冇咁嬲？
甚至行入少少坐 1/19 上山轉 6 都冇咁嬲

有啲獨市位係想轉都無得轉囉，舉例喺以往HKU啲970 970X 973無論10架定係20架爆哂都好都只能死等，又或者星期六大網仔等94返出去西貢嘅話爆哂都係只能死等，又或者有時深水灣旺起上來經過出返市區嘅6X 73 260全部爆哂，排到一部70XX都唔夠清客要等吉車打救。

miklcct 發表於 2019-4-21 17:29
佢話等40即係喺馬場啦，咁應該係搭香隧車入海洋公園轉車會重好。

假日有65直達轉乜平日行去聖約瑟搭6又唔遠好過等兩次車

KW2523 發表於 2019-4-21 17:42
假日有65直達轉乜平日行去聖約瑟搭6又唔遠

佢係平日（週六）去，所以無65搭。如果我聽到佢之後再提我會叫佢灣仔尾站搭6／6X過去。

miklcct 發表於 2019-4-20 11:07
叫人轉小巴靠害咩？小巴得16／19個座位，我有朋友試過喺跑馬地等架小巴入淺水灣10架都爆。
...

我記得你曾經教DSE考生搭小巴返學架喎，仲要係必飛站果隻唔係14轉118轉東鐵先至符合你搭尾站車既需求咩？
我個人亦都覺得咁樣會係最快

PS：2019 Dse考生，基本上唔會搭小巴去考試，除非避無可避

mopdat 發表於 2019-4-21 18:06
我記得你曾經教DSE考生搭小巴返學架喎，仲要係必飛站果隻唔係14轉118轉東鐵先至符合你搭尾站車既需求咩？ ...

當時嗰個情況同而家唔同。當時我係叫人轉140M，而且係自己搭過（當時係朝早趕去定向比賽，屯門出發，青華苑做賽事中心），部小巴係坐滿一半都唔到，同埋無相若路程嘅巴士取代屯轉至青華苑嗰段路，先至焗搭140M。而家呢個情況明顯係搭6X同小巴路程幾乎一樣，咁當然巴士見。

點解唔係九巴獨營 307 系？而家擺明係城巴阻住哂成條 307 既發展，307C 加車又慢，回程又比 980X 981P 快過哂一截

最重要係會成班人一齊唔用九巴月票
重投投輸一件事，直接比城巴唔Ok

miklcct 發表於 2019-4-20 11:03
係kaliningrad，搭相若距離嘅巴士根本唔使4元港幣，重平過香港。

你用東歐城市，相比的城市只有中國大陸的無錫或者赤壁之類，國內只是2-3元，那就有得比。

和香港生活指數的，應該和瑞士，英國咁比先有比較性。

用日本士多啤梨和大陸士多啤梨比咁，根本有得比，不是一般的橙和橙。相對來說，歐洲也比相等中國城市貴得多。

cx838 發表於 2019-4-21 21:36
你用東歐城市，相比的城市只有中國大陸的無錫或者赤壁之類，國內只是2-3元，那就有得比。

和香港生活指 ...

香港乜都唔貴，只係樓貴，同英國瑞士嗰啲大城市好難有得比；同中歐嗰啲比就差唔多。

miklcct 發表於 2019-4-21 23:23
香港乜都唔貴，只係樓貴，同英國瑞士嗰啲大城市好難有得比；同中歐嗰啲比就差唔多。
...

咁講的話，美國買野仲平啦，又唔見坐車平。出外用膳，香港和巴黎差不多

miklcct 發表於 2019-4-21 23:23
香港乜都唔貴，只係樓貴，同英國瑞士嗰啲大城市好難有得比；同中歐嗰啲比就差唔多。
...

何解要拎一個有消費稅國家既麥當勞餐做比較？
更何況，香港係一線國際城市，拎倫敦巴黎紐約東京比好正路。

香港巴士服務係商業主導，其他地區政府介入程度各有不同，
香港起碼有按距離 Fare Chart，你睇下隔離澳門搞成點，話知你關閘去氹仔，定塔石廣場去亞馬喇前地一樣價，真係痴線。

你拎里加做例，我唔覺得單程 1.15 歐平，日票要成 5 歐，以東歐國家直頭係天價，直逼西歐收費，
就算意大利城市平均都只係 1.3-1.5 歐 75-90 分鐘一程（甚至比轉車），倫敦巴士都係只 1.5 磅 60 分鐘任搭。
仲未計係大城市搭 5-6 個站照收你一程 1.5 歐，但事實上等於香港地旺角去尖沙咀距離，真係焗俾天價車費啦。

如果你搞西歐果套，不論觀塘、九龍塘定旺角去尖沙咀都比你搞到 10 蚊一程（203C 收緊 4.3；215X 收緊 7.5；208 都只係收緊 8.1），我驚香港人暴動都似。
唔係個個市區人每日搭緊 40-50 蚊車費，唔少市區人就算搭地鐵過海，一日頂多洗 20-30 蚊車費，唔洗過海既人一日可能 15-20 蚊內。

香港巴士車費真心平，學西歐搞市區日費同劃一收費簡直畫蛇添足，根本做好跨公司轉乘就已經好好。